Isaiah 27
Бурган-биле тайбың керээзи
1Ол хүн Дээрги-Чаяакчы Бодунуң улуг, быжыг болгаш хайыра чок хылыжы-биле a Левиафанны ▼▼ Левиафан – ханаан мифологияда сугнуң күчүтен моозу (Иов 3:8; 40:20; 41:1; Ыд. ыр. 73:13-14; 103:26 көр). Ол амытан Бурганның удурланыкчызының символу болур. Мында: Египет азы Ассирияның ойзу адаан ады бооп чадавас (Иез. 27:1 көр).
– чылбыраңнаан чыланны, дыйлаңнаан чыланны узуткап каар.Далайның моозун Ол өлүрүп каар!
2«Ол хүн кайгамчык эки виноград шөлүнүң дугайында ырлажыңар! c
3Мен, Дээрги-Чаяакчы, ону кадарып, үргүлчү суггарып тур мен.
Аңаа кым-даа хора чедирбезин дээш,
дүне-даа, хүндүс-даа ону камгалап-кадарып тур мен.
4Сагыжымда килең чок. Бир эвес ол шөл Меңээ удур тенниг бок үнүш өстүрер болза,
Мен аңаа удур дайылдажып үнгеш, хуюкталдыр өрттедиптер мен d.
5Ол боду Менден камгалал дилеп чедип келзин,
Мээң-биле тайбың керээзин чарып алзын,
ийе, Мээң-биле тайбың керээзин чарып алзын».
6Келир үеде Иаков дазылданыр, Израиль чаш будуктарын сунуп, чечектели бээр e,
бүгү чер-делегейни чимизи-биле долдурар!
7Дээрги-Чаяакчы израильчилерни, оларны соп турган улусту дег, соп турган чүве бе?
Ол израильчилерни, оларны өлүрүп турган улусту дег, өлүрүп турган чүве бе?
8Сен олар-биле дайылдашкаш,
оларны чуртундан үндүр сывыртап, шиидип турдуң.
Сен оларны Бодуңнуң өрттендир чиир хат дег күштүг тыныжың-биле үндүр үрүпкен сен f.
9Израиль чон бодунуң кем-буруузундан мынчаар адырлыр,
ол бодунуң бачыдындан ойталаар болза, үре-түңнели мындыг болур:
ол өргүл салыр бедик черлерниң дажын, чугай дажы дег, чуура шаап кааптар,
ыдыктыг ыяштарны-даа, адагаштарны-даа тура тыртып кааптар g.
10Быжыглалдыг хоорай ээнзирээн h, чурттакчылыг черлерни улус каапкаш барган,
олар ам ээн кургаг хову ышкаш.
Ында ам бызаалар оъттап, дыштанып чыдып,
будук-бүрү тыртпарлап чип турар.
11Будуктар кургап каарга, сыйып кааптар,
херээженнер келгеш, оларны өрттедиптер.
Бо чон угаан чок-тур i,
ынчангаш Чаяакчызы ону кээргевес, хайыра көргүспес.
12Ол хүн Дээрги-Чаяакчы Евфрат хемден эгелээш,
Египеттиң кызыгаарында хемге чедир бүгү тараа баштарын чыыр –
израильчилерни чаңгыстап чыып аар.
13Ол хүн өндүр улуг трубаны этсир j –
Ассирияда чиде берген база Египетче сывыртадыпкан улус
ында Иерусалимниң турары ыдыктыг дагга келгеш k, Дээрги-Чаяакчыга мөгеер.
Copyright information for
TyvTUV