Isaiah 53
1Бистен дыңнаан медээзинге кым бүзүрээнил, Дээрги-Чаяакчының күчү-күжү кымга ажыттынганыл? a2Дээрги-Чаяакчының чалчазы Ооң мурнунга өзүм ышкаш,
кургаг черден үнген дазыл ышкаш өзүп үнүп келген b.
Ол чараш-каас-даа, өндүр-чаагай-даа эвес болган –
бис олче көрүнмээн-даа бис,
ооң хевир-дүрзүзүнде бисти хандыкшыдар хире чүү-даа чок болган.
3Ону улус хүлээп албаан, бак көрген,
ол болза хилинчекти билген, човалаңга таварышкан кижи болган.
Ындыг кижини улус өскелээр –
бис ону бак көрүп, чүү деп-даа санавайн турган бис c.
4Харын ол бистиң човалаңывысты боду чүктеп,
бистиң хилинчээвисти бодунуу кылдыр ап алды d.
А бис ооң кеземче, ялазын болгаш базындырганын көргеш,
ол бүгү Бургандан келген деп бодаан бис.
5Ол бистиң бачыттарывыс дээш өттүр шаштырган,
бистиң кем-буруувус дээш бастыртып алган;
аңаа онаашкан кеземче биске амыр-тайбыңны эккелген,
ооң балыгларының ачызында экирээн бис e.
6Бис шупту хойлар ышкаш азып f,
кижи бүрүзү бодунуң оруу-биле тоо быдарай берген турган бис,
а Дээрги-Чаяакчы ону бистиң шуптувустуң бачыттарывыс дээш кезеткен.
7Ол эттедип-соктуруп, дорамчылаткан,
ынчалза-даа чүве ыыттаваан,
дөгерери-биле аппар чыдар дөтпе-хураган дег g,
дүгүн кыргыыр дээн хойнуң үн үндүрбези дег,
ол аксын ажытпаан h.
8Ону тудуп хоругдааш, шиидип каан.
Ооң үре-салгалының дугайында кым чугаалап шыдаарыл?
Дириглер оранынга i ону амылыг арттырбаан,
мээң чонумнуң кем-буруузу дээш ол ялалаткан.
9Ол кемниг херек үүлгетпээн-даа болза,
ооң аксы-сөзүнде меге чүве чок-даа болза j,
ону бузуттуглар-биле кады ажаап каан.
Ооң чевег-кую бай кижинии-биле кожаланчак болган k.
10Дээрги-Чаяакчының күзел-соруун ёзугаар ону човалаңче чыгап,
хилинчекке таварыштырган.
Бурган ооң амы-тынын өргүл кылып каан болгаш,
ол бодунуң үре-салгалын көөр,
назы-харын узадып аар
база Дээрги-Чаяакчының күзел-соруун чедиишкинниг күүседир.
11Ол сагыш-сеткили шагзырадыр ажылдаан соонда,
чырыкты көрүп каар, билип алган чүвези дээш сеткили ханар.
«Мээң чөптүг-шынныг чалчам l хөй улусту агартып m,
оларның бачыттарын боду чүктээр ▼
▼ Азы: «Сагыш-сеткили шагзыраткан ажылче көрүп кааш, ооң сеткили ханар. Кижилерниң ону билип алганын дамчыштыр Мээң чөптүг-шынныг чалчам хөй улусту агартып, оларның бачыттарын боду чүктээр».
.12Ынчангаш Мен аңаа өндүр улуглар аразынга үлүг бээр мен,
ол күштүглер-биле олча-тывыш үлежир.
Чүге дээрге ол бодун өлүмге боду хүлээдип,
кем-херек үүлгедикчизи деп санаттырган болгаш,
хөй улустуң бачыдын боду чүктеп,
кем-херек үүлгедикчилери дээш ээрежип дилээн-дир».
Copyright information for
TyvTUV