Galatians 6
Бот-боттарыңарга буяндан кылып чоруңар
1Ха-дуңма, кандыг-бир кижини бачыт үүлгеткен деп сойгалаар болза, силер, Сүлдеге башкарткан улус a, ону эдип-чазап көрүңер b. Чүгле эптиг, чымчаа-биле эдип-чазаңар c, боттарыңар база күткүлгеге алзып албас дээш кичээниңер. 2Аар-бергелерни ажып эртеринге бот-бодуңарга дузалажыңар d, ооң-биле Христостуң айыткан чүүлүн сагаан боор силер e. 3Алыс боду чөгенчиг кижи «Мен кончуг мен» деп ёзуургаар болза f, ол бодун боду мегелеп алыр. 4Кижи бүрүзү бодунуң ажыл-херээн шүгдүнзүн, ол ынчан бодун өске улус-биле деңневейн, чедиишкиннеринге чоргаарланып шыдаар. 5Чүге дээрге кижи бүрүзү бодунуң үүрге-чүъгүн чүктей бээр ▼▼ Азы: «Кижи бүрүзү бодунуң херектери дээш Бурганның мурнунга харыысалгалыг боор».
,
h. 6Бурганның сөзүн өөренип турар кижи бодунда бар бүгү эки-чаагай чүүлүн башкызы-биле үлешсин i. 7Мегеге туттурбаңар: Бурганны карак ажыттаары болдунмас j. Кижи чүнү тарып аарыл, оозун ажаап алыр k. 8Бодунуң бачыттыг бүдүжүнүң хөрзүнүнге чүве тарып турар кижи оортан өлүмнү ажаап алыр. А Сүлдениң хөрзүнүнге тарып турар кижи l ол Сүлдеден мөңге амыдыралды ажаап алыр. 9Буян кылып тура, кажан-даа могап-турбаалы m. Ынчан, сорук-күжүвүс кошкай бербес-ле болза n, чогуур үе кээрге, дүжүдүвүс ажааттына бээр. 10Ынчангаш амдыызында арга барда, бүгү улуска, ылаңгыя бүзүрели чаңгыс ха-дуңмавыска, буяндан көргүзүп чоруулу o. Түңнээшкин болгаш байырлажыг
11 Бо сөстерни мен силерге бодумнуң холум-биле бижип ор мен p, кайы хире улуг үжүктер ажыглаанымны көрүп тур силер бе? 12Силерни кыртыжап демдектедиринче албадааннар – кижиниң күжениишкиннери-биле эки бооп көстүксээн улус-тур. Олар ону чүгле Христостуң белдир-ыяшка өлүмүнүң дугайында суртаал ужун истедип-сүрдүрбези-биле кылып турарлар. 13Олар кыртыжап демдектедип-даа алган болза, боттары-ла ыдыктыг хоойлуну сагывайн турарлар. А силерни, оозу-биле мактаныр чылдак тывар дээш, кыртыжап демдектедир деп турар улус-тур. 14А мен бодум хуумда Дээргивис Иисус Христостуң белдир-ыяшка өлүмүнден аңгыда, чүнүң-биле-даа мактаныр хөңнүм чогул q. Ол белдир-ыяшка меңээ хамаарыштыр – бо делегейни, а бо делегейге хамаарыштыр – мени хере шаап каан r. 15Кыртыжап демдектээри-даа, кыртыжап демдектетпези-даа чугула эвес s. Чаңгыс-ла чугула чүүл – Бурганның чаа чаяалгазы боору! 16Бо дүрүмнү сагып чоруур бүгү улуска, Бурганның израиль чонунга амыр-тайбың болгаш өршээл доктаазын! t 17Черле ынчаш, кым-даа моон соңгаар мени сагыш човатпазын, чүге дээрге Иисустуң демдээ-биле мага-бодумну имнеп алган чоруур-дур мен ▼▼ Павел Христос дугайында суртаалы дээш хөй катап соктурган соонда артып калган сорбуларын бодап турар чадавас.
. 18Ха-дуңма, Дээргивис Иисус Христостуң авыралы сагыш-сеткилиңерге доктаазын! Аминь.
Copyright information for
TyvTUV