Ezr 8 | TyvTUV | STEP | Артаксеркс хаанның чагыргазының үезинде мээң-биле кады Вавилондан үнүп келген төрел салгалдар баштыңнарының оларның ада-өгбезин ёзугаар даңзызы бо-дур:

‏ Ezra 8

Эзра-биле кады ээп келген эр улустуң даңзызы

1 Артаксеркс хаанның чагыргазының үезинде мээң-биле кады Вавилондан үнүп келген төрел салгалдар баштыңнарының оларның ада-өгбезин ёзугаар даңзызы бо-дур:

2 Финеестиң ^a үре-салгалындан – Гирсам;
Ифамарның ^b үре-салгалындан – Даниил;
Давидтиң үре-салгалындан – Хаттуш ^c;
3 Шеханияның үре-салгалындан чамдык улус;
Пароштуң үре-салгалындан ^d – Захария болгаш ооң-биле кады 150 эр кижи төрел салгал даңзызынче кирген;
4 Пахат-Моавтың үре-салгалындан ^e – Зерахияның оглу Элиоенай болгаш ооң-биле кады 200 эр кижи;
5 Заттунуң ^{▼▼ Өске бурунгу сөзүглелде «Затту» деп ат таварышпайн турар.} үре-салгалындан – Яхазиилдиң оглу Шехания болгаш ооң-биле кады 300 эр кижи;
6 Адинниң үре-салгалындан – Ионафанның оглу Эвед болгаш ооң-биле кады 50 эр кижи;
7 Эламның үре-салгалындан – Аталияның оглу Исайя болгаш ооң-биле кады 70 эр кижи;
8 Шефатияның үре-салгалындан – Михаилдиң оглу Зевадия болгаш ооң-биле кады 80 эр кижи;
9 Иоавтың үре-салгалындан – Иехиилдиң оглу Авдий болгаш ооң-биле кады 218 эр кижи;
10 Баниниң ^{▼▼ Өске бурунгу сөзүглелде «Бани» деп ат таварышпайн турар.} үре-салгалындан ^h – Иосифияның оглу Шеломит болгаш ооң-биле кады 160 эр кижи;
11 Бевайның үре-салгалындан ⁱ – Бевайның оглу Захария болгаш ооң-биле кады 28 эр кижи;
12 Азгадтың үре-салгалындан – Гаккатанның оглу Иоханан болгаш ооң-биле кады 110 эр кижи;
13 Адоникамның үре-салгалындан – сөөлзүредир чедип келген Элифелет, Иеиел, Шемайя болгаш олар-биле кады 60 эр кижи;
14 Бигвайның үре-салгалындан – Утай, Заббуд болгаш олар-биле кады 70 эр кижи төрел салгал даңзызынче кирген.

Иерусалимче ээп келиишкин

15 Мен ол бүгү улусту Агава хемче киир агып чыдар хемчигештиң чанынга чыып алган мен. Бис аңаа үш хондувус. Чонну база Бурганның бараалгакчыларын хынап көөрүмге, оларның аразында чаңгыс-даа левит кижи чок болду. 16 Мен ынчан баштыңнар болур Элиезер, Ариил, Шемайя, Элнафан, Иарив, Элнафан, Нафан, Захария болгаш Мешулламны ^j база эртемденнер Иегоиарив биле Элнафанны кыйгыртып алгаш, 17 оларны Касифия деп черниң даргазы Иддоже чорудупкан мен. Иддога база ооң Касифияда ха-дуңмазы – Бурганның өргээзиниң ажылчыннарынга Бурганывыстың өргээзинге бараан болур улустан чорудуп бээр кылдыр чүнү дамчыдарын оларга айтып берген мен.

18 Бурганывыстың буянныг холу бисти кагбаан болгаш, олар биске бараан болукчу улусту: Махлиниң ^k үре-салгалы, салым-чаяанныг Шеревияны ^l база ооң оолдары биле акы-дуңмазы болур он сес кижини эккелген. (Махли Левийниң оглу, а Левий – Израильдиң оглу чүве-дир.) 19 Хашавияны ^m, ооң-биле кады Мерариниң ⁿ үре-салгалы Исайяны болгаш ооң акы-дуңмазы, оолдары болур чээрби кижини база эккелген. 20 Олар оон ыңай Бурганның өргээзиниң ажылчыннары ^o болур 220 кижини – левиттерге дузалажыр кылдыр Давид хаанның, ооң нояннарының томуйлап каан улузун эккелген. Оларның шуптузунуң аттарын даңзылап бижип каан.

