Hos 11 | TyvTUV | STEP | Израильдиң хааны даң хаяазында-ла өлүп каар. «Израиль аныяк турда, аңаа ынак апарган мен , Бодумнуң оглумну Египеттен үндүр кыйгырып алган мен .

‏ Hosea 11

1 Израильдиң хааны даң хаяазында-ла өлүп каар.

Израиль чон – Бурганның ынак төлү

«Израиль аныяк турда, аңаа ынак апарган мен ^a,
Бодумнуң оглумну ^b Египеттен үндүр кыйгырып алган мен ^c.
2 Израильчилерни медээчилерим кыйгырып турда-ла,
олар ырап, Ваал бурганның дүрзүлеринге өргүлдер эккеп салып,
шуткуп, чазаан дүрзүлерге мөгейип, айдызаашкын кылып турганнар.
3 Мен Бодум Эфремни кылаштаарынга өөредип кагдым,
холумга көдүрүп алгаш чоруп турдум,
а израильчилер оларны Мээң экиртир эмнеп турарымны ^d билбеди.
4 Кижизиг, ынакшылдыг харылзаалар-биле оларны хаара тудуп алган мен ^e;
оларның моюннарындан дөңгүнү ужулган дег болган мен,
ээккеш ^{▼▼ Азы: «Эптиг-ээлдээ-биле».}, аъш-чемни оларга салып берип турган мен ^g.

5 Израиль Египетче дедир ээп чоруур ^{▼▼ Өске бурунгу сөзүглелде «Дедир ээлбес» деп бижээн.}, Ассирия ону чагырар,
чүге дээрге ол Менче эглиринден ойталаан-дыр.
6 Ооң хоорайларын хылыш кезе шавар –
ооң хаалгазының дээктерин үреп,
кара сагыштыг бодалдары дээш, израильчилерни сыырыптар.
7 Мээң чонум Менден ойталаарын кызып турар-дыр,
медээчилерим оларны бедикче кыйгырарга-даа,
өрү көдүрлүр кижи чок-тур ^{▼▼ Еврей сөзүглелде бо шүлүктүң утказы эки билдинмес. Болгу дег өске утказы мындыг: «Мээң чонум Менден ойталаарындан могап-шылааш, Дээди Өрүкү Бурганны кый деп, Мени шупту чаңгыс эптиг алдаржыдар».}.

8 Эфрем, сенден канчап ойталаар мен?
Израиль, сени канчап өскелерге бериптер мен?
Сени Адма хоорайны дег бак аажылаар мен бе,
Цевоим хоорай-биле кылган чүвемни сеңээ хамаарыштыр кылыр мен бе ^{▼▼ Адма биле Цевоим – Бурганның Содом болгаш Гоморра хоорайлар-биле кады узуткап каан хоорайлары (Э. д. 14:8; Ы. х. к. 29:23 көр).}?
Мээң бүгү кээргелим кыптыга берди, бодал-сагыжым өскерлип,
9 Бодумнуң килеңим ёзугаар кылбас мен,
Эфремни база катап узуткавас мен,
чүге дээрге Мен – кижи эвес ^k, а силерниң араңарда ыдыктыг Бурган мен ^l;
силерге хорадап келбес мен ^{▼▼ Азы: «Хоорайже чедип келбес мен».}.
10 Израильчилер Дээрги-Чаяакчыны эдерип чоруптар,
Ол арзылаң ышкаш ырланыр ⁿ;
Ооң ырланганын дыңнааш, ажы-төлү сырбаш дээш,
барыын чүктен чедип кээр ^o.
11 Олар Египеттен – бора-хөкпеш ышкаш,
Ассириядан – көге-буга ышкаш ужуп чедип кээр ^p;
оларны боттарының аал-ораннарынга чурттадып каар мен».
Дээрги-Чаяакчының медеглээн чүвези ол-дур.

Иаковтуң салгалы бодунуң Бурганынга шынчы эвес

12 «Мени Эфрем меге-биле, израиль чон – авыяас чоруу-биле бүзээлеп алган;
Иудея шынчы ыдыктыг Бурганындан аза берген ^{▼▼ Еврей сөзүглелде бо домактың утказы эки билдинмес. Болгу дег өске утказы мындыг: «Иудея ам-даа Бурганга бердинип, ыдыктыг Бурганга шынчы турар».}».