Isa 21 | TyvTUV | STEP | Далай чанында ээн кургаг хову дугайында өттүр билген медеглел бо-дур . Негевтиң кырында хадаан шуурганнар дег , дайзын ээн кургаг ховудан, коргунчуг черден кел чыдар.

‏ Isaiah 21

Вавилон дугайында

1 Далай чанында ээн кургаг хову дугайында өттүр билген медеглел бо-дур ^a.

Негевтиң кырында хадаан шуурганнар дег ^b,
дайзын ээн кургаг ховудан, коргунчуг черден кел чыдар.
2 Түрлүг көстүүшкүннү Дээрги-Чаяакчы менче чоруткан чүве:
«Өскерликчи өскерлип турар ^c, хоозурадыкчы үптеп-хоозурадып турар.
Элам ^d, хоорайже халда! Мидия, хоорайны бүзээле! ^e
Мен ам бүгү уё-човуурну төндүрейн!»

3 Ол дээш мээң мага-бодум аарышкыдан сыртылаан,
божуп чыдар херээжен дег, хилинчекке алыскан мен ^f.
Дыңнаан чүвем дээш качыгдап тур мен,
көрген чүвем дээш дүвүреп тур мен.
4 Чүрээм согуу тиккиңейнип, кортканымдан сирилеп тур мен.
Дыка күзенчиг турган келир үе меңээ коргуушкун бооп хуула берди.

5 Шериг баштыңнары ширтектер чадып, стол-ширээге аъш-чем салып,
ижип-чиген соонда, тура халчып келген, дозуг-камгалалдарын белеткеп алган!

6 Дээрги меңээ: «Барып, доскуулчудан тургузуп каг.
Ол көрүп турар чүвезин чугаалазын ^g.
7 Доскуулчу ийи аът коштаан дайынчы тергени
база элчиген, теве мунган улусту көрүп каар.
Ол кичээнгейлиг дыңнаалап турзун» – дээн.

8 Доскуулчу ^{▼▼ Өске бурунгу сөзүглелде «доскуулчу» эвес, «арзылаң» деп бижээн.}: «Дээргим! Хүннүң-не мында доскуулдап тур мен ⁱ,
дүнениң-не база бо черде тур мен.
9 Көөрүмге, ийи аът коштаан дайынчы терге кел чыдыр!» – деп дыңзыдыр чугаалаан.
«Ооң: „Вавилон шуут буурады! Ооң бүгү дүрзү-бурганнары
черде чуура шаптырып алган чыдыр! ^j“– деп кыйгырганын дыңнаан мен».

10 О, тараа дег бастырткан мээң чонум ^k,
сеңээ ам Аг-шериглиг Дээрги-Чаяакчы, Израильдиң Бурганындан дыңнаан чүвемни чугаалап тур мен.

Эдом дугайында

11 Эдом ^{▼▼ Эдом – өске бурунгу сөзүглелде «Дума» деп бижээн (Э. д. 25:13 көр).} дугайында өттүр билген медеглел бо-дур.

Улус мени Сеирден ^{▼▼ Сеир – Эдомнуң өске ады (Э. д. 36:8; Ы. х. к. 2:8).}: «Доскуулчу, дүн кажан төнерил?
Доскуулчу, дүн кажан төнерил?» – деп айтырган.
12 Доскуулчу: «Даң адып ор, ынчалза-даа дүн үргүлчүлевишаан-дыр.
Билип алыксаар болзуңарза, катап база чедип кээп, айтырыңар» – деп харыылаан.

Аравия дугайында

13 Аравия дугайында өттүр билген медеглел бо-дур.

Деданнарның ^{▼▼ Дедан – араб аймак (Э. д. 25:3; Иер. 25:23 көр).} чиң сөөрткен тевелери,
Аравияның шырыштарында хонуп ап тур силер.
14 Теманың ^o чурттакчылары, кагып-суксаан улуска сугдан бериңер;
ойлап-дескен улуска аъш-чемден эккелиңер.
15 Олар дээрге хынындан ужулган хылыштан, хере тырткан чадан,
кадыг-дошкун дайын-чаадан дескен улус-тур.

16 Дээрги меңээ: «Хөлечик кижиниң ажыл кылып эрттирер хуусаазы дег, дараазында чыл эрте бээрге, Кедарның ^{▼▼ Кедар – араб аймак (Ыд. ыр. 119:5; Сол. ыр. 1:4 көр).} бүгү алдар-ады чиде бээр ^q. 17 Кедарның ча адар дайынчыларындан чүгле каш кижи дириг артар» – дээн.

Израильдиң Бурганы Дээрги-Чаяакчының чугаалаан чүвези ол-дур.