Ezekiel 8
Бурганның өргээзинге дүрзү-бурганга мөгейиг
1Туттуруушкунувустуң алдыгы чылында, алды айның беште, кажан мен бажыңымга олурумда база Иудеяның баштыңнары мээң мурнумга олурда a, Дээрги-Бурган-Чаяакчының холу аңаа мени катап база башкарып эгелээн b. 2Мен көрүптеримге, кижиге дөмей, от-даа ышкаш бир-ле чүве көстүп келди. Ол чүве белинден куду от ышкаш көзүлдү, а белинден өрү чайынналчак кызыткан демир дег чырып көзүлдү c. 3Хол-даа ышкаш бир-ле чүве сунгаш d, Ол мени бажым дүгүнден тудуп алды. Оон Сүлде мени чер биле дээр аразынче көдүргеш e, Бурганның чоруткан көстүүшкүнүнге f мени Иерусалимче, соңгу талаже угланган иштики хаалга чанынче эккелди g; ында Дээрги-Чаяакчының хүннээчел сагыжын оттурупкан дүрзү-бурган бар болду. 4Оон аңаа Израильдиң Бурганының өндүр чырыы меңээ көстүп келди. Ол оргулаашка көргеним ышкаш болду h. 5Бурган меңээ: «Кижи амытан, соңгу чүкче көрүп көр» – диди. Мен соңгу чүкче углай көөрүмге, соңгу талада өргүл бедигээжиниң баарында хаалга чанында Бурганның хүннээчел сагыжын оттурупкан дүрзү-бурган көзүлдү. 6Бурган меңээ: «Кижи амытан, бо улустуң чүнү үүлгедип турарын көрүп тур сен бе? Мени Бодумнуң ыдыктыг өргээмден чайладыр дээш, израиль чон мында кайы хире коргунчуг, чүдек-бужар чүүлдер үүлгедип турар-дыр, көрдүң бе? Ындыг-даа болза, оон-даа дора чүдек-бужар чүүлдер көөр сен» – диди. 7Оон Бурган мени өргээниң мурнунда шөлче кирер черге эккелди. Мен көрүнгеш, ханада ойбак көрүп кагдым. 8Ол меңээ: «Кижи амытан, ханада ойбакты алгыдыр казывыт i» – деп чугаалады. Мен казыпкаш, бир-ле эжик көрүп кагдым. 9Оон Ол меңээ: «Киргеш, улустуң мында үүлгедип турар кончуг бак, чүдек-бужар чүүлдерин көр» – диди. 10Мен киргеш, көөрүмге, ханаларда долгандыр янзы-бүрү соястаарлар, арыг эвес дириг амытаннар дүрзүлери болгаш израиль чоннуң янзы-бүрү дүрзү-бурганнарын чуруп каан тур j. 11Оларның мурнунда израиль чоннуң чеден баштыңы турар, Шафанның оглу Иазания база оларның аразында турар болду. Олар шупту холунда айдызаар савалар туткан, а айдызаашкын өргүлүнүң ыжы булутталдыр көдүрлүп турду. 12Дээрги-Чаяакчы меңээ мынча диди: «Кижи амытан, израиль чоннуң баштыңнарының караңгыда, кайызы-даа бодунуң дүрзү-бурганынга мөгеер өрээлинде, чүнү кылып турарын көрүп тур сен бе? Олар: „Дээрги-Чаяакчы бисти көрбейн турар, Ол бо черни каапкан“– дижир-дир k». 13Оон Ол: «Ындыг-даа болза, Сен улустуң үүлгедип турар оон-даа дора чүдек-бужар чүүлдерин көөр сен» – деп катап база чугаалады. 14Дээрги-Чаяакчы мени Бодунуң өргээзиниң соңгу талада хаалгазынче кирер черге эккелди. Көөрүмге, ында Таммуз бурган ▼▼ Таммуз бурган – үнүштүң үнүүчелиниң болгаш чаъс-чаашкынның вавилон бурганы. Вавилончуларның бүзүреп турганын ёзугаар, ол бурган кааңнаашкынның эгезинде өлүп калгаш, чаъс чаар үениң эгезинде дирлип кээр турган.
дээш кажыыдап ыглашкан херээженнер олурар болду. 15Дээрги-Чаяакчы меңээ: «Кижи амытан, көрүп тур сен бе? Ындыг-даа болза, оон-даа дора чүдек-бужар чүүлдер көөр сен» – диди. 16Оон Ол мени Дээрги-Чаяакчының өргээзиниң иштики шөлүнче киире берди m. Көөрүмге, Бурганның өргээзинче кирер эжик чанында, серилиг чер биле өргүл салыр бедигээш аразында n, чээрби беш шаа кижи бар болду. Олар ооргазын Дээрги-Чаяакчының өргээзинче көрүндүр, арыннарын чөөн чүкче көрүндүр туруп алгаш, чөөн чүкте үнген хүнге тейлеп турду o. 17Дээрги-Чаяакчы меңээ: «Кижи амытан, көрүп тур сен бе? Мээң өргээмде үүлгедип турары дег чүдек-бужар чүүлдер кылыры Иудеяның чонунга четпес болганы ол бе? Олар оон эрткеш, чуртту күчүлел-биле долдуруп, Мээң килеңимни кедергей күштелдирип турар-дыр. Олар Мээң арнымче шыкпыыш аннып турар-дыр! ▼▼ Бо домактың утказы эки билдинмес. Болгу дег өске утказы: «Олар будуктарны думчуунуң мурнунда тудуп алган турар-дыр». Дүрзү-бурганга мөгеерлерниң кандыг-бир ёзулалының дугайында чугаалап турар чадавас.
18Ынчангаш Мээң килеңим оларже кыптыгар; Мен оларже кээргел-биле көрүнмес мен, өршээвес мен q; олар Мээң шуут кулаамче-даа дуза дилеп алгыржыр болза, дыңнавас мен r» – диди.
Copyright information for
TyvTUV