oЫд. ыр. 26:13
Ezekiel 26
Тир ортулук дугайында
1Туттуруушкунувустуң он бирги чылында, бир айның бирээде Дээрги-Чаяакчы меңээ Бодунуң сөзүн ажыдып чугаалаан: 2«Кижи амытан, Тир хоорай a Иерусалимни кочулап, хыы ханып: „Көрүңер даан, хөй чоннарның садыглап турган хоорайының хаалгазы үрелип калды, ол чоннар ам менче көрнүп кээр-дир. Ол хоорай хоозураан-дыр, а мен ажык-кончаалыг болур мен“– деп чугаалааны дээш, 3Дээрги-Бурган-Чаяакчы мынча дээн:„Көрдүң бе, Тир, Мен сеңээ удур апардым,далайның чалгыгларын көдүрери дег,
Мен сеңээ удур хөй чоннарны көдүрер мен.
4Олар сээң ханаңны үреп, суургаларыңны бузуп кааптар;
Мен сээң довурааңны үндүр ширбип, сени тас хая кылып каар мен.
5Сен чүгле далай ортузунда четкилер септээр чер болур сен b,
чүге дээрге Мен ынча деп тур мен – деп, Дээрги-Бурган-Чаяакчы медеглээн. –
Сени өске чоннар үптеп кааптар,
6а сеңээ чагырткан эрикте турар хоорайжыгаштар хылышка узуткаттырар.
Ынчан Тир Мени Дээрги-Чаяакчы деп билип аар c“».
7Дээрги-Бурган-Чаяакчы мынча дээн:
«Көр даан, Тир, Мен сеңээ удур соңгу чүктен Вавилоннуң хааны Навуходоносорну d,
хааннарның хаанын e, аъттары, дайынчы тергелери, аъттыг шеригжилери болгаш
хөй санныг аг-шерии-биле кады эккээр деп тур мен.
8Ол сеңээ чагырткан, эрикте турар хоорайжыгаштарны
хылыш-биле кыргып-хыдыыр,
сеңээ удур бүзээлел суургалары тудар,
бүзээлел чалы оваалаар, дозуг-камгалалдар тургузар f.
9Ол сээң ханаларыңны чепсээ-биле буза үстүрер,
сээң суургаларыңны кускун-хаайлар-биле үрегдээр g.
10Ооң аъттары дыка хөй болгаш,
оларның доюлдурган довурак-доозуну сени шыва аптар.
Кажан ол сээң хаалгаңче, ханаларын деже шаап каан хоорайже дег, кирип кээрге,
сээң ханаларың ооң дайынчы аъттарының,
тергелериниң даажындан сириңейни бээр.
11Навуходоносор бодунуң аъттарының дуюу-биле
сээң кудумчуларыңны таптаар.
Ол сээң чурттакчыларыңны хылыш-биле кыргып-хыдыыр,
күчүлүг адагаштарыңны черже дүжүр октаптар.
12Сээң бай-байлааң үптеттирер, барааннарың оорлаттырар,
ханаларың бустурар, каас-коя бажыңнарың үрегдеттирер,
а даштарың, ыяштарың болгаш довурааңны сугже дүжүр октаптар.
13Мен сээң шимээн-дааштыг ырларыңның төнчүзүн салыр мен,
чадаганнарың үннери дыңналбастай бээр h.
14Мен сени тас хая кылып каар мен,
чүгле четкилер септээр чер апаар сен i;
кажан-даа катап туттунмас сен,
чүге дээрге Мен, Дээрги-Чаяакчы, ынча деп тур мен».
Дээрги-Бурган-Чаяакчының медеглээн чүвези ол-дур.
15Дээрги-Бурган-Чаяакчы Тирге мынча дээн: «Сээң буураашкының шимээн-даажындан, кажан сээң улузуңну кыргып-хыдый бээрге, балыглатканнарың човууртаарга j, далай эрииниң чурттакчылары сириңейни бербес бе? 16Ынчан далай эриинде чурттарның бүгү чагырыкчылары дүжүлгелеринден дүшкеш, каас-коя тоннарын уштуп октап, угулзалап даараан хептерин ужулгаш k, коргуушкунну хеп дег кеткеш, черге оруп аар. Олар бичии-даа када соксавайн сирилеп, сээң үүлең дээш коргуп-сүртээрлер l. 17Олар сен дээш кажыыдал ырын ырлап, сеңээ m:„Далайжылар чурттаан алдарлыг хоорай, канчап өлүп калдың!
Сен бодуң-даа, чурттакчыларың-даа далайга күштүг чордуңар,
бүгү далай эриин коргудуп турдуңар.
18Ам, сээң буураан хүнүңде, далай эрииниң чурттары сириңейнип турар;
далайда ортулуктар сээң өлүмүң дээш коргуп-сүртеп турар“– дээр-дир».
19Дээрги-Бурган-Чаяакчы мынча дээн: «Кажан Мен сени, ам кым-даа чурттавайн турар хоорайлар ышкаш, хоозураан хоорай кылып каарымга, кажан Мен дүп чок далайны сээң кырыңче көдүрүптеримге, улуг суг сени хөме аптарга, 20ынчан Мен сени өлүглер оранынче дүже берген улус-биле, шагда-ла чиде берген чон-биле таварыштырып каар мен, сени алдыы оранга, үе-дүптүң бузундуларының аразынга, өлүглер оранынче дүже берген улус-биле кады чурттадып каар мен, сен оон ээп келбес сен n. А Мен дириглер оранынга o алдаржыыр мен ▼
▼ Бо домактың утказы эки билдинмес. Өске бурунгу сөзүглелде «Дириглер оранынга туруп келбес сен» деп бижээн.
. 21Мен сенче коргунчуг төнчү ыдар мен, сен чок апаар сен q. Улус сени дилээш-даа, кажан шагда тыппас». Дээрги-Бурган-Чаяакчының медеглээн чүвези ол-дур.
Copyright information for
TyvTUV