Gen 25:12-18 | TyvTUV | STEP | Авраамның оглу Измаилдиң болгаш ооң үре-салгалының дугайында чугаа бо-дур. Сарраның египет кулу Агар Авраамга Измаилди божуп берген.

‏ Genesis 25:12-18

Измаилдиң үре-салгалы

12 Авраамның оглу Измаилдиң болгаш ооң үре-салгалының дугайында чугаа бо-дур.

Сарраның египет кулу Агар Авраамга Измаилди божуп берген. 13 А Измаилдиң оолдарының улуундан бичезинге чедир аттары: дун оглу Навайот, Кедар, Адбеел, Мивсам, 14 Мишма, Дума, Масса, 15 Хадад, Фема, Иетур, Нафиш болгаш Кедма ^a. 16 Измаилдиң он ийи оглунуң аттары-биле суурлар, черлер адаттынган – олар он ийи аймактың он ийи баштыңы болганнар. 17 Измаил 137 чыл чурттааш, өлүп калган, өгбелериниң соондан өске оранче чоруй барган. 18 Ооң үре-салгалы ха-дуңма аймактарынга удурланып, Хавиладан Сурга чедир, Египеттен Ассирияже углай девискээрге чурттап чорааннар ^b.