Isaiah 34
Бүгү чоннарга, ылаңгыя Эдомга, Бурганның килеңнээни
1Чоннар, чоокшулап келгеш, дыңнаңар, аймактар, кичээнгейден салыңар! aЧер-делегей болгаш ону долган бүгү чүве,
өртемчей болгаш ында төрүттүнген бүгү чүве дыңназын! b
2Дээрги-Чаяакчы бүгү чоннарже килеңнээн-дир,
оларның бүгү аг-шериинче хорадаан-дыр.
Дээрги-Чаяакчы оларны узуткаашкынга таварыштырып,
кыргып-хыдыыр кылдыр хүлээдип берген.
3Оларның мөчү-сөөктерин тарадыр октаптарга, өлүмнүң чыды үнер c,
а оларның ханындан даглар өл апаар.
4Сылдыстарның аг-шерии хүлденип каар, дээр боду дүрүг ышкаш дүрлү бээр,
сылдыстарның бүгү аг-шерии, виноградтың оңуп калган бүрүзү дег,
кадып калган чимис дег, кээп дүжер d.
5Бурганның хылыжы e бодунуң ажыл-херээн дээрге күүсеткеш, Эдомче халдап бадар –
Бурганның узуткаашкынга таварыштырганы чонга үндүрген шииткелди күүседир f.
6Дээрги-Чаяакчының хылыжы өшкү-хой ханынга боражыр,
кошкар бүүректериниң үс-чаанга былчажыр.
Чүге дээрге Дээрги-Чаяакчы Восора хоорайга g өргүл кылзын деп h,
эдом черге – кыргып-хыдыышкын болзун деп чугаалаан.
7Черлик бугалар-биле кады бугажыктар болгаш күштүг-шыырак шарылар кырлып каар i;
оларның чери ханны пөктүр ижип аар, черниң довураанче үс-чаг сиңе бээр.
8Ийе, Дээрги-Чаяакчыда – өжээн негээшкининиң үези бар j,
Сионнуң хомудалы дээш кезедириниң чылы бар.
9Эдомнуң суглары чук бооп, а довураа – күгүр бооп хуула бээр k;
ооң чери хып турар чук апаргаш,
10дүне-даа, хүндүс-даа өшпес l,
ооң ыжы кезээ мөңгеде көдүрлүр m.
Салгалдан салгал дамчып, ол чер ээнзирээр,
ону кезээ шагда кым-даа таварып эртпес.
11Ону үгүлер биле чараа-чеченнер эжелеп аар n,
кускун, каарган аңаа чурттаар.
Ол чер ээнзиреп, хоозурап каар,
ужу-бажы билдинмес апаар o.
12Ооң ызыгууртаннары «Мында ам күрүне чок» деп чарлаар,
бүгү нояннары кым-даа эвес апаар.
13Эдомнуң ордуларынга тенниг чадаң үнүш үнер,
ооң шивээлеринге – шагар-оът биле оотпак өзер p.
Ол шөө-бөрүлер аал-ораны, страус куштар чурттаар чер апаар q.
14Аңаа черлик аң-мең ужуражып чыглыр,
те-чуңма аразында кыйгыржыр;
Лилит ▼
▼ Лилит – вавилон чүдүлге ёзугаар дүнеки бук. Өске тайылбыр ёзугаар мында кандыг-бир дүнеки кушту көргүскен.
аңаа турумчуп, амыр-дыш көөр чер тып аар s.15Ок-чылан аңаа уя тудуп, чуургалааш,
камгалал адаанга чазылгыжеге чедир базып, оларын доруктурар.
Аңаа дээлдигеннер эжежип алгаш ужуп кээп, чыглыр t.
16Дээрги-Чаяакчының дүрүг-номундан бо сөстерни дилеп тыпкаш, номчуңар:
ол амытаннар аңаа мырыңай шуптузу чедип кээр, шуптузу эжеш боор.
Дээрги-Чаяакчы оларга ынчаар дужааган,
Ооң Сүлдези оларны орта чыыптар.
17Ол Эдомну оларга үлеп бээр.
Олар хувааглыг черлерин кезээ мөңгеде ээлээр
база аңаа салгалдан салгал дамчып чурттаар.
Copyright information for
TyvTUV