Isa 52 | TyvTUV | STEP | Оттуп кел, о Сион, оттуп кел, күчү-күш кирип ал! Иерусалим, ыдыктыг хоорай , каас-коя хевиң кедип ал! Моон соңгаар чаңгыс-даа кыртыжадып демдектетпээн кижи база арыг эвес кижи сенче кирбес .

‏ Isaiah 52

Амыр-тайбың дугайында буянныг медээлер

1 Оттуп кел, о Сион, оттуп кел, күчү-күш кирип ал! ^a Иерусалим, ыдыктыг хоорай ^b, каас-коя хевиң кедип ал!
Моон соңгаар чаңгыс-даа кыртыжадып демдектетпээн кижи
база арыг эвес кижи сенче кирбес ^c.
2 Довурааң кактап каапкаш, көдүрлүп кел,
туттуруп алган Иерусалим!
Илчирбелерни мойнуңдан уштуп каавыт,
туттуруп алган Сион-кыс!

3 Дээрги-Чаяакчы: «Силерни төлевир албайн берипкен, ынчангаш акша-мөңгүн төлевейн хостаар» – дээн. 4 Оон Дээрги-Бурган-Чаяакчы мынча дээн: «Баштай Мээң чонум хары черге чурттаар дээш Египетче чорупкан. Ооң соонда Ассирия ону көңгүс хей черге кызып-кыйып турган. 5 А Мен ам чүнү канчаайн? – деп, Дээрги-Чаяакчы медеглээн. – Мээң чонумну төлевир бербейн тудуп алгаш барган, ооң чагырыкчылары ыглап-сыктап турар ^{▼▼ Өске бурунгу сөзүглелде «Ооң чагырыкчыларын дорамчылап турар» деп бижээн.} – деп, Дээрги-Чаяакчы медеглээн. – Мээң адым үргүлчү, хүннүң-не бак сөглеттирип турар! ^e 6 Ынчангаш Мээң чонум Мээң адымны билип алыр; оларга „Бо – Мен мен!“деп чугаалап турган Бурган – Мен дээрзин, үези кээрге, билип алырлар».

7 Даглар кезий буянныг медээ чедирип,
амыр-тайбыңны, камгалалды медеглеп,
ачылыг медээлер дамчыдып чоруп турар кижиниң ^f,
Сионга: «Сээң Бурганың хааннап турар!» – деп турар кижиниң
базымнарының даажы кайгамчык-тыр ^g.
8 Сээң доскуулчуларыңның үннери дыңналып тур.
Олар шупту өөрүшкүлүг алгыржы берди:
Дээрги-Чаяакчының Сионче эглип келгенин
караа-биле көрүп кааннар-дыр.
9 Иерусалимниң бузундулары, шупту кады ырлажып,
өөрүп-байырлаңар,
чүге дээрге Дээрги-Чаяакчы Бодунуң чонун аргалап ^h,
Иерусалимни хостаар-дыр!
10 Дээрги-Чаяакчы бүгү чоннар көрүп турда,
Бодунуң ыдыктыг күчү-күжүн көргүзер –
чер-делегейниң бүгү ужу-кыдыы бистиң Бурганывыстың камгалалды
канчаар хайырлаарын көрүп каар ⁱ.

11 Чоруңар, чоруңар, Вавилондан үнүп чоруңар!
Арыг эвес чүүлге дегбеңер! ^j
Оон үне бериңер,
Дээрги-Чаяакчының өргээзиниң саваларын ап чоруур улус ^k,
арыг болуңар!
12 Ынчалза-даа далаш чок үнер, дезип маңнавас силер:
Дээрги-Чаяакчы силерниң мурнуңарга чоруур,
Израильдиң Бурганы силерни сооңардан үдеп, камгалаар ^l.

Бурганның чалчазының хилинчээ болгаш тиилелгези

13 «Мээң чалчам ^m чедиишкинниг болур,
ол өрү көдүрлүп, өндүр бедик болур!
14 Ооң арны үрелип, дүрзү-хевири баксырааш,
кижи-биле дөмейлешпес апарганда,
ооң хевир-шырайы кижи амытанныы дег эвес апарганда,
ону көрген хөй улус кайгап-харап турган.
15 Ол шак-ла ынчаар хөй чоннарны ам кайгадыр ^{▼▼ Азы: «Арыглап чажар».},
хааннар безин ооң мурнунга аксын хаап аар ^o.
Чүге дээрге олар кымның-даа оларга медеглел кылбаан чүвезин көрүп каар,
дыңнап көрбээн чүвезин билип аар ^p».