Isaiah 19
Египет дугайында
1Египет дугайында өттүр билген медеглел бо-дур a.Дыңнаңар, Дээрги-Чаяакчы чоруккур булутта саадапкан b,Египетче кел чыдыр.
Египеттиң дүрзү-бурганнары Ону көргеш, сириңейнип тур c,
египетчилерниң чүректери кортканындан шапкыланып тур.
2«Мен египетчилерни египетчилерге удур дайылдаштырар мен –
ха-дуңмалышкы улус, эжишкилер, бир хоорай биле өске хоорай,
бир девискээр биле өске девискээр бот-боттарынга удур чаалажыр d.
3Египетчилерниң сузу бастынар,
Мен оларның бодап алган чүүлдерин чүү-даа эвес кылып каар мен e;
олар дүрзү-бурганнардан, өлүг улус сүнезиннеринден,
караң көрнүрлерден арга-сүме айтырар f.
4Мен Египетти каржы-дошкун чагырыкчының холунга хүлээдип бээр мен,
кээргел чок хаан оларны чагырар g» – деп, Аг-шериглиг Дээрги-Бурган-Чаяакчы медеглээн.
5Далайның суу тырттына бээр, хем соглуп, кургап каар h.
6Адырлар, бугалар чыдып эгелээр,
Египеттиң хем-суглары сыыгап, соглуп каар i.
Кулузун, хыыргыыш оңа бээр.
7Хем эриинде шырыштар, Нилдиң чанында тараан бүгү тараа
кургап, тарадыр хадыткаш, чиде бээр.
8Балыкчылар муңгараар, Нил хемче сыырткыыжын октап турар бүгү улус ыглажыр,
сугже четки октап турар улус ундараар.
9Лён дырап турар улус идегелин шуут ышкынар,
пөс аргыкчыларының арны агара бээр.
10Хеп аргыкчылары муңгагдаар, хөлезилеттинген ажылчыннарның сагыш-сеткили качыгдалга алзыр.
11Цоан хоорайның нояннары шуут угаан чок-тур! j
Фараоннуң мерген угаанныг чөвүлекчилери мелегей сүме кадып тур.
Канчап силер фараонга: «Мерген угаанныгларның үре-салгалы бис,
эрте-бурунгу хааннардан укталган бис!» – дээр силер?
12Египет, сээң мерген угаанныгларың ам кайыл? k
Аг-шериглиг Дээрги-Чаяакчының Египетке удур бодалын
олар ам сеңээ чугаалап, тайылбырлап берзин.
13Цоанның нояннарының угааны четпес-тир,
Мемфис хоорайның l нояннары дуурайлаттырган-дыр;
Египетти ооң аймактарының баштыңнары оруундан астыктырган-дыр.
14Дээрги-Чаяакчы оларның угаан-сарыылын ээдереткен-дир,
ынчангаш олар Египеттиң бүгү ажыл-херектерин будап каапкан-дыр:
Египет ам, эзирик кижи дег, бодунуң кускузун сүзүп m, улчуп чоруп турар.
15Египетке ам кым-даа: ооң бажы-даа, кудуруу-даа,
бедик-чаагай будуктары-даа, хыыргыыжы-даа дузалап шыдавас n.
16Ол хүн кээрге, египетчилер херээженнер дег апарып o,
Аг-шериглиг Дээрги-Чаяакчының оларга удур көдүрер холундан корткаш, сирилей бээр.
17Иудеяның чери дээш Египет коргуушкунга алзыптар.
Иудеяның адын адаарга, дыңнаан кижи бүрүзү
Аг-шериглиг Дээрги-Чаяакчының Египет дугайында бодалы дээш коргуп-сүртээр.
18Ол хүн беш египет хоорай Ханаанның дылы-биле чугаалап p,
Аг-шериглиг Дээрги-Чаяакчының ады-биле даңгыраглап эгелээр.
Ол хоорайларның бирээзи Үрегдээшкин хоорайы ▼
▼ Өске бурунгу сөзүглелде «Хүн хоорайы» дээн. Хүнге мөгейиишкин кылыр хоорай болур Илиопольду (Э. д. 41:45; Иез. 30:17 көр) узуткаанынче айтып турар сөстер оюну бооп чадавас.
деп адаттырар.19Ол хүн Дээрги-Чаяакчыга өргүл салыр бедик чер Египеттиң ортузунга турар,
а Дээрги-Чаяакчыга тураскаал r ооң кызыгаарынга турар.
20Ол дээрге египет черге Аг-шериглиг Дээрги-Чаяакчы дугайында сагындырыг, херечилел болур.
Кажан египетчилер боттарының кызагдакчыларындан адырлыр дээш
Дээрги-Чаяакчыдан дуза дилеп кыйгырарга,
Ол камгалакчы биле баштыңны оларга чорудуп берип, камгалаар.
21Дээрги-Чаяакчы Египетке ынчалдыр ажыттынар;
ол хүн египетчилер Дээрги-Чаяакчыны билип алгаш,
Аңаа мөгейип, өргүл малдары биле далган-тараа өргүлдери эккеп салыр
база Дээрги-Чаяакчыга даңгырактар бергеш, күүседир s.
22Дээрги-Чаяакчы Египетти кезедир; кезеткеш, оон экиртип каар t.
Олар Дээрги-Чаяакчыже эглип, мөргүүрге,
Ол оларның дилээнге харыылап, экиртип каар.
23Ол хүн Египеттен Ассирияже улуг делгем орук шөйлүр u.
Ассирийлер Египетче, а египетчилер – Ассирияже аргыжып чоруур,
египетчилер ассирийлер-биле кады Дээрги-Чаяакчыга бараан болур ▼
▼ Азы: «Египетчилер ассирийлерге бараан болур».
.24Ол хүн Израиль үш улуг күрүнениң бирээзи болуп,
Египет болгаш Ассирия-биле деңнежи бээр;
ол чер-делегейге ачы-буянны хайырлаар w.
25Аг-шериглиг Дээрги-Чаяакчы оларны алгап-йөрээп:
«Мээң египет чонум, Мээң холумнуң бүдүргени Ассирия, Мээң өнчүм Израиль –
олар шупту Мээң ачы-буянымны алыр» – дээр.
Copyright information for
TyvTUV