Isaiah 61
Хосталга дугайында буянныг медээ
1Дээрги-Бурган-Чаяакчының Сүлдези мени бүргээн-дир a – Ол мени түрегдээннерге буянныг медээни дыңнатсын дээш b шилип чаап каан!Ол мени сеткил-чүрээ муңгараан улусту экиртсин дээш,
туттурганнарга хосталганы,
хоругдаттырганнарга адырлып хосталырын ▼
▼ Өске бурунгу сөзүглелде «Согурларга каракталырын» деп бижээн.
чарлазын дээш d;2Дээрги-Чаяакчының өршээлиниң чылы e
база Бурганывыстың өжээн негээр хүнү f келгенин медээлеп,
качыгдаан бүгү улусту аргалазын дээш g;
3 Сион дээш качыгдаан улусче сагыш салып,
оларга хүл орнунга каас оваадайны,
качыгдал орнунга – чаагай чыттыг үстү,
муңгагдаан сагыш орнунга – макталдың хевин берзин дээш чоруткан.
Улус Бурганның чонунуң дугайында
«Олар Дээрги-Чаяакчы Боду олурткан быжыг дөстүг ыяштар дег h;
олар чөптүг боорга, Дээрги-Чаяакчы оларны дамчыштыр
алдаржып турар» деп чугаалажыр.
4Олар эрте-бурунгу бузундулар орнунга
хоорайларны катап тудар,
шаг шаанда хоозураан хоорайларны катап тургузар i,
эрткен салгалдар үезинден бээр хоозурап калган чыткан,
үрелип бузулган хоорайларны чаартып тудар.
5Даштыкы улус силерниң мал-маганыңарны кадарар,
өскээртен келген улус силерниң чериңерге
тараачыннар болгаш виноград ажаакчылары бооп ажылдаар.
6А силер Дээрги-Чаяакчының бараалгакчылары деп адаттырар силер j,
Бурганывыска бараан болган улус деп силерни адаар.
Өске чоннарның байлаа силерге ажык-кончаа бээр k,
оларның алдар-ады силерже шилчип кээр.
7Эрткен үеде бак атка киргениңер дээш,
ийи дакпыр шаңнал алыр силер l.
Дорамчылалды көрүп эрткеш,
боттарыңарның чериңер дээш өөрүп-байырлаар силер,
боттарыңарның чуртуңарга ийи дакпыр хувааглыг чер алыр силер m,
мөңге өөрүшкү силерни манап турар.
8«Чүге дээрге Мен, Дээрги-Чаяакчы, чөптүг чорукка ынак мен n,
үптээшкинге база дерзии чорукка хөңнүм чок.
Мен чонумну ак сеткилдии-биле шаңнаар мен,
олар-биле мөңге керээ чарар мен o.
9Оларның үре-салгалы чоннар аразынга ат-сураглыг болур,
оларның салгакчылары аймактар аразынга алдаржыыр.
Ол чонну көрген бүгү улус
Дээрги-Чаяакчы оларга ачы-буян хайырлаан дээрзин билип алыр p».
10Дээрги-Чаяакчы дээш аажок өөрүп тур мен,
Бурганым дээш сеткилим байырлап тур,
чүге дээрге Ол меңээ камгалалды хеп дег
база агартыышкынны тон дег кедирип каан q –
ол хептер душтук оол биле душтук кыстың
каасталгалары дег кайгамчык чараш r.
11Чер – бодунуң өзүмнерин,
сесерлик – тараан үрезиннерни өстүрүп үндүрери дег,
Дээрги-Бурган-Чаяакчы агартыышкын биле макталды
бүгү чоннар мурнунга өстүрүп үндүрер.
Copyright information for
TyvTUV