aИез. 4:8
bИез. 5:12
cИер. 40:6; 52:16
dИез. 16:47-48
eИез. 13:8
fДан. 9:12
gЛев. 26:29; Ы. х. к. 28:57; Ыы. 4:10; Иер. 19:9
hЛев. 26:33; Ы. х. к. 4:27; 28:64; Неем. 1:8; Иер. 9:16; Иез. 12:14-15; Зах. 2:6; 7:14
iЛев. 15:31; 2 Чыл. 36:14; Иер. 7:30; Иез. 8:5-6
jИса. 49:18; Соф. 2:9
kИез. 7:4; 8:18; 9:10
lИез. 5:2
mИез. 16:42
nЫ. х. к. 28:37
oЫ. х. к. 32:23
pЛев. 26:26; Иез. 4:16
qЫ. х. к. 32:24
rИез. 14:21; Ажыд. 6:8

‏ Ezekiel 5

Дүк демдээ

1«Кижи амытан, сал чүлүкчүзүнүң чидиг бижээн ап алгаш, бажың дүгү биле салыңны чүлүп каавыт. Деңзиден эккелгеш, бажың дүгүн база салыңны кезектей үлеп ал. 2Бүзээлээшкинниң үези төне бээрге a, дүгүңнүң үштүң бир кезиин хоорайның ортузунга өрттедивит; өске үштүң бир кезиин ап алгаш, хоорайны долгандыр бижек-биле хээй кезип каавыт; арткан үштүң бир кезиин хатка тарадывыт; Мен хылыжымны хынындан ужулгаш, ол дүктерже анныр мен b. 3Ынчалза-даа элээн каш дүктен ап алгаш, хевиң эдээнге бооп ал c. 4Ол дүктерниң чамдыызын ап алгаш, отче октап, өрттедивит. Оортан өөскээн от бүгү израиль чонче чалбыышталыр».

5Дээрги-Бурган-Чаяакчы: «Бо дээрге Иерусалим-дир! Мен ону чоннарның ортузунда тургузуп кагдым, ону долгандыр өске чурттар турар. 6Ынчалза-даа ол Мээң хоойлу-дүрүмнеримге удурланып, ону долгандыр чурттап турар чоннардан, чурттардан бузут-бактыг апарды d. Ол Мээң хоойлуларымдан ойталап, дүрүмнеримни сагывайн турду» – дээн.

7Ынчангаш Дээрги-Бурган-Чаяакчы: «Силерни долгандыр чурттап турар өске чоннардан артык ужур-дүрүм чок чорук кылып турган-дыр силер; Мээң хоойлуларымны сагывас, дүрүмнеримни күүсетпес-тир силер; оон туржук, силерни долгандыр чурттап турар өске чоннарның корум-чурумун-даа сагывас-тыр силер» – деп чугаалаан.

8Ынчангаш Дээрги-Бурган-Чаяакчы: «Көрдүң бе, Мен Бодум сеңээ удур апардым e; өске чоннар көрүп турда, сеңээ үндүрген шииткелимни күүседир мен. 9Сээң бүгү чүдек-бужар чүүлдериң дээш, ооң мурнунда кажан-даа кылбайн турганым, моон соңгаар-даа кылбазым чүвени сээң-биле кылыр мен f. 10Сенде бар адалар ажы-төлүнүң эъдин чиир g, а ажы-төл адаларының эъдин чиир. Мен сеңээ шииткел үндүргеш, чоннуң артынчызын бүгү хаттар-биле тарадып кааптар мен h» – дээн.

11Дээрги-Бурган-Чаяакчы: «Иерусалим, сен Мээң ыдыктыг өргээмни бодуңнуң чүдек-бужар чүүлдериң-биле, бужар-бак чаңчылдарың-биле бужартадып алган сен i. Ынчангаш дириг Бодумнуң адым-биле даңгыраглап тур мен j: сени узуткап каар мен, сеңээ ээ-хайыралыг болбас мен, сени кээргевес мен k – деп медеглээн. – 12Сээң чонуңнуң үштүң бир кезии хамчык аарыг болгаш аш-чуттан сээң иштиңге өлүп каар; өске үштүң бир кезии сээң даштыңга дайын-чаадан кырлып каар, а арткан үштүң бир кезиин Мен хат-биле тарадып кааптар мен, хылыжымны хынындан ужулгаш, оларже анныр мен l. 13Ынчан Мээң килеңим бүрүнү-биле кыптыгып кааптар, оларга хорадааным намдаар, сеткилим ханар m. Ажынган сеткилим, хорадаан сагыжым оларже кыптыгарга, Дээрги-Чаяакчы Мээң чугаалап турганымны билип аарлар.

14Иерусалим, Мен сени ээн чер, сени долгандыр чурттап турар улустуң, сээң чаның-биле эрткен-дүшкен бүгү улустуң кочулаар чери кылып каар мен. 15Мен сеңээ үндүрген шииткелимни килеңнеп, хорадап база коргунчуг шаажылалдар кылып тургаш, күүседир мен; долгандыр чурттап турар чоннар сени кочулап, дорамчылаар, оларның мурнунга кеземчениң үлегер-чижээ база коргунчуг чүүл апаар сен n. Мен, Дээрги-Чаяакчы, ону чугааладым. 16Аш-чуттуң хайыра чок согуннарын сенче ыдып o, сени өлүрүп каар дээш адар мен. Сээң аштааныңны күштелдирип, аъш-чем курлавырын узуткап каар мен p. 17Мен сенче аш-чутту база аң-араатанны ыдар мен q, олар сээң ажы-төлүңнү чок кылып каар. Хамчык аарыг болгаш өлүм-чидим сени таварып эртер, Мен сенче дайын-чааны ыдар мен r. Мен, Дээрги-Чаяакчы, ону чугааладым».
Copyright information for TyvTUV