Isaiah 35
Ээн кургаг ховуда суглар
1Ээн кургаг хову база кадып калган чер өөрүп-хөглээр, кагып-суксаан чер өөрүп-байырлаар, лилия ышкаш чечектелир.2Ол чер чечектелир, өөрүп-байырлап, хөглээр a.
Аңаа Ливан дагларының каас-чаражын,
Кармил биле Шарон девискээрлериниң магалыг чаражын берип каар.
Ынчан улус-чон Дээрги-Чаяакчының өндүр бедиин,
Бурганывыстың өндүр чырыын көрүп каар b.
3Кошкап калган холуңарны күш киирип алыңар c,
сирилээн дискектериңерни быжыктырып алыңар! d
4Кортук улуска: «Быжыг болуңар, кортпаңар!
Бурганыңар чедип кээр деп тур – өжээн негээшкини болур e,
Бурганның кеземчези боттаныр;
Ол чедип келгеш, силерни камгалаар» – деп чугаалаңар.
5Ынчан согурларның караа көрүп,
дүлейлерниң кулаа дыңнап эгелээр f.
6Ынчан аскак кижи иви ышкаш шурап g,
үнү чок кижи өөрүшкүлүг ырлап эгелээр.
Ээн кургаг ховуга суг баштары үндүр аттыгып,
ховуга суглар агып эгелээр h.
7Изиг элезин хөл бооп, кагып-суксаан чер булактар бооп хуулар.
Шөө-бөрүлерниң чурттап турар үңгүрүн кулузун, хыыргыыш дуй үнер.
8Ол черлеп делгем орук шөйлүр i,
ону Ыдыктыг орук деп адаар.
Арыг эвес улус ол оруктап чорбас j.
Бодал чок кижи безин ол оруктап чоруур болза, аспас ▼
▼ Бо домактың утказы эки билдинмес. Болгу дег өске утказы: «Бодал чок улус чорук кылган улусту оруундан астыктырбас».
.9Аңаа арзылаң көзүлбес, араатан аң-мең олап чорбас –
олар аңаа турбас! А хостаткан улус олап чоруур,
10Дээрги-Чаяакчының камгалап каан улузу
Сион дагже өөрүп-байырлаан алгы-кышкы-биле үнүп кээр,
оларның баштарын мөңге өөрүшкү дээрбектей ораап, каастаар.
Олар өөрүшкү-маңнайны чедип аар,
а качыгдал биле хараадал ырап чидер l.
Copyright information for
TyvTUV