Haggai 1
Дээрги-Чаяакчының өргээзин тудар үе келген!
1Дарий хаанның чагыргазының ийиги чылында a, алды айның бирээде Дээрги-Чаяакчы Аггей медээчини дамчыштыр b Бодунуң сөзүн Салафиилдиң оглу, Иудеяның чагырыкчызы Зоровавелге c база Иоседектиң d оглу, дээди бараалгакчы Иисуска ажыдып чугаалаан. 2Аг-шериглиг Дээрги-Чаяакчы: «Бо чон „Дээрги-Чаяакчының өргээзин тудар үе ам-даа келбээн“дээр-дир» – деп чугаалаан. 3Дээрги-Чаяакчы Аггей медээчини дамчыштыр Бодунуң сөзүн ажыдып: 4«Мээң бо өргээм хоозурап бузулган турда, каас-коя дерээн бажыңнарга чурттаар үеңер келген деп бе?» – деп чугаалаан e. 5Ынчангаш ам Аг-шериглиг Дээрги-Чаяакчы: «Оруктарыңарже угаан-чүрээңер угландырып, боданыңар. 6Хөй үрезин тарып турар силер, ынчалза-даа дүжүдүңер эвээш-тир f; чемненип турар, ынчалза-даа тотпас-тыр силер; ижип турар, ынчалза-даа суксунуңар ханмас-тыр g; кеттинип аар, ынчалза-даа чылыкпас-тыр силер; акша ажылдап аар силер, ынчалза-даа ооңар акша хавынга ызырынмас-тыр» – деп чугаалаан. 7Аг-шериглиг Дээрги-Чаяакчы: «Оруктарыңарже угаан-чүрээңер угландырып, боданыңар. 8Дагларже үне бергеш, ыяштан эккеп, өргээден тудуңар, Мен ол тудугже чүүлзүнүп көрүп, аңаа алдаржыыр мен» – деп чугаалаан. 9Аг-шериглиг Дээрги-Чаяакчы: «Хөйнү манап турар, ынчалза-даа эвээшти ап турар-дыр силер. Дүжүдүңерни аалыңарже эккеп аарыңарга, Мен тарадыр хадыдып кааптар-дыр мен – деп медеглээн. – А чүге? Мээң өргээм хоозурап бузулган турда, силер шупту – кижи бүрүзү бодунуң бажыңы дээш сагыш човаарынга өй-дүр силер. 10Ынчангаш-ла дээр хагдынып, силерже чаъс-шалыңын бадырбастаан, а чер дүжүдүн бербестээн h. 11Чер кырынче, дагларже кааңнаашкынны кыйгырып ыттым – далган-тарааже, виноград чулуунче, олива үзүнче, черниң беримчези болур бүгү чүвеже, кижиже, мал-маганче, кандыг-даа ажылдың үре-түңнелинче кааңнаашкынны кыйгырып ыттым i».Бурганның чаа өргээзин тудуп эгелээни
12Салафиилдиң оглу Зоровавел, Иоседектиң оглу, дээди бараалгакчы Иисус база арткан бүгү чон Дээрги-Чаяакчы Бурганының сөзүн, Ооң чорутканы Аггей медээчиниң дамчыткан сөстерин тооп дыңнаан j. Чон Дээрги-Чаяакчыдан корткан. 13Ынчан Дээрги-Чаяакчының айбылап чорутканы Аггей медээчи чонга: «Дээрги-Чаяакчы „Мен силер-биле кады мен! k“деп медегледи» – дээн. 14Дээрги-Чаяакчы Салафиилдиң оглу, Иудеяның чагырыкчызы Зоровавелди, Иоседектиң оглу, дээди бараалгакчы Иисусту база арткан бүгү чонну сорук киирипкен. Олар шупту чыглып келгеш, боттарының Бурганы, Аг-шериглиг Дээрги-Чаяакчының өргээзинге ажылдап эгелээн. 15Ынчан Дарий хаанның чагыргазының ийиги чылы, алды айның чээрби дөрт турган.
Copyright information for
TyvTUV