Isaiah 4
1Ол хүн чеди херээжен кижи чаңгыс эр кижини сегирип алгаш: «Боттарывыстың аъш-чемивис чиир бис,боттарывыстың идик-хевивис кедер бис,
чүгле сээң кадайларың деп адаттырарын чөпшээреп көр –
ашак чок деп бак атты бистен чайлат!» – деп чугаалаар.
Келир үедеги алдар
2Ол хүн Дээрги-Чаяакчының Өзүмү a кайгамчык чараш, өндүр бедик болур, черниң дүжүдү израиль чоннуң артынчызының чоргааралы болгаш алдары болур. 3Ынчан Сионда артып калган улус, хоорайның дириг арткан чурттакчылары – Иерусалимде дириглер санынче киир бижиттирген бүгү улус b – Бурганның ыдыктыг улузу деп адаттырар. 4Дээрги-Чаяакчы Сионнуң херээженнериниң бужар-багын арыглап чуур c; Ол Иерусалимни борашкан ханындан шииткел хады-биле, оттуг хат-биле арыглаар d. 5Ынчан Дээрги-Чаяакчы Сион дагның кырынга база ында чыылган бүгү улустуң кырынга хүндүс булут чаяар, а дүне – ыш болгаш чалбыышталган чырык от чаяар e. Ында бүгү чүвени Бурганның өндүр-чаагайы шып, чаглактаар f. 6Ооң өндүр-чаагайы изиг хүнде чаглактаныр хөлеге, шуургандан, чаъс-чайыктан чаштынар чер болгаш хоргадал апаар g.
Copyright information for
TyvTUV