Isaiah 13
Вавилон дугайында өттүр билген медеглел
1Амоцтуң оглу Исайяның дамчытканы Вавилон дугайында өттүр билген медеглел бо-дур a. 2«Тас тей бажынга туктан көдүргеш b,дайынчыларны кыйгырып, оларже хол чайыңар;
олар ызыгууртаннар хаалгазынче кире берзин.
3Мен Бодумга бараалгатканым шериглерге дужаал берген мен;
Мээң өндүр улуум дээш өөрүп-байырлап турар дайынчыларымны кыйгырып алдым –
Мээң килеңим ёзугаар хөделзиннер.
4Мөөң чон чыылганда дег, дагларда дааш-диңмит үнүп тур.
Эвилелдежип чыылган күрүнелер, чоннарның дааш-шимээни ол-дур!
Аг-шериглиг Дээрги-Чаяакчы аг-шеригни тулчуушкунга белеткээн-дир.
5Ол аг-шериг ырак чурттан, чер-делегейниң ужу-кыдыындан кел чыдар:
Дээрги-Чаяакчы болгаш Ооң килеңиниң чепсээ c бүгү чер-делегейни хоозурадыр!
6Ыглап-сыктаңар, чүге дээрге Дээрги-Чаяакчының шииткелиниң хүнү чоокшулаан-дыр d –
Күчүлүг Бурган бүрүн буураашкын чоруткан-дыр.
7Ынчангаш бүгү улустуң холдары салдына бээр e, кижи бүрүзүнүң чүрээ серт кынныр.
8Улус аажок коргар, олар аарышкыга алзып, курлу бээр,
божуп чыдар херээжен дег, хилинчек көөр f,
бот-боттарынче кайгап-харап көржүр,
арыннары агарып, девидей бээр.
9Көрүңер, Дээрги-Чаяакчының шииткелиниң хүнү кел чыдыр –
Ооң аажок хорадап, килеңнээни, хайыра чок ол хүнде
чер кыры ээнзиреп, ында чурттаан бачыттыг улус узуткаттырар g.
10Дээрниң сылдыстары биле чырымалдары боттарының чырыын чашпас;
үнүп орар хүн өжүп каар, ай чайынналдыр чырывас h.
11Мен бо делегейни бузуду дээш кезедир мен,
бузуттугларны кем-буруузу дээш кезедир мен.
Турамык улустуң улуургаан соксадыр мен,
түрлүг улустуң туразының улуун таптай базар мен i.
12Кижилер эвээжээш, арыг алдындан-даа, Офирден эккелген алдындан-даа j
ховар апаар кылып каар мен.
13Ынчаар дээш, Мен дээрни силгиир мен!
Аг-шериглиг Дээрги-Чаяакчы хорадаарга,
Ооң килеңи кыптыккан хүнде чер-делегей бодунуң туружундан шимчей бээр k.
14Ынчан кижи бүрүзү, сүрүүшкүнден дескен чээрен дег,
кадарчы чок хойлар дег, бодунуң чонунче дедир чанар,
бодунуң черинче дезип маңнаар l.
15Туттурган-на кижи өттүр шаштырып аар,
таварышкан-на кижи хылыштан өлүп калыр.
16Оларның чаш төлдерин, боттары көрүп турда, черже чылча октап каар m;
оларның бажыңнарын үптеп-тонаар, кадайларын чазарлаар n.
17Көрүңер, Мен Вавилонга удур мөңгүннү үнелевес, алдынны тоомчага албас
мидий чонну o көдүрер мен.
18Мидийлерниң чалары p аныяк оолдарны адып каар,
олар чаш төлдерге хайыра көргүспес,
бичии уругларже кээргел-биле көрүнмес.
19Вавилон – күрүнелерниң эң каазы, халдей чоннуң алдары база чоргааралы,
Содом биле Гоморра ышкаш, Бурганга узуткаттырар q.
20Вавилонну улус кажан-даа ээлевес, салгалдан салгал дамчып чурттакчы чок болур r.
Араб кижи аңаа чадырын тикпес s, кадарчы кижи сүрүг малы-биле дыштанмас.
21Аңаа чүгле черлик аң-мең турар, шөө-бөрүлер ооң бажыңнарын долар;
аңаа страус куштар чурттаар t база те-чуңма шурап маңнажыр.
22Бөрүлер ооң шивээлеринге ▼
▼ Шивээлер – өске бурунгу сөзүглелде «Дулгуяк херээженнеринче» деп бижээн.
, дилгилер – каас-коя ордуларынга улужар».
Copyright information for
TyvTUV