Isaiah 46
Вавилоннуң бурганнары ёзулуг Бурган-биле эннешпес
1Вил бурган доңгая берген a, Нево бурган ийлени берген b;оларның дүрзүлерин чүък чүдүрер малдарда чүдүрүп каан.
Силерниң мөгеер дээш дажыглап чораан чүвеңер
ам турупкан малдың чүъгү апарган.
2Ол бурганнар шупту кады ийленип, доңгая берген,
боттарының дүрзүлерин камгалап аар харык чок болгаш,
боттары туттуруушкунче бар чыдар c.
3«Мени дыңнаңар, Иаковтуң салгалы, израиль чоннуң бүгү артынчызы,
тыптып келген үеңерден бээр чүктеп чорааным,
төрүттүнүп келгениңерден бээр холумга көдүрүп чорааным чон! d
4Кырый бергижеңерге чедир, Мен Ол-ла Бодум боор мен,
буурул-даа апаарыңарга, Мен-не силерни көдүрүп чоруур мен.
Силерни Мен чаяап каан мен –
ынчангаш чүктеп чоруур мен, деткип, камгалаар мен e.
5Силер Мени кым-биле деңнээр силер,
кым Мээң-биле дең деп санаар силер?
Дөмей чүүл тып ап, кым-биле дөмейлээр силер? f
6Чамдык улус акша хавындан алдын тө чажып,
деңзиге мөңгүн деңзилээш, ус-шевер кижи хөлезилеп аарга,
ол кижи оларга бурган шуткуп бээр.
Олар ол дүрзүге мөгеер, ооң мурнунга доңгая кээп дүжер g,
7ону көдүргеш, эктинге салып алгаш чоруур,
оон тургузуп каарга, демгизи турган черинге шимчеш дивейн турар h.
Ол дүрзүнү дыңзыдыр кыйгырар-даа болза,
харыылавас, айыыл-халаптан ол камгалавас.
8Үймээнчилер, ол бүгүнү сактып келгеш,
соксап калыңар, боданып көрүңер,
9шаандагы шагда болуп турган чүвени сактып келиңер:
Мен – Бурган мен, өске кым-даа чок,
Мен – Бурган мен, Меңээ дөмей кым-даа чок.
10Төнчүзүнде чүү боорун эгезинде-ле,
ам-даа болбаан чүве дугайында баш бурунгаар медеглеп турар Бурган мен i.
Мээң бодалым боттаныр, күзээн бүгү чүвемни күүседир мен!
11Чөөн чүктен араатан кушту j – Мээң бодалымны күүседир кижини
ырак чурттан кыйгырып алдым.
Мен чугаалап каан мен – күүседир мен,
бодап алган мен – кылыр мен!
12Чөрүү, актыг-шынныг чоруктан ырак улус, Мени дыңнаңар!
13Мен агартыышкыным чорудуп бердим,
ол ырак эвесте, чоруткан камгалалым саадавас k.
Сионга камгалалды, Израильге – Бодумнуң чайынналчак чырыымны хайырлаар мен».
Copyright information for
TyvTUV