Isaiah 60
Иерусалимниң келир үедеги алдары
1«Көдүрлүп кел, чыры, чүге дээрге сээң чырыың кыва берген, өндүр-чаагай Дээрги-Чаяакчы сээң кырыңда чайынналып тур! a2Чер-делегейни караңгы шыва ап,
өске чоннарны дүмбей хөме ап турар b,
а сээң кырыңда Дээрги-Чаяакчы көстүп келген,
Ооң өндүр чырыы сээң кырыңда чырып үнүп келген.
3Сээң чырыыңче чоннар чыглыр c,
хааннар сээң чырыткылыг хаяаңче чедип кээр d.
4Долгандыр топтап көрем: олар шупту чыглып, сенче кел чыдыр e.
Сээң оолдарың ырактан сээң кыстарыңны холунда көдүрүп алган ээп кээр f.
5Ынчан сен ол бүгүнү көргеш, өөрүп-байырлаар сен,
чүрээң хөлзеп, тиккиледир согар,
чүге дээрге сеңээ далай ындындан эртине-байлакты эккеп бээр,
чоннарның байлаан сеңээ чедире бээр g.
6Сээң чериңни эңдерик тевелер,
мадиан болгаш эфа аймактарның бодаганнары шыва аптар.
Шеваның бүгү чурттакчылары h сеңээ келгеш,
алдынын, чаагай чыттыг чүүлдерин эккеп бээр i
база Дээрги-Чаяакчыны алгап-мактаар.
7Кедар аймактың j бүгү сүрүг малын сеңээ бөлүп бээр,
навайот черниң кошкарлары сеңээ бараан болур k:
олар Мээң өргүл салыр бедигээжимге Меңээ тааржыр өргүл болур.
Мен Бодумнуң алдарлыг өргээмни алдаржыдар мен!
8Бо кымнарыл? Олар дээрге булуттар ышкаш ужуп чоруур,
көге-бугалар ышкаш, уяларынче ужуп бар чыдар улус-тур l.
9Ырак ортулуктарның чурттакчылары Меңээ идегеп турар m,
бир дугаарында Фарсистен корабльдар эжиндирип кел чыдыр n,
олар ырактан сээң ажы-төлүңнү, оларның алдын-мөңгүнүн
сөөртүп эккел чыдыр.
Олар Дээрги-Чаяакчы Бурганың дээш,
Израильдиң ыдыктыг Бурганы дээш чедип кээр,
чүге дээрге Ол сени алдаржыдар-дыр.
10Даштыкы улус сээң ханаларыңны катап тудар,
оларның хааннары сеңээ бараан болур o.
Килеңнээш, сени чылча шаап-даа кагзымза,
ээ көрүнгеш, сени кээргеп тур мен.
11Сээң эжик-хаалгаң кезээде ажык турар,
чоннарның эртине-байлаан, оларның хааннарын сеңээ эккелзин дээш,
хаалгаңны дүне-даа, хүндүс-даа дүкчүп-хагбас p.
12Сеңээ бараан боорун күзевээн чон азы күрүне узуткаттырар,
ындыг чоннарның чер-чурту бүрүнү-биле ээнзиреп каар q.
13Ливан дагларының каас-чаражы сээңии апаар:
шиви, чойган, пөш болгаш хады!
Мээң ыдыктыг черимни олар каастаар;
Бодумнуң будум салыр черимни ▼
▼ Израиль черни азы Бурганның өргээзин ынча дээн (1 Чыл. 28:2; Иса. 66:1; Иез. 43:7 көр).
алдаржыдар мен.14Сени дарлап турган улустуң үре-салгалы
сээң мурнуңга дис кырынга мөгеер,
сени бак көрүп турган бүгү улус буттарыңче сөгүрүп кээп дүжер s;
сени Дээрги-Чаяакчының хоорайы деп,
Израильдиң ыдыктыг Бурганының Сион хоорайы деп адаар t.
15Улус сени каапкан, көөр хөңнү чок турду,
олар шупту сени оюп эртип турду.
Ам Мен сени кезээ мөңгеде өндүр-чаагай кылып каар мен,
улус сен дээш салгалдан салгал дамчып өөрүүр.
16Сен бүгү чоннарның сүдүн ижер сен,
хааннар сени эмзирип азыраар u.
Мени Дээрги-Чаяакчы, сээң Камгалакчың,
Хостакчың болгаш Иаковтуң күштүг Бурганы v деп билип аар сен.
17Чес орнунга Мен сеңээ алдын эккеп бээр мен,
демир орнунга – мөңгүн, ыяш орнунга – хүлер,
даш орнунга – демир эккеп бээр мен.
Амыр-тайбыңны сээң башкарыкчың,
чөптүг чорукту – чагырыкчың кылып каар мен.
18Ам сээң чериңге күчүлел дугайында,
сээң чуртуң девискээринге – хоозурал болгаш өлүм-чидим дугайында
дыңналбас апаар w.
Бодуңнуң ханаларыңны Камгалал деп,
хаалгаңны Мактал деп адап аар сен.
19Ам сеңээ хүндүс хүн херели херек чок,
дүне – ай чырыы херек чок;
Дээрги-Чаяакчы Боду сеңээ мөңге чырык апаар,
Бурганың сээң чайынналчак чырыың апаар x.
20Сээң хүнүң ам ашпас, сээң айың ам эргижиреп читпес –
Дээрги-Чаяакчы сеңээ мөңге чырык апаар,
сээң качыгдалың хүннери төнер y.
21Сээң чонуң бүрүнү-биле чөптүг-шынныг улус апаар,
чер-чуртту кезээ мөңгеде ээлеп чурттаар z.
Олар – Мээң олуртуп кааным өзүм-дүр aa,
Мээң холумнуң Бодумну алдаржыдар чаяалгазы-дыр.
22Оларның эң бичезинден муң кижи укталыр,
эң чөгенчиинден – эңдерик чон укталыр.
Мен, Дээрги-Чаяакчы, үези кээрге,
ону боттандырарынче далажыр мен».
Copyright information for
TyvTUV