Hos 6 | TyvTUV | STEP | Олар хилинчекке бүргеткеш, Менче чүткүп эгелээр». Барып, Дээрги-Чаяакчыже эглиили! Ол бисти аартып каан – Ол бисти экиртип каар; бисти балыглап каан

‏ Hosea 6

1 Олар хилинчекке бүргеткеш, Менче чүткүп эгелээр».

Дээрги-Чаяакчыже эглиишкин

Барып, Дээрги-Чаяакчыже эглиили! ^a
Ол бисти аартып каан – Ол бисти экиртип каар;
бисти балыглап каан – балыгларывысты шарып бээр ^b;
2 ийи хонук эртерге, Ол бисти диргизер,
үшкү хүнде Ол бисти бут кырынга тургузуп каар ^c,
ынчан Аңаа шынчы амыдырап, Ону билип алыр бис.
3 Ынчангаш Дээрги-Чаяакчыны билип алырынче чүткүп көрээли.
Ол биске даң хаяазы дег ыяап-ла көстүп кээр,
Ол бисче чаъс ышкаш – черни суггарган часкы чаъс ышкаш чедип кээр.

Бурганга бердинмээн улус

4 «Эфрем, сени канчаайн? Сени канчаайн, Иудея?
Силерниң энерелиңер эртенги туман дег, эрип каар шалың дег ^d.
5 Ынчангаш өлүм биле узуткаашкынны медээлээр дээш ^e,
силерже медээчилеримни чорудуп турдум ^f;
Мээң шииткелим чырык дег чайынналдыр чырып кээр.
6 Өргүлдү эвес, энерелдиг бооруңарны күзеп тур мен,
улустуң Бурганны билип алырын
оларның бүрүн өрттеткен өргүлдеринден артык күзеп тур мен ^g.
7 А олар, өске улус ышкаш ^{▼▼ Азы: «Адам ышкаш».}, чагыг-керээни үреп, Меңээ өскерилди.
8 Галаад – бузут үүлгедикчилериниң ханга борашкан хоорайы ⁱ.
9 Дээрбечилерниң кижини кедеп турары дег,
бараалгакчыларның бөлүглели Сихем ^j чедер орукка кижилер өлүрүп,
бузут үүлгедип турар.
10 Израиль чонда чүдек-бужар чүвени көрүп тур мен.
Эфрем самыырап турар-дыр, Израиль бужартап турар-дыр.

11 Иудея, сеңээ база дүжүт ажаар үени доктаадып каар! ^k
Мен Бодумнуң чонумга эки чолду эгидер деп баарымга ^{▼▼ Азы: «Бодумнуң чонумнуң туттурган улузун эгидип эккээримге».},