Genesis 32
Иаковтуң Исав-биле ужуражырынга белеткели
1Иаков оруун уламчылап бар чыдырда, Бурганның төлээлери аңаа уткужуп келген. 2Оларны көрүп кааш, Иаков: «Бо дээрге Бурганның турлаа-дыр» – дээн. Ынчангаш ол черни Маханаим ▼▼ «Маханаим» деп ат «ийи турлаг» дээн уткалыг.
деп адап каан. 3Иаков бодунуң медээчилерин Эдом (азы Сеир) деп черде акызы Исавче чорудупкан. 4Иаков мынча дээн: «Мээң дээргим Исавка мону дамчыдыңар: силерниң чалчаңар Иаков чоокка чедир хары черге, Лаванның чанынга чурттап чораан. 5Мээң шээр болгаш бода малым-даа, элчигеннерим-даа, эр, кыс кулдарым-даа бар. Мен бодумнуң дугайымда медээни силерниң ээ көрнүрүңерге идегеп, дамчыдып тур мен». 6Медээчилер Иаковка ээп чедип келгеш: «Бис силерниң акыңар Исавка барып чордувус; ол силерге уткуштур 400 кижи эдертип алган кел чыдыр» – дээн. 7Иаков аажок коргуп, девидей берген. Ол кады чораан кижилерин ийи үскеш, шээр болгаш бода малын, тевелерин ийи турлагга аңгылап алган. 8«Бир эвес Исав халдап келгеш, бир турлагны узуткап-даа каар болза, арткан турлагда улус камгаланып үне бээр аргалыг боор» деп, ол бодаан. 9Ынчан Иаков мынча деп мөргүп турган: «Мээң кырган-ачам Авраамның база мээң адам Исаактың Бурганы, меңээ „Төрээн чуртуңда төрелдериңче чана бер, Мен сенче ээ көрнүр мен“дээн Дээрги-Чаяакчы! b 10Чалчаң меңээ үргүлчү көргүзүп чоруур энерелиңге мен төлеп чок-тур мен. Мен чүгле чаңгыс даянгыыштыг бо Иордан хемден чорупкан болзумза-даа, ам Сээң ачыңда мээң өнчү-хөреңгим ийи турлаг чеде берген-дир. 11Мени акым Исавтан камгалап көр, чүге дээрге ол келгеш, мени, мээң кадайларымны ажы-төлүвүс-биле кады өлүрүп кааптар ирги бе дээш, коргуп тур мен. 12Сен меңээ: „Ачы-буянны сеңээ хайырлаар мен. Сээң үре-салгалыңны далайның элезини дег санаттынмас хөй кылып каар мен“– деп турган болгай сен c». 13Иаков ол черге хонган. Эртенинде бодунуң өнчүзүнден акызы Исавка белек кылдыр 14200 өшкү, 20 хуна, 200 хой, 20 кошкар, 1530 саар тевени бодаганнары-биле, 40 инекти, 10 буганы, 20 кыс элчигенни, 10 эр элчигенни аңгылап алган. 16Кодан бүрүзүн кулдарынга онзалап хүлээдип кааш: «Кодан бүрүзүнүң аразының хемчээлин сагып, мээң мурнумга чоруп оруңар» – дээн. 17Иаков бирги сүрүкчүге мынча деп дужааган: «Сеңээ мээң акым Исав уткужуп келгеш: „Кымның кулу сен? Кайнаар бар чыдыр сен? Кымның малын сүрүп бар чыдыр сен?“– деп айтырарга: 18„Бо мал-маган силерниң чалчаңар Иаковтуң дээрги Исав силерже чоруткан белээ-дир. Ол боду бистиң соовуста чоруп олур“– деп харыылаар сен». 19Шак-ла ындыг дужаалдарны ийиги, үшкү база өске-даа бүгү сүрүкчүлерге Иаков берип каан турган: «Исавка ужуражы бергеш-ле: 20„Силерниң чалчаңар Иаков база бистиң соовуста чоруп олур“– дээр силер». Мурнунда чоруп орар белектер-биле Исавтың килеңин чавырылдырып алгаш, ооң-биле ужуражы бээрин Иаков бодап чораан. «Канчап билир, ол мени эки хүлээп алыр чадавас» деп бодаан. 21Белектер мурнап чорупкан, а Иаков ол дүне турлагга хонар дээш артып калган. Иаковтуң Бурган-биле хүрешкени
22Иаков дүне када тургаш, бодунуң ийи кадайын, ийи кул-кадайын база он бир оглун эдертип алгаш, Явок хемни кежип алган. 23Оларның хем кежеринге Иаков дузалааш, бар-ла турган шупту өнчүзүн база хемни кежирип алган. 24Чүгле Иаков боду чааскаан артып калган. Ынчан ооң-биле бир Кижи даң хаяазынга чедир хүрежип келген. 25Иаковка күш четпезин билип кааш, Ол ооң дөңмээнге дээптерге, сөөгү чүзүнден уштуна берген. 26Оон: «Мени салывыт. Даң адып келген-дир» – дээн. Иаков: «Мени алгап-йөрээвээн шааңда, Сени салбас мен» – дээн. 27«Адың кымыл?» – деп, Ол айтырган. «Иаков» – деп, ол харыылаан. 28«Моон соңгаар сээң адың Иаков эвес, а Израиль болур ▼▼ Еврей дылда «Израиль» деп ат «Бурган-биле тутчур» деп сөстерге дөмейлешкек.
. Чүге дээрге сен Бурган-биле-даа, кижилер-биле-даа тутчуп тургаш, тиилээн-дир сен» – деп, Ол чугаалаан e. 29Иаков: «Адыңны адап берем» – дээн. А Ол: «Мээң адымны айтыргаш канчаар сен?» – дээш, орта ону алгап-йөрээп каан f. 30Иаков ол черни Пенуэл ▼▼ Еврей дылда «Пенуэл» деп ат «Бурганның арны» деп сөстерге дөмейлешкек.
деп адап каан. Чүге дээрге ол: «Бурганның арнын ийи караам-биле көрдүм, харын-даа дириг арттым» – деп чугаалаан h. 31Пенуэлди эртип чорда, хүн үнүп келген. Иаков аскап чораан. 32(Бурган хүрежип тургаш, Иаковтуң дөңмээниң сииринге дээпкен боорга, израиль чон бо хүннерге чедир дөңмек эъдиниң сиирин чивес апарган чүве-дир.)
Copyright information for
TyvTUV