21 Аңаа, Агава хемниң чанынга, боттарывысты Бурганывыстың мурнунга томаартып, биске, ажы-төлүвүске база бүгү эт-хөреңгивиске айыыл чок орук-суурну Оон дилеп аар дээш ^p, шээрлээшкин ^q кылырывысты чарлаан мен. 22 Хаандан орук-суурга дайзыннардан бисти камгалаар чадаг болгаш аъттыг шериглер дилээри меңээ ыядынчыг болган, чүге дээрге бис аңаа: «Бурганывыстың холу Олче чүткүп турар кижи бүрүзүнге буян көргүзер, а Оон ойталаан бүгү улусче Ооң килеңи болгаш күчү-күжү угланыр» – дээн турган бис.

23 Ынчангаш бис шээрленип, Бурганывыстан ол дугайында дилээривиске, Ол бистиң мөргүлүвүске харыылаан.

24 Оон мен Бурганның кол бараалгакчыларындан он ийи кижини – Шеревия биле Хашавияны ^r база оларның он акы-дуңмазын аңгылап кагдым. 25 – 26 – 27 Мен оларның мурнунга хаанның, ооң чөвүлекчилер, нояннарының болгаш Вавилонга турган бүгү израильчилерниң Бурганывыстың өргээзинге өргүл белээ кылдыр берген алдын-мөңгүнүн, эт-херекселин деңзилээш ^s, оларның холунга 650 талант мөңгүннү, 100 талант мөңгүн эт-херекселди, 100 талант алдынны, 1000 драхма деңзилиг 20 алдын дашканы болгаш эки дээн кылагар хүлерден кылган, алдын ышкаш үнелелдиг ийи саваны берипкен мен ^{▼▼ Чижеглеп алырга, 20 хире тонна мөңгүн, 3 тонна деңзилиг мөңгүн эт-херекселдер, 3 тонна алдын, 8,5 хире килограмм деңзилиг алдын дашкалар.}.

28 Мен оон ыңай оларга: «Силер – Бурганга бараалгаткан улус-тур силер, бо эт-херексел база ыдыктыг. Бо алдын-мөңгүн дээрге ада-өгбеңерниң Бурганы Дээрги-Чаяакчыга эки тура-биле берген өргүл-дүр. 29 Ол бүгүнү Бурганның кол бараалгакчыларының, левиттерниң, Израильдиң төрел салгалдар баштыңнарының мурнунга деңзилээш, Иерусалимде Дээрги-Чаяакчының өргээзиниң шыгжамыр-өрээлдеринче дужаап бергижеңерге чедир серемчилелдиг кадагалаңар» – дээн мен.

30 Оон Бурганның демги бараалгакчылары биле левиттер Иерусалимде Бурганывыстың өргээзинче аппарзын дээш, оларның мурнунга деңзилеп каан алдын-мөңгүннү, ыдыктыг эт-херекселди хүлээп алган.

31 Иерусалимге чедер дээш, бир айның он ийиде Агава хемден үнүпкен бис. Бурганывыстың холу бисти кагбайн турган болгаш, Ол бисти орук-суурга дайзыннардан, дээрбечилерден камгалап турду. 32 Иерусалимге чедип келгеш, үш хүн дыштанган бис ^u.

33 Дөрткү хүнде бис Бурганывыстың өргээзинге алдын-мөңгүннү, ыдыктыг эт-херекселди деңзилээш, Урияның оглу, Бурганның бараалгакчызы Меремотка ^v хүлээдип бердивис. Ооң-биле кады Финеестиң оглу Элеазар, а ол ышкаш левиттер – Иисустуң оглу Иегозавад ^w, Биннуйнуң оглу Ноадия олар турган. 34 Бүгү чүве санаттынып, деңзилеттинген, база ол-ла үеде ниити деңзи бижиттинген.

35 Ооң соонда туттуруушкундан ээп келген улус ^x Израильдиң Бурганынга бүрүн өрттедир өргүлдер: бүгү израиль чон дээш он ийи бугажык, тозан алды кошкар, чеден чеди хураган болгаш бачыт дээш өргүл болур он ийи хунаны эккелген. Ол бүгү мал-маганны Дээрги-Чаяакчыга бүрүн өрттедир өргүл кылдыр салган. 36 Ол улус оон ыңай хаанның дужаалдарын ^y Евфрат хемниң барыын талазында девискээрниң чагырыкчыларынга база ооң томуйлааны өске эргелекчилерге эккеп берген ^z. Ынчан ол даргалар израиль чонга база Бурганның өргээзинге деткимче көргүскен.