Galatians 4
Кул эвес, а бүрүн эргелиг салгакчы
1Силерге база бир чижекти көргүзейн: салгакчы назы четпээн шаанда, ол бүгү өнчүнүң ээзи-даа болза, кулдан ылгалыр чүзү-даа чок. 2Ол ачазының доктаадып каан хуусаазынга чедир башкылар болгаш өг-бүле кижизидикчилериниң хайгааралының адаанга турар. 3Бис база ындыг бис: назы четпээн шаавыста, делегейни башкарып турар хоойлу-дүрүмнериниң кулдары бооп чордувус. 4Ынчалза-даа доктааткан үе чедип кээрге a, херээжен кижиден төрүттүнген, ыдыктыг хоойлуга чагырткан Бодунуң Оглун Бурган чорудуп берген b. 5Ыдыктыг хоойлуга чагыртып чораан бисти хостазын дээш c база Бурганның азыраан оолдары кылып кагзын дээш, Бурган бисче Бодунуң Оглун чоруткан-дыр. 6Ам силер шупту Бурганның оолдары силер! Ооң бадыткалы кылдыр Ол Бодунуң Оглунуң Сүлдезин, «Авва! ▼▼ Авва (арамей дылда) – ажы-төл ачазын ынчаар адаар турган, Иисус Христос база Бурганны ынчаар адап, кый деп турган (Мк. 14:36; Рим. 8:15 көр).
Ачай!» деп кыйгырган Сүлдени, чүректеривисче сиңниктир чорудуп берген. 7Ынчангаш сен ам кул эвес, а оглу сен. А ындыг болганда, Бурганның ачызында салгакчы база сен ▼▼ Өске бурунгу сөзүглелдерде бо сөстерни эвес, а «А ындыг болганда, Иисус Христостуң ачызында Бурганның салгакчызы база сен» деп бижээн.
. Дедир орук чок
8Кажан-бир шагда, Бурганны билбес чорааш, херек кырында бурганнар-даа эвес f чүүлдерниң кулдары чораан силер. 9Ынчалза-даа ам, Бурганны билип алгаш g (азы, шынын сөглээрге, Бурган силерни билип алганда) h, таанда-ла ол чөгенчиг, ажык-дүжүү чок башкарыкчы хоойлу-дүрүмнерже i дедир эгликсеп, биеэде дег, оларның кулдары болуксап тур силер бе? 10Тускай хүннер, айлар, чылдың үелери болгаш чылдар сагыыр-дыр силер ▼▼ Бо шүлүкте иудей шажын-чүдүлгеден укталган сагылга-чаңчылдарны айтып турар.
,
k. 11Силерни дээш кылган ажыл-херээм хилис барбаан бе деп бодап кээримге, коргунчуг-дур! l 12Ха-дуңма, ээрежип дилеп тур мен: мен ышкаш бооп көрүңер. Мен база силерге дөмей болу бердим чоп. Силер меңээ кончуг эки хамаарылгалыг турдуңар. 13Билир-ле болгай силер: эң баштай силерге келгенимде, чүгле аарый берген ужурумдан m Буянныг Медээни силерге суртаалдаар аргалыг болган мен. 14Мээң кадыкшыл байдалым силерге шенелде болган-даа болза, мени тоовайн барбаан, дора көрбээн силер. Харын Бурганның төлээзин дег n, Христос Иисустуң бодун дег хүлээп алдыңар o. 15Ынчангы өөрүшкүңер ам кайда-чүде барды? Болдунар-ла болза, карааңарны-даа меңээ казып бээринден чалданмас турганыңарга ынчан шуут бүзүрээр турдум. 16Ам чүү болду? Шынын чугаалапкаш, өштүүңер апардым бе? 17Силерни бодунуң талазынче ээлдирип алыр дээш, аажок кызып турар бир-ле улус барын билир мен, ынчалза-даа оларның сагыжы кара-дыр. Олар силерни бодунуң талалакчылары кылып алыр дээш, бисти чара кирер деп турарлар. 18А мен силерни ак сагыштыым-биле, чүгле араңарга турар өйүмде эвес, а кезээде бодумнуң таламче ээлдирип алырын күзээр-дир мен. 19Ажы-төлүм! Төлүн божуур иениң эъди аарааны дег, силер дээш база катап хилинчээм көре бердим. Христоска дөмей апарбаан шааңарда, ол хилинчээм төнмес. 20Мен ам силер-биле кады болган болзумза! Силер-биле бир янзы чугаалашкан болза, чүге дээрге силерни та канчапса эки чүве, аай-бажын тыппастадым. Агар биле Сарра дугайында элдээртиг
21Ыдыктыг хоойлуга чагыртыр бодаан улус, чугаалап көрүңерем: ында чүү деп турарын билбезиңер ол бе? 22Ында Авраам ийи оолдуг чораан деп бижээн болгай: бирээзи – кул херээженден, а өскези – хостуг херээженден төрүттүнген p. 23Чүгле кул херээженниң оглу – кижиниң күжениишкиннеринден, а хостуг херээженниң оглу – Бурганның аазаанындан төрүттүнген q. 24Бо чугаа элдээрткен уткалыг: ийи херээжен ийи чагыг-керээни көргүзүп турар. Бирээзин Синай дагга r чарган, ол дээрге Агар болгаш ооң кул бооп төрүттүнер ажы-төлү-дүр. 25Агар Аравияда Синай дагны болгаш амгы Иерусалимни көргүзүп турар, чүге дээрге ол бодунуң ажы-төлү-биле катай кулданыышкын адаанда-дыр. 26А өскези дээрде турар Иерусалимге s хамааржыр, ол – хостуг, ол – бистиң иевис! 27Бижилгеде ооң дугайында мынча дээн болгай: «Үре-төл чок, божуп көрбээн херээжен, өөрүп-байырла!Дыңзыдыр ырла, өөрүшкүлүг алгыр, эъди аарып көрбээн херээжен!
Ашактыг херээженге көөрде, кагдырыпкан херээженниң ажы-төлү хөй боор-дур!» t
28А силер болза, ха-дуңма, Исаак ышкаш, Бурганның аазаашкынындан төрүттүнген ажы-төл-дүр силер ▼
▼ Өске бурунгу сөзүглелдерде «силер» эвес, а «бис» деп бижээн.
,
v. 29Ынчалза-даа ол шагда кижиниң күженииишкининден төрүттүнген оолдуң Сүлдеден төрүттүнген оолду истеп-сүрүп турганы дег w, ам база ындыг бооп турар-дыр. 30Бижилгеде ол дугайында чүү деп турар ийик? «Кул херээженни оглу-биле үндүр ойладывыт,чүге дээрге кул херээженниң оглу хостуг херээженниң оглу-биле дең өнчүнү
канчап-даа салгап албас» x.
31Ындыг болганда, ха-дуңма, кул эвес, а хостуг херээженниң ажы-төлү-дүр бис!
Copyright information for
TyvTUV