Hos 5 | TyvTUV | STEP | «Бурганның бараалгакчылары, ол бүгүнү дыңнаңар, израиль чон, ол бүгүнү кичээнгейге ап көр, хаанның өг-бүлези, кулааңар ээктириңер; силерни ам шиидер-ле болгай. Мицпа хоорайга – какпа, Фавор дагга

‏ Hosea 5

Израильдиң шииттирери

1 «Бурганның бараалгакчылары, ол бүгүнү дыңнаңар, израиль чон, ол бүгүнү кичээнгейге ап көр,
хаанның өг-бүлези, кулааңар ээктириңер;
силерни ам шиидер-ле болгай.
Мицпа хоорайга – какпа, Фавор дагга ^a – чада салган четки бооп турдуңар.
2 Силер Ситтимге ^b ханы оңгар казып алдыңар ^{▼▼ Еврей сөзүглелде бо домактың утказы эки билдинмес. Болгу дег өске утказы мындыг: «Үймээнчилерниң өлүрүүшкүнү кедереп тур».},
а Мен силерни кезедир мен.
3 Эфремни билир мен, Израиль Меңээ ажык-көскү;
Эфрем, самыырап тур сен, Израиль, бужартап тур сен.
4 Үүлгедиглери израильчилерни Бурганынче ээлдирбейн турар ^d,
самыыраашкынның сүлдези оларның аразында турар-дыр ^e,
Дээрги-Чаяакчыны билбестер-дир.
5 Израильдиң адыыргак чоруу ^f бодунга удур херечилээр ^{▼▼ Азы: «Израильдиң чоргааралы куду көрдүрген».},
Эфрем бодунуң бузут-багы дээш кээп дүжер,
Иудея база олар-биле кады кээп дүжер.

6 Израильчилер шээр-даа, бода-даа малын өргүлге салып,
Дээрги-Чаяакчыны дилеп чорупкаш, тыппайн баар,
Дээрги-Чаяакчы олардан ырай берген болур ^h.
7 Олар Дээрги-Чаяакчыга өскерлип, сурас ажы-төл төрүп алган-дыр.
Оларны бир ай дургузунда ^{▼▼ Еврей сөзүглелде бо сөстерниң утказы эки билдинмес. Болгу дег өске утказы мындыг: «Ай чаазының байырлалы».} ээлээн чери-биле кады чиптер».

Израиль биле Иудеяга удур дайын

8 «Гива хоорайга мыйыс этсиңер ^j,
Рама хоорайга труба этсиңер,
Бет-Авенге ^k дүвүрээзин чарлаңар ^l:
Вениамин, дайзын сээң артыңда тур!
9 Кеземче хүнү кээрге, Эфрем хоозурап каар.
Ол бүгү болуру чайлаш чок дээрзин
Израильдиң аймактарынга медээлеп тур мен.
10 Иудеяның баштыңнары ээлел чериниң кызыгаарын алгыдып,
дүрүм үрээн улус-тур; ^m Мен оларже килеңимни суг дег төгер мен.
11 Эфрем дарладып, шииткелге бастырган-дыр,
чүге дээрге хоозун дүрзү-бурганнарны эдерген-дир ^{▼▼ Өске бурунгу сөзүглелде «Чүге дээрге ол дужаалды күүсеткен-дир» деп бижээн.}.
12 Эфремни үзүт-ховаган дег чиир мен, Иудеяны курт дег чиир мен.
13 Эфрем – бодунуң аарыын, Иудея – бодунуң балыын көрүп каан,
Эфрем Ассириядан дуза дилеп ^o, өндүр улуг хаанче ^{▼▼ Азы: «Иарев хаанче» (Ос. 10:6 көр).} элчиннерин ыткан.
Ынчалза-даа ол силерни экиртип шыдавас, балыыңарны эмнеп шыдавас ^q.
14 Чүге дээрге Эфремге арзылаң дег мен, Иудеяга араатан аң дег мен ^r.
Ийе, Мен оларны үзерлеп каапкаш, алгаш чоруй баар мен –
кым-даа оларны камгалап шыдавас.
15 Олар буруузун билинмээн шаанда, Мени дилеп эгелевээн шаанда,
Мен турар черимче дедир чоруй барайн ^s.