Isaiah 15
Моав дугайында
1Моав дугайында өттүр билген медеглел бо-дур a.Чаңгыс дүне Ар хоорайны хоозураткан b – Моавты узуткап каан;чаңгыс дүне Кир хоорайны хоозураткан – Моавты узуткап каан.
2Ооң чурттакчылары бурганнарының өргээзинче чедип келген,
Дивоннуң чурттакчылары ыдыктыг черже ыы-сыылыг чедип келген.
Моав чон Нево болгаш Медева хоорайлар дээш ыглап-сыктаар c –
кажыыдал демдээ кылдыр бүгү улустуң бажын таарып, салын чүлүп каан d.
3Моавтың кудумчуларында улус качыгдалдың самдар хевин кедип алган,
бажыңнар кырында, шөлдерде бүгү улус доңгая кээп дүшкеш, ыглажып тур.
4Эсевон биле Элеале хоорайлар e алгырып ыглап тур –
оларның үнү мырыңай Иаацада дыңналып турар.
Моавтың шериглери база ыглажып, сеткил-сагыжы сүрээдеп тур.
5Мээң чүрээм Моав дээш ыглап тур;
ооң дескен улузу Сигорже, Эглат-Шелишияга чедир дезип тур;
олар Лухитче f ыы-сыылыг көдүрлүп,
Хоронаим баар орукта боттарының аштырыышкыны дээш ыглажып тур.
6Нимрим хемниң суу соглуп калган,
шыктар кургап, оът-сиген оңа берген – үнүш-дүжүт артпаан.
7Моавтар эртине-байлааның камнап алган артынчызын
Талдар шынаазы-биле аппар чыдар.
8Моавтың бүгү кыдыг-кызыгаарында ыы-сыы чаңгыланып тур,
улус Эглаимге чедир, Беэр-Элимге чедир ыглажып тур,
9чүге дээрге Димоннуң суун хан долган-дыр.
А Мен Димонче оон-даа улуг айыыл-халап ыдар мен –
Моавтан дескен улусче база чуртта артып калган улусче арзылаңнар халдаар.
Copyright information for
TyvTUV