Isa 12 | TyvTUV | STEP | Ол хүн кээрге : «Дээрги-Чаяакчы, Сеңээ өөрүп четтирип тур мен! Сен меңээ килеңнеп турган-даа болзуңза, Бодуңнуң килеңиңни чайладып, меңээ аргалалды хайырладың.

a Иса. 11:11

b Хост. 15:2; Ыд. ыр. 117:13

c 1 Чыл. 16:8; Ыд. ыр. 104:1

d Ыд. ыр. 8:2-3

e Хост. 15:1

f Соф. 3:14; Зах. 2:10; 9:9

g Ыд. ыр. 45:6; Ос. 11:9

‏ Isaiah 12

Мактал ырлары

1 Ол хүн кээрге ^a: «Дээрги-Чаяакчы, Сеңээ өөрүп четтирип тур мен! Сен меңээ килеңнеп турган-даа болзуңза,
Бодуңнуң килеңиңни чайладып, меңээ аргалалды хайырладың.
2 Шынап-ла, мээң Камгалакчым – Бурган,
Аңаа идегээр болгаш, чүден-даа кортпас мен.
Дээрги-Бурган-Чаяакчы – мээң күчү-күжүм, ырым;
Ол меңээ камгалал болду» – деп ырлаар сен ^b,
3 камгалалдың кудуктарындан сугну өөрүшкүлүг узуп аар силер.

4 Ол хүн кээрге: «Дээрги-Чаяакчыга өөрүп четтириңер,
Ооң адын кыйгырып, алгап-мактаңар;
чоннар аразынга Ооң ажыл-херектерин медээлеңер ^c,
Ооң ады өндүр улуг дээрзин оларга сагындырыңар ^d.
5 Дээрги-Чаяакчыны алгап ырлаңар,
Ол өндүр улуг үүле-херек кылган болгай ^e,
ооң дугайында бүгү чер-делегейге билдингир апарзын.
6 Сионнуң чурттакчылары, өөрүп-хөглеңер ^f,
чүге дээрге Израильдиң ыдыктыг Бурганы
силерниң араңарда өндүр улуг-дур! ^g» – деп ырлаар силер.