Gen 49:8-10 | TyvTUV | STEP | Иуда! Сени ха-дуңмаң алгап-мактаар. Дайзыннарыңны доңгайтыр базар сен, кады төрээннериң сээң мурнуңга мөгеерлер .

‏ Genesis 49:8-10

8 Иуда! Сени ха-дуңмаң алгап-мактаар.
Дайзыннарыңны доңгайтыр базар сен,
кады төрээннериң сээң мурнуңга мөгеерлер ^a.
9 Сен олча тыпкан аныяк арзылаң дег-дир сен, оглум Иуда! ^b
Халдаарынга белеткенген араатан дег-дир сен.
А ону кым дүвүредип диттир боор! ^c
10 Иуда эрге-дужаал даянгыыжын холдан салбас,
чагырыкчының эргези оон кажан-даа адырылбас ^d;
үези кээрге, албан-үндүт төлеп ^{▼▼ Еврей сөзүглелде «албан-үндүт төлеп» деп сөстерниң утказы эки билдинмес. Оларның болгу дег өске уткалары мындыг: «Силом хоорайга ол чедип кээп», «тайбың кижи бооп чедип кээп», «аңаа хамааржыр чүвезин ап».}, чоннар аңаа чагыртыр.