iЫд. ыр. 20:10
Isaiah 31
Иерусалимни Египет эвес, Бурган камгалаар
1Дуза дилеп, Египетче барып турар улус ат болур! a Олар аъттарга ынанып, дайынчы тергелерниң хөйүнге,аъттыг шеригниң улуг күжүнге идегеп турар-дыр b,
а Израильдиң ыдыктыг Бурганынче көрүнмес-тир,
Дээрги-Чаяакчыдан сүме айтырбас-тыр c.
2А Ол мерген угаанныг – айыыл-халапты Ол ыдыпкан,
Бодунуң аазаашкынын күш чок болдурбаан.
Ол бузуттуг төрел бөлүкке удур,
кем-буруулуг улустуң дузалакчыларынга удур көдүрлүр.
3Египетчилер дээрге Бурган эвес, кижилер-дир d,
оларның аъттары – мөңге сүлде эвес, өлүр тынныг амытаннар-дыр.
Дээрги-Чаяакчы кезедир дээш холун сунарга,
Израильге дуза көргүзүп келген египетчилер тептиге бээр,
олардан дуза ап турганнар база кээп дүжер –
олар шупту кады узуткаттырар.
4Дээрги-Чаяакчы меңээ мынча дээн: «Арзылаң дег,
кажан ол бодунуң олча-тывыжының кырынга ырланып турда e,
аңаа удур чеже-даа хөй кадарчы чыглып кээрге,
оларның алгы-кышкызы, шимээн-даажындан кортпазы дег,
Аг-шериглиг Дээрги-Чаяакчы база бедик Сион даг дээш тулчуру-биле дүжүп кээр.
5Аг-шериглиг Дээрги-Чаяакчы, уязының кырында ушкан куш дег f,
Иерусалимге болчуп, ону карактаар – Ол ону кадагалап, адырып хостаар,
ээ-хайыра көргүзүп, камгалаар.
6Израильчилер, кедергей кызып ойталааныңар Бурганче эглип келиңер!
7Ол хүн силер шупту кем-буруулуг холуңар-биле кылып алган
алдын, мөңгүн дүрзү-бурганнарыңарны көөр хөңнүңер чок апаар силер g.
8Ассирийлер хылыштан кырлып каар,
ынчалза-даа кижиниң хылыжындан эвес! h
Оларны селеме өлүр шанчар,
ынчалза-даа кижи амытанның селемези эвес.
Олар дайын-чаадан дезип маңнажыр,
оларның хып дээн чалыы оолдарын кул кылдыр тудуп алгаш баар.
9Коргуушкунга алыскаш, оларның чөленгиижи чиде бээр;
оларның шериг баштыңнары боттарының тугун каапкаш,
коргуп-сүртеп дезе бээр» – деп, Дээрги-Чаяакчы медеглээн.
Ооң оду Сионда хып турар, Ооң одаа – Иерусалимде i.
Copyright information for
TyvTUV