Ezra 10
Чоннуң даштыкы кадайларын, олардан ажы-төлүн чандырыпканы
1Эзра мөргүп, ол бачытты ажыы-биле миннип a, ыглап-сыктап, Бурганның өргээзиниң мурнунга доңгая кээп дүжүп турда, ону долгандыр мөөң израильчилер: эр, херээжен улус болгаш ажы-төл чыглып келген. Ол улус база ажыг-шүжүглүг ыглап турган. 2Ынчан Иехиилдиң оглу, Эламның үре-салгалының бирээзи Шехания Эзрага: «Бис Бурганывыска шынчы эвес болуп, долгандыр чурттап турар чоннар аразындан даштыкы кадайлар ап алган-дыр бис. Ындыг турбуже, израиль чонда идегел ам-даа бар. 3Ам мээң дээргимниң база Бурганывыстың айтыышкыннарын хүлээп көөр улустуң сүмезин ёзугаар ол кадайларывыстың шуптузун база олардан төрүттүнген ажы-төлдү боттарывыстан чорудуптар бооп, бистиң Бурганывыс-биле керээден чарып аалы b. Ыдыктыг хоойлу ёзугаар болур болзун c. 4Туруп келиңер, бо дээрге силерниң херээңер-дир. Бис силерни деткиир бис, кадыг-быжыг болуп, хөделип кириптиңер!» – дээн. 5Эзра туруп келгеш, Бурганның кол бараалгакчылары, левиттер болгаш бүгү израиль чонну олар Шеханияның саналын ёзугаар кылыр бооп даңгыраглаарынче албадапкан d. Олар шупту даңгыраан берген. 6Эзра Бурганның өргээзиниң мурнундан чорупкаш, Элиашивтиң оглу Иохананның e өрээлинге чедип келгеш, аңаа хонуп алган ▼▼ Өске бурунгу сөзүглелде «Хонуп алган» деп сөстер таварышпайн турар.
. Ол аңаа аъш-чем-даа чивээн, суг-даа ишпээн g, чүге дээрге туттуруушкундан чанып келген улустуң кемниг херээ дээш качыгдап ыглап турган. 7Иудея биле Иерусалимге туттуруушкундан ээп келген бүгү улус Иерусалимге чыглыр ужурлуг деп чарлаан. 8Бир эвес үш хүн эрткенде, келбейн баар кижи турар болза, дарга, баштыңнарның шиитпирин ёзугаар, ооң бүгү эт-хөреңгизин хавырар, а ол боду туттуруушкундан чанып келген улус аразындан үндүр сывыртадып аар. 9Иуда болгаш Вениаминниң аймактарының бүгү чурттакчылары үш хүн дургузунда Иерусалимге чыглып келген. Тос айның чээрбиде бүгү чон Бурганның өргээзиниң мурнунда шөлге ол херек ужун база чаъс ужун сириңейнип олурган. 10Бурганның бараалгакчызы Эзра туруп келгеш, чонга: «Даштыкы кадайлар ап алгаш, Бурганга шынчы эвес бооп, Израильдиң кем-буруузун көвүдеткен-дир силер. 11Ам силерниң ада-өгбеңерниң Бурганы Дээрги-Чаяакчыны алдаржыдып, Ооң күзел-соруун күүседиңер: кожа чоннардан – даштыкы кадайларыңардан аңгыланып алыңар» – дээн. 12Бүгү ниитилел дыңзыдыр харыылаан: «Силернии шын-дыр. Чугаалааныңар ёзугаар кылыр бис. 13Ынчалза-даа мында хөй чон бар-дыр, чаъстаан үе-дир, даштыгаа турар аргавыс чогул. Бо херек база ийи-бир хүннүң херээ эвес-тир, чүге дээрге ындыг янзылыг бачыт үүлгеткен улус хөй болгай. 14Бистиң даргаларывыс бүгү ниитилелди төлээлеп, хөделип кирипсин. Бистиң хоорайларывыста даштыкы кадайлар ап алган бүгү улус боттарының хоорайларының баштыңнары болгаш шииткекчилери-биле кады Иерусалимче доктааткан үеде чедип келзин. Бурганывыстың ол херек дээш бисче кыптыккан килеңи бистен чайлай бергижеге чедир, улус ынчаар кылзын». 