Isaiah 51
Дээрги-Чаяакчы – Израильдиң Аргалакчызы
1«Чөптүг-шынныы-биле чурттап, Дээрги-Чаяакчыже чүткүп турар улус, Мени дыңнаңар!Силерни чонуп кылган хаяже,
силерни казып ужулган хөрзүнче көрүңер –
2силерниң адаңар Авраамче,
силерниң иеңер Сарраже көрүңер.
Кажан Авраамны кыйгырып алганымда, ол ажы-төл чок турган,
а Мен аңаа ачы-буян хайырлап,
хөй-ле үре-салгал берген мен a.
3Дээрги-Чаяакчы Сионну ыяап-ла аргалаар,
Ол ооң бүгү бузундуларын аргалаар b,
ээн кургаг ховуларын Эдем сесерлии ышкаш,
ээн черлерин – Дээрги-Чаяакчының сесерлии ышкаш кылып каар c;
Сионну өөрүшкү биле хөглел долар, алгаг-мактал ырлары дыңналыр.
4Мээң чонум, Мени дыңна,
Мээң аймаам, Менче кулааң ээктир!
Мээң аксымдан хоойлу үнер,
Мээң чөптүг шииткелим бүгү чоннарга чырыткы апаар d.
5Мээң хайырлаан агартыышкыным кончуг дүрген чоокшулап кээр,
Мээң камгалалым чедип кээр e.
Мээң холум чоннар аразынга чөптүг шииткелди боттандырар.
Ырак ортулуктарның чурттакчылары Меңээ ынанып,
Мээң күчү-күжүмге идегээр f.
6Дээрже көрүжүңер көдүрүңер,
ооң адаанда чаттылган черже көрүңер;
дээрлер ыш дег эстип тарай бээр,
а чер хеп дег элей бээр g,
ооң чурттакчылары хүлчүктер дег кырлып каар.
А Мээң чоруткан камгалалым кезээ мөңгеде турар,
Мээң хайырлаан агартыышкыным чиде бербес.
7Чөптүг-шынныг чорук деп чүл ол дээрзин билир улус,
Мээң хоойлумну чүрээнде сиңирген чон h, Мени дыңнаңар!
Улус силерни чемелээрге, кортпаңар,
бак сөглээрге, сүрээдевеңер i.
8Ол улус үзүт-ховаганга чирткен хеп ышкаш апаар;
курт чипкен дүк дег, олар чиде бээр j.
А Мээң хайырлаан агартыышкыным кезээ мөңгеде артар,
Мээң чоруткан камгалалым салгалдан салгалче дамчыыр».
9Оттуп кел, Дээрги-Чаяакчының холу, күчү-күштүг апарып көр!
Биеэги үеде дег, эрте-бурунгу салгалдар үезинде дег, оттуп кел.
Рахавты ▼
▼ Рахав – ханаан мифологияда сугнуң күчүтен моозу. Ол амытан Бурганның удурланыкчызын символдап көргүзүп турар.
Сен одура шапкан эвес сен бе,далайның моозун Сен өттүр шашкан эвес сен бе? l
10Өндүр улуг дүп чок далайны Сен кургаткан эвес сен бе,
хостаткан улус эртсин дээш, далайның ханы дүвүнге
Сен орук ажыткан эвес сен бе? m
11Дээрги-Чаяакчының камгалап каан улузу
Сион дагже өөрүп-байырлаан алгы-кышкы-биле үнүп кээр,
оларның баштарынга мөңге өөрүшкү дээрбектелдир ораажып, каастаар.
Олар өөрүшкү биле хөглелди чедип алыр,
а качыгдал биле хараадал ырап чидер n.
12«Мен, чүгле Мен – сээң Аргалакчың мен o.
Өлүр тынныг кижиден, оът-сиген ышкаш хуу-салымныг кижи амытандан
чүү дээш коргар сен? p
13Бодуңнуң Чаяакчыңны – дээрни хере чаткан,
черни үндезилээн q Дээрги-Чаяакчыны уттупкаш,
сени узуткаар деп турар кызагдакчының килеңинден
үргүлчү коргуп чурттап чоруур-дур сен.
А ол килеңнээн кызагдакчы кайыл?
14Дарлаткан кижи удавайн хостадыр, ол өлбес,
чевег-хөөрже кирбес база аъш-чемниг болур.
15Мен – далайны хөлзедип, чалгыгларны шимээргедип турар r,
Аг-шериглиг Дээрги-Чаяакчы деп аттыг Бурган-дыр мен!
16Бодумнуң сөстеримни сээң аксы-дылың-биле чугаалап турар мен,
Бодумнуң холумнуң хөлегезинге сени хоргададып алган мен;
дээрни хере чадып, черни үндезилээн мен,
Сионга: „Сен – Мээң чонум сен!“– деп чугаалаан мен».
Дээрги-Чаяакчының килеңи соксаан
17Оттуп кел, о Иерусалим, оттуп кел, туруп кел! sДээрги-Чаяакчының килеңин куткан дашканы
Ооң холундан хүлээп алгаш, ижипкен сен,
арагалыг кундаганы доңгайтыр пактапкан сен t.
18Сээң божаан бүгү оолдарыңдан сени үдеп чедирер кижи чок;
сээң азыраан ажы-төлүңден сени холуңдан чедип аар кижи чок.
19Ийи дакпыр айыыл-халап сени тавараан-дыр –
сени кым кээргээрил?
Хоозурал болгаш өлүм, аш-чут болгаш дайын-чаа!
Сени кым аргалаарыл? u
20Сээң ажы-төлүң харыксырап калгаш,
дузакка туттунган чээреннер дег,
бүгү кудумчулар белдирлеринде чыдарлар.
Олар Дээрги-Чаяакчының килеңин бүрүнү-биле көрүп эрткен –
сээң Бурганыңның чемелээшкини түрлүг!
21Дыңнап көр, арага ишпээн-даа болза,
эзирик, хилинчек көрген хоорай!
22Дээрги-Бурган-Чаяакчы Бодунуң чонунга болчуп турар.
Дээргиң: «Мен сээң холуңдан эзиртир ишкениң бо дашканы,
Мээң килеңимни куткан кундаганы, ап алдым v,
сен ам оон ыңай ишпес сен!
23Сээң хилинчектекчилериң сеңээ:
„Доңгайып чыдывыт – сени кырлап эрте берээли!“– дээш,
кудумчуга кылаштап турган дег,
сээң ооргаңны, чер ышкаш, кырлап чоруп турду!
Ам дашканы оларга хүлээдип бээр мен» – дээн.
Copyright information for
TyvTUV