fЫд. ыр. 9:35
Hosea 14
1Самария бодунуң буруузун чүктээр, чүге дээрге бодунуң Бурганынга удур тура халаан-дыр a;израильчилер хылыштан кырлып калыр,
оларның чаш төлдерин черже чылча октап,
сааттыг херээженнерин одура шаап каар b».
Израиль чон бачыдын миннир болза, Бурган аңаа ачы-буян хайырлаар
2Израиль, Дээрги-Чаяакчы Бурганыңче эглип кел c,чүге дээрге кем-бурууң дээш кээп дүшкен-дир сен.
3 Мөргүүр сөстериңер боданып алгаш, Дээрги-Чаяакчыже эглип кээп:
„Хамык кем-буруувусту өршээп,
эккээр чүүлүвүстү ээ көрнүүшкүн-биле хүлээп ап көрем,
аксы-сөзүвүстүң макталын өргүл кылдыр Сеңээ эккээр бис d.
4Ассирия бисти камгалавас e, дайынчы аъттарывысты мунмас бис,
холувустуң кылыгларын ‘Бурганывыс’ деп адавас бис,
чүге дээрге өскүс улуска чүгле Сен ээ-хайыралыг болгай сен f“– деп чугаалаңар.
5Менден ойталаар чоруктан оларны экиртир мен,
оларга сеткилим ханызындан ынак болур мен,
чүге дээрге Мээң килеңим олардан чайлай берген-дир.
6Мен Израильге чаъс-шалың дег болур мен,
ол ынчан лилия дег чечектелир g,
Ливан дагда пөш дег, дазылдары тарай өзер;
7ооң будуктары чаттылдыр херлир,
ол чараш-каазы-биле – олива ыяжы дег,
чаагай чыды-биле – Ливанның пөжү дег апаар.
8Ооң хөлегезинге серииттенип олурган улус ээп келир,
олар далган-тарааны эңдере ажаап аар ▼
▼ Еврей сөзүглелде бо домактың утказы эки билдинмес. Болгу дег өске утказы мындыг: «Олар тараа дег өзер».
,боттары виноград сывы дег чечектелип,
Ливанның сураглыг арагазы ышкаш алдаржый бээрлер.
9Эфрем ынчан: „Дүрзү-бурганнарның меңээ херээ чүл?“– деп чугаалаар.
Мен ооң мөргүлүнге харыылап, ону карактап көөр мен,
аңаа девээлиг ыяш дег болур мен;
сенде бар ачы-буянның үнген дөзү мен.
10Мерген угаанныг кижи ол бүгүнү билип алзын i,
сарыылдыг кижи угаап билзин.
Дээрги-Чаяакчының оруктары дорт болгай –
чөптүг-шынныг улус ол оруктап чоруптар,
а үймээнчи улус аңаа чорааш, кээп дүжер».
Copyright information for
TyvTUV