15(Чүгле Асаилдиң оглу Ионафан биле Тикваның оглу Яхзейя база оларны деткээн Мешуллам h болгаш левит Шавтай i олар ук саналга удурланган.) 16Туттуруушкундан ээп келген улус-чон санал ёзугаар кылган. Бурганның бараалгакчызы Эзра төрел салгалдар баштыңнарын, оларның төрел бөлүктерин ёзугаар, аттарын адап, томуйлап каан. Он айның бирээде олар бо херекти сайгарары-биле хуралдап олуруп алгаш, 17бир айның бирээде даштыкы кадайлар-биле өгленчип алган бүгү улуска хамаарыштыр хыналданы кылып дооскан. Даштыкы кадайларын чандырыпкан улустуң даңзызы
18Бурганның бараалгакчыларының аразында даштыкы кадайлар-биле чурттап турган улус бо-дур.Иоседектиң оглу Иисустуң j болгаш ооң ха-дуңмазының үре-салгалындан: Маасея, Элиезер, Иарив болгаш Гедалия. 19Олар боттарының кадайлары-биле чарлып аарын аазаан. Оон кем-буруузу дээш, кодан малында кошкарны өргүл кылдыр эккеп салган k.20Иммерниң үре-салгалындан l: Ананий биле Зевадия.
21Харимниң үре-салгалындан m: Маасея, Илия, Шемайя, Иехиил болгаш Озия.
22Пашхурнуң үре-салгалындан n: Элиоенай, Маасея, Измаил, Нафанаил, Иегозавад болгаш Элеаса.
23Левиттерден: Иегозавад, Шимей, Келайя (ооң Клита деп ады база бар турган), Петахия, Иуда болгаш Элиезер.
24Ыраажылардан o: Элиашив.
Хаалгачылардан: Шаллум, Телем болгаш Урий.
25Өске израильчилерниң аразындан даштыкы кадайлар-биле чурттап турган улус бо-дур.Пароштуң үре-салгалындан p: Рамайя, Изия, Малхия, Миямин, Элеазар, Малхия болгаш Ванея.
26Эламның үре-салгалындан: Маттания, Захария, Иехиил, Авдий, Иремот болгаш Илия.
27Заттунуң үре-салгалындан: Элиоенай, Элиашив, Маттания, Иремот, Завад болгаш Азиза.
28Бевайның үре-салгалындан q: Иоханан, Анания, Заббай болгаш Афлай.
29Баниниң үре-салгалындан r: Мешуллам, Маллух, Адайя, Иашув, Шеал болгаш Иремот.
30Пахат-Моавтың үре-салгалындан s: Адна, Хелал, Ванея, Маасея, Маттания, Веселиил, Биннуй болгаш Манассия.
31Харимниң үре-салгалындан: Элиезер, Ишшия, Малхия, Шемайя, Симеон, 32Вениамин, Маллух болгаш Шемария.
33Хашумнуң үре-салгалындан: Мафнай, Мафафа, Завад, Элифелет, Иеремай, Манассия болгаш Шимей.
34Баниниң үре-салгалындан: Маадай, Амрам, Уел, 35Ванея, Бидья, Келуги, 36Ванья, Меремот, Элиашив, 37Маттания, Мафнай, Иаасай, 38Бани, Биннуй, Шимей, 39Шелемия, Нафан, Адайя, 40Махнадбай, Шашай, Шарай, 41Азариил, Шелемиягу, Шемария, 42Шаллум, Амария болгаш Иосиф.
43Невонуң үре-салгалындан: Иеиел, Маттифия, Завад, Зевина, Иаддай, Иоил болгаш Ванея.
44Ол улус шупту даштыкы кадайлар-биле чурттап турган. Оларның кадайларының чамдыызы ашактарынга ажы-төл божуп берген турган ▼
▼ Бо домактың утказы эки билдинмес. Өске бурунгу сөзүглелде «Олар кадайларын ажы-төлү-биле кады чандырыпкан» деп бижээн.
.
Copyright information for
TyvTUV