aЭ. д. 32:3
bИса. 34:5; Иер. 49:7-22; Иез. 25:12-14; Авд. 1:1-16; Мал. 1:3-4
cИез. 6:7
dИез. 21:25
eАм. 1:11
fИез. 5:11
gЭ. д. 9:6
hИез. 5:11
iЫд. ыр. 136:7
jИер. 50:29; Авд. 1:15; Авв. 2:8

‏ Ezekiel 35

Эдомга удур өттүр билген медеглел

1Дээрги-Чаяакчы меңээ Бодунуң сөзүн ажыдып чугаалаан: 2«Кижи амытан, даглыг Сеирже шиглей көрүнгеш a, аңаа удур өттүр билип медегле. 3Дээрги-Бурган-Чаяакчының чугаалаан чүвезин аңаа дамчыт:

Даглыг Сеир, Мен сеңээ удур апардым.
Сенче холум аннып, сени ээн калган, хоозураан чер кылып каар мен b.
 4Сээң хоорайларыңны бузундулар кылдыр хуулдурар мен, хоозурап каар сен.
Ынчан Мени Дээрги-Чаяакчы деп билип аар сен c.

5Кезээ шагда Мээң чонум-биле өжээннежип, израильчилерниң бүрүн кеземче көрүп турар шагында d оларны хылыштың чемижи кылдыр хүлээдип берген сен e. 6Ол дээш, Мен дириг Бодумнуң адым-биле даңгыраглап тур мен f: Мен сени өлүрүүшкүнге хүлээдир мен, ол сени истеп-сүрер. Өлүрүүшкүннү көөр хөңнүң чок апарбаан болганыңда, ол сени истеп-сүрер g – деп, Дээрги-Бурган-Чаяакчы медеглээн. – 7Мен даглыг Сеирни ээн калган, хоозураан чер кылып каар мен; ону тавартыр кым-даа чорук кылбайн турар чер кылып каар мен. 8Мен ооң дагларының бажын мөчү-сөөктер-биле шып каар мен; хылышка шаштырып өлүрткеннер Сеирниң тейлеринге, шынааларынга болгаш бүгү сугларының чанынга кээп дүжер. 9Мен Сеирни кезээ мөңгеде хоозурадып каар мен, ооң хоорайларынга улус чурттавас. Ынчан Мени Дээрги-Чаяакчы деп билип аар силер.

10Эдом, сен: „Израиль биле Иудеяның чоннары, оларның черлери бистии болур, бис оларны эжелеп аар бис“– деп турган сен. Ынчалза-даа Дээрги-Чаяакчы олар-биле болгай. 11Ынчангаш Мен дириг Бодумнуң адым-биле даңгыраглап тур мен h – деп, Дээрги-Бурган-Чаяакчы медеглээн. – Сээң израильчилерге килеңнеп, адааргап, оларны көөр хөңнүң чок турганың дег, Мен база сени ынчаар аажылаар мен; сени шиидип, израильчилерге Бодумну ынчаар ажыдар мен. 12Ынчан даглыг Израильди бак сөглеп: „Олар хоозураан-дыр! Оларны биске чизин дээш берген-дир“– деп турган бүгү дорамчылалдарыңны i Дээрги-Чаяакчы Мээң дыңнаанымны билип аар сен. 13Сен Мээң мурнумга улуургап, соксаал чок бак сөгленип турдуң; ол чугааңны дыңнаан мен».

14Дээрги-Бурган-Чаяакчы мынча дээн: «Бүгү чер-делегей өөрүп турда, Мен сени хоозурадып, хову кылып каар мен. 15Израиль чоннуң ээлээн чери хоозураарга, өөрүп турганың дээш, Мен сээң-биле база шак ынчаар кылыр мен: хоозураар сен j. Даглыг Сеир, бүгү Эдом хоозураарга, улус Мени Дээрги-Чаяакчы деп билип аар».
Copyright information for TyvTUV