Isa 50 | TyvTUV | STEP | Дээрги-Чаяакчы мынча дээн: «Мен силерниң иеңерге чарлыышкын чагаазы бижип бергеш, үндүр сывырыпкан мен бе? Мен силерни, өрем төлээр дээш, садыпкан мен бе? Чок, боттарыңарның-на бачыттарыңар дээш силерни садыпкан, боттарыңарның-на кем-бурууңар дээш иеңерни үндүр сывырыпкан!

‏ Isaiah 50

1 Дээрги-Чаяакчы мынча дээн: «Мен силерниң иеңерге ^{▼▼ Иеңер – израиль күрүнени ойзу чугаалаан уткалыг (Ос. 2:2 көр).} чарлыышкын чагаазы бижип бергеш,
үндүр сывырыпкан мен бе? ^b
Мен силерни, өрем төлээр дээш, садыпкан мен бе?
Чок, боттарыңарның-на бачыттарыңар дээш силерни садыпкан,
боттарыңарның-на кем-бурууңар дээш иеңерни үндүр сывырыпкан!
2 Мен силерге чедип кээримге, чүге кым-даа чогул?
Мен кыйгырарымга, чүге кым-даа харыылавазыл? ^c
Таанда-ла Мээң холум чолдайып, силерни хостап шыдавас апарган мен бе? ^d
Азы Мээң күжүм четпестеп, силерни камгалап шыдавас бе?
Чаңгыс чемелеп алгыргаш-ла, далайны кургадып,
хемнер аккан черни ээн кургаг хову кылып шыдаар Бурган мен ^e;
балыктар суксаанындан өлүп,
суг чогундан ирип турар апаар.
3 Мен дээрни дүмбей караңгы-биле бүргеп турар мен ^f,
ол качыгдал хеви-биле шыптынган дег көстүр» ^g.

Бурганның чалчазының дыңнангыры

4 Дээрги-Бурган-Чаяакчы меңээ чечен-мерген чугааны берген,
ынчангаш шаа төнген кижини сөс-биле деткип билир мен.
Эртенниң-не Ол мээң кулаамны,
өөреникчилер дег дыңназын дээш, дыңнаарынче албадап турар ^h.
5 Дээрги-Бурган-Чаяакчы сөзүн мээң кулаамга чедирерге,
удурланмаан мен, аткаар баспаан мен.
6 Мен ооргамны соп турар улуска,
чаагымны – салымны чула тырткан улуска дөгеп берген мен;
дорамчылалдан, дүкпүден арным чажырбаан мен ⁱ.

7 Дээрги-Бурган-Чаяакчы меңээ дузалап турар,
ынчангаш бак атка кирбес мен.
Ынчангаш арнымны кадыг даш дег кылып алдым ^j,
адым баксыравазын билир мен.
8 Мээң Агартыкчым чоокшулап келди!
Кым меңээ удурланырын диттип тур? ^k
Шииткел черинге кады туруптаалы!
Кым мээң-биле чаргылдажыр деп тур?
Чанымга чедип келзин! ^l
9 Дээрги-Бурган-Чаяакчы меңээ дузалап турар.
Кым мени буруудадып шыдаарыл?
Олар шупту үзүт-ховаганга чирткен хеп дег чиде бээр ^m.

10 Силерниң араңарда кым Дээрги-Чаяакчыдан корткаш,
Ооң чалчазын тооп дыңнап турарыл?
Дүмбей караңгыда чоруп турар, чырыы чок кижи
Дээрги-Чаяакчының адынга идегезин, бодунуң Бурганынга ынанзын.
11 А от кыпсып, чалбыыштыг согуннар белеткеп турар улус –
силер шупту кыпсып алган согуннарыңар тудуп алгаш,
одуңарның чырыынче чоруңар!
Бурганның холунуң силер-биле кылыр чүвези бо-дур:
хилинчек көрүп өлүр силер!