Isaiah 29
Иерусалим ат болур
1Ариил, Ариил ▼▼ Ариил – Иерусалимниң оюскан ады. Бо аттың утказы эки билдинмес. Ооң болгу дег уткалары: «Өргүл салыр бедигээштиң одаа», «Бурганның арзылаңы».
, Давид хаанның чурттап турган хоорайы b, ат болур сен! Үе эртип, чылга чыл немежир,байырлалдарың боттарының эргилдезин ёзугаар катап-катап эртер.
2А Мен сени кызагдаар мен; хомудап, ыглап-сыктаар сен,
Меңээ Ариил* ышкаш болур сен.
3Мен сени бүгү чүктен бүзээлээр мен,
бүзээлел суургаларын сени долгандыр тургузуп аар мен,
сеңээ удур бүзээлел быжыглалдары тудар мен c.
4Черже дүжүр октаткаш, оортан чугаалаар сен,
чугаа-сөзүң довурак иштинден дыңналыр.
Сээң үнүң, өлген кижиниң сүнезининиң үнү дег, чер иштинден дыңналыр,
довурак адаандан сымыраныр сен.
5А сени долганган эңдерик дайзыннарың хоюг довурак дег апаар,
кээргел чок эжелекчилер – хатка эстээн тараа саваңы дег апаар.
Хенертен, карак чивеш дээр аразында
6Аг-шериглиг Дээрги-Чаяакчы кеземче көргүзүп,
диңмирээшкин, чер шимчээшкини, коргунчуг дааш-шимээн,
кедергей хат-шуурган болгаш өрттендир чиир чалбыыштыг оду-биле чедип кээр d.
7Ариилге удур дайылдажып турар – ооң шивээзин бүзээлеп,
ону кызып-кыйып турар бүгү чоннарның аг-шерии
уйгу-дүш, дүнеки көстүүшкүн дег боор! e
8Ынчан аштаан кижи бодун чемненип турар кылдыр дүжээр,
а оттуп кээрге, аш хевээр боор;
суксаан кижи бодун суг ижип турар кылдыр дүжээр,
а оттуп кээрге, шаа төнүп, аксы-боску кургап калган боор.
Сион дагга удур дайылдашкан эңдерик чоннар-биле ынчап баар.
Согурарган карактар, Бургандан ырак сеткил-чүректер
9Чожуй бериңер, кайгап-хараңар,бодуңарны согурарткаш, чүве көрбес апарыңар!
Силер эзириир силер, ынчалза-даа арагадан эвес,
тендириир силер, ынчалза-даа эзиртир суксундан эвес f.
10Дээрги-Чаяакчы силерни билинместедипкен-дир g.
Бурганның медээчилери, силерниң карактарыңарны Ол шимдирген-дир!
Өттүр көөр улус, силерниң арыннарыңарны Ол дуглап каан-дыр.
11Бурган силерге кандыг-даа көстүүшкүн чорударга,
ол көстүүшкүн дүрүп, таңмалап каан дүрүг-номнуң сөстери дег боор h.
Бир эвес ындыг дүрүг-номну номчуп билир кижиге номчузун дээш тутсуп бээр болза,
ол кижи: «Шыдавас мен, ону таңмалап каан-дыр» – деп харыылаар.
12А бир эвес ындыг дүрүг-номну номчуп билбес кижиге номчузун дээш тутсуп бээр болза,
ол кижи: «Номчуп билбес мен» – деп харыылаар.
13Дээрги мынча дээн: «Бо чон Меңээ аксы-сөзү-биле чоок чон-дур,
Мени сөс кырында хүндүлээр, а сеткил-чүрээ-биле Менден ырак чон-дур i.
Оларның Меңээ мөгейиишкини –
чүгле кижилерден шиңгээдип алганы сагылга-дүрүмнер-дир j.
14Ынчангаш Мен туруп көрбээн, кайгамчык херектерни
бо чон-биле ам-даа кылыр мен.
Ооң мерген угаанныгларының мерген угааны чок апаар,
сарыылдыгларының сарыылы чиде бээр k».
15Дээрги-Чаяакчыдан бодунуң бодалын чажырып,
ханы дүпче чаштынып кирер улус ат болур!
Олар боттарының херектерин караңгыда кылып:
«Бисти кым көрүп каарыл? l Кым танып каарыл?» – деп турар.
16Бүгү чүвени кайы хире хажыдар-дыр силер!
Таанда-ла дой сава кылыкчызынче дойже дег көрүп болур бе? m
Чаяап каан чүүл бодунуң чаяакчызының дугайында:
«Ол мени чаяаваан!» – деп болур бе?
Уран кылыг ону чогааткан кижиниң дугайында:
«Ол чүнү-даа угаап билбес!» – деп болур бе?
Келир үеге идегел
17Удавас шыргай эзим-арга дүжүткүр шөл апаар,а дүжүткүр шөл арга-эзим ышкаш көстүр.
18Ол хүн дүлей улус дыңналдыр номчаан сөстерни дыңнап каар,
согурларның дүмбей караңгы шыпкан карактары чүве көрүп турар апаар n.
19Түрегдээннерге Дээрги-Чаяакчы чаа өөрүшкүнү хайырлаар o,
ядыылар Израильдиң ыдыктыг Бурганы дээш өөрүп-байырлаар.
20Оон бээр дарлакчылар турбас, дорамчылакчылар чиде бээр,
бузут үүлгедиксээр бүгү улус узуткаттырар –
21улусту хей черге буруудадыр улус,
шииткел черинге шын шиитпир негээн кижиге какпа салыр улус болгаш
актыг кижиге чөптүг шииткел үндүртпес улус узуткаттырар p.
22Ынчангаш Авраамны q адырып хостаан Дээрги-Чаяакчы Иаковтуң салгалынга мынча дээн:«Израиль чон моон соңгаар бак атка кирбес, оларның арны ам агарбас.
23Мээң холумнуң чаяап кааны, боттарының аразында турар ажы-төлүн көрүп кааш,
олар Мээң адымның ыдыктыын хүлээп көөр,
Иаковтуң Бурганының ыдыктыын хүлээп көөр,
Израильдиң Бурганының мурнунга сүрээдээр.
24Чүрээ-биле будулган улус угаап шыдаар апаар,
хомудап, хыйланган улус суртаалды хүлээп өөренип аар».
Copyright information for
TyvTUV