Eze 9 | TyvTUV | STEP | Ооң соонда Дээрги-Чаяакчы дыңзыг үн-биле кыйгырды: «Хоорайны кезедир даалгалыг улус, холуңарга өлүм чепсээн туткаш, бээр келиңер!»

a 4 Хаан. 15:35; 2 Чыл. 23:20

b Дан. 10:5; Ажыд. 1:13

dЫд. ыр. 118:136

e Ажыд. 7:3-4

f Иез. 5:11

g Ы. х. к. 28:49-50; 2 Чыл. 36:17

h Хост. 12:13

i Иез. 11:13

j Иез. 7:23

kЫд. ыр. 9:32; Иса. 29:15; Иез. 8:12

l Иез. 5:11; 7:4; 8:18; Ос. 13:14

m Иез. 11:21

‏ Ezekiel 9

Дүрзү-бурганнарга мөгеер улустуң өлүмү

1 Ооң соонда Дээрги-Чаяакчы дыңзыг үн-биле кыйгырды: «Хоорайны кезедир даалгалыг улус, холуңарга өлүм чепсээн туткаш, бээр келиңер!»

2 Мен соңгу талаже көрүнген Үстүкү хаалгадан ^a кел чыдар алды кижини көрүп кагдым; кайызы-даа холунда узуткаашкын чепсээ туткан болду. Олар-биле кады лён хеп кеткен, курунда бижээчи кижиниң херекселдерин астып алган бир кижи бар болду ^b. Келгеш, олар өргүл салыр хүлер бедигээш чанынга туруп алдылар.

3 Оон Израильдиң Бурганының өндүр чырыы кырынга турганы херувимден ^{▼▼ Херувим – мында бирги болгаш сески эгеде дириг амытаннарны ынча деп турар.} дүшкеш, Бурганның өргээзиниң эргининче чоруй барды. Дээрги-Чаяакчы демги лён хеп кеткен, курунда бижээчиниң херекселдерин астып алган кижини кыйгырып алгаш, 4 аңаа: «Иерусалим хоорайны таварып эрте бер, ында үүлгеттинип турар бүгү чүдек-бужар чүүлдер дээш качыгдап, ыглашкан улустуң ^d хавактарын демдектеп каг ^e» – деп чугаалады.

5 А алды кижиге Ол меңээ дыңналдыр мынча диди: «Бо кижиниң соондан хоорайны таварып эрткеш, улусту кам-хайыра чок, өршээл чок өлүрүңер ^f. 6 Кырганнарны-даа, аныяк оол-кысты-даа, чаш уругларны-даа, херээженнерни-даа узуткаңар ^g, чүгле демдектеп каан улустуң чаңгызынга-даа дегбеңер ^h. Мээң ыдыктыг өргээмден эгелеп алыңар». Ынчангаш олар Бурганның өргээзиниң мурнунда турган баштыңнардан эгелеп алдылар.

7 Бурган алды кижиге: «Мээң өргээмни бужартадып, ооң мурнунда чаттылган шөлдерни өлүрткен улус-биле долдуруп калыңар! Үнүп чоруңар!» – деп дужаады.

Олар үнгеш, хоорайда улусту өлүрүп эгеледи. 8 Кажан израильчилерни өлүрүп турда, мен чааскаан арткаш, хаваамны черге дегзип, мөгейгеш: «О, Дээрги-Бурган-Чаяакчы! Таанда-ла Сен, Иерусалимче килеңиң кыптыгып, израиль чоннуң бүгү артынчызын узуткап каар сен бе?!» – деп алгыра аарак айтырдым ⁱ.

9 Ол меңээ: «Израиль болгаш Иудеяның бузут-багы канчаар-даа аажок улуг-дур, бо черни хан хөме алган-дыр ^j, хоорайны кемниг херектер бүргээн-дир. Улус: „Дээрги-Чаяакчы бо черни каапкан-дыр, Ол көрбейн турар-дыр“– деп тур ^k. 10 Ынчангаш Мен оларже ээ-хайыралдыг көрүнмес мен, оларны кээргевес мен ^l; оларның боттарының чедип алган чүвезин боттарының бажынче халдадыр мен ^m» – деп харыылады.

11 Ынчан лён хеп кеткен, курунда бижээчиниң херекселдерин астып алган кижи дедир келгеш: «Сен меңээ канчаар дужааган сен, ынчаар күүсеттим» – деп айыткады.