Isaiah 63
Чоннардан өжээн негээшкининиң хүнү
1Эдом черден кел чыдар, Восора хоорайдан a кел чыдар кызыл хептиг кымыл ол?Каас-коя хеп кеткен, Бодунуң өндүр улуг күчү-күжү-биле
кылаштап олурар кымыл ол?
«Ол – Мен-дир мен – чөптүг-шынныг сөстер медеглеп турар,
камгалап шыдаар күчү-күштүг Мен-дир мен».
2Чүге Сээң кеткен хевиң,
оңгарда виноград сы баскан кижинии дег, кызыл өңнүгүл?
3«Мен оңгарга чааскаан чимис сы базып турдум,
бүгү чоннардан кым-даа Меңээ дузалап, кады турбады.
Мен оларны килеңнээш, сы базып,
хорадааш, таптап турдум b;
оларның ханы Мээң хевимче чаштап турду,
Бодумнуң кеткен хевимни ханга борап алдым.
4Дайзындан өжээн негээр хүнүм c Мээң чүрээмде доктааттынган,
чонумну хостаар үе келген.
5Мен көөрүмге, дузалакчы чок болду!
Кайгап калдым – Меңээ дөмек болур кижи чок болду!
Ынчангаш Мээң Бодумнуң күчү-күжүм тиилелгени шаңнады,
Мээң хорадаан сагыжым Мени деткиди! d
6Килеңнээш, Мен чоннарны таптай базып турдум,
хорадааш, оларны эзиртир ижиртип ▼
▼ Өске бурунгу сөзүглелде «Эзиртир ижиртип» эвес, а «Чылча шаап» деп бижээн.
, ханын черже төп турдум f».Энерелдиг Адазынга чоннуң мөргүлү
7Дээрги-Чаяакчының энерелдиин, Ооң макталга төлептиинсактып кээр мен.
Дээрги-Чаяакчы бис дээш өндүр улуг ачы-буян кылган,
израиль чонувуска Бодунуң ээ-хайыразын,
аажок улуг энерелин көргүскен.
8Ол: «Бо – Мээң чонум-дур, Мени мегелевес ажы-төлүм-дүр!» – дээн.
Ол оларның Камгалакчызы апарган,
9оларның бүгү качыгдалын үлежип келген g,
Ооң төлээзи оларны камгалап турган h.
Бодунуң ынакшылы болгаш ээ-хайыразы-биле Ол оларны хостааш,
бүгү эрте-бурунгу үеде холунга көдүрүп чораан.
10Ынчалза-даа олар тура халааш,
Ооң ыдыктыг Сүлдезин хомудадыптарга i,
Ол оларның дайзыны апаргаш, олар-биле дайылдажып турган.
11Ынчан Ооң чону эрте-бурунгу үени, Моисейниң үезин сактып келген –
Бодунуң сүрүүн кадарчылары-биле кады
далайдан үндүре берген Бурган кайыл j,
чонунга Бодунуң ыдыктыг Сүлдезин хайырлаан Бурган кайыл,
12Бодунуң күчү-күштүг холу-биле Моисейни чедип алгаш чораан,
Бодун кезээ мөңгеде алдаржыдып,
чонунуң мурнунда сугну ийи чара аңгылапкан k,
13ону далайның дүвү-биле кежире берген Бурган кайыл?
Чон, ховуда аът ышкаш, тептикпейн барган,
14Дээрги-Чаяакчының Сүлдези чонну,
шынааже бадып бар чыткан сүрүг малды дег,
амыр-дыш черинге эккелген.
Бодуңнуң адыңны алдаржыдар дээш,
чонуңну ынчаар эдертип бар чыткан сен.
15Дээрден куду алзы көрем,
Бодуңнуң ыдыктыг болгаш алдарлыг чурттаар чериңден көрүп көрем! l
Сээң хүннээчел сагыжың болгаш күчү-күжүң кайыл?
Бодуңнуң улуг ээ-хайыраң биле кээргелиңни биске көргүспес апардың.
16Сен – бистиң Адавыс сен! m
Авраам бисти билир хөңнү чок-даа болгай-ла,
Иаков бисти хүлээп көрүксевейн-даа баргай-ла,
ынчалза-даа Сен, Дээрги-Чаяакчы – бистиң Адавыс сен;
эрте шагдан бээр Сээң адың – «Камгалакчывыс» болгай.
17Чүге, о Дээрги-Чаяакчы, Бодуңнуң оруктарыңдан бисти астыктырып,
Сенден кортпас кылдыр чүректеривисти чөрүүледип тур сен?
Сээң чалчаларың дээш, Сээң үлүүң болур бо аймактар дээш,
эглип кээп көрем!
18Сээң ыдыктыг чонуң бодунуң черин үр ээлеведи –
ам ыдыктыг өргээңни дайзыннарывыс таптай базып тур.
19Бис ам Сээң кажан-даа чагырбайн чорааның чоннар дег,
Сеңээ хамаарышпас улус дег апардывыс n.
Copyright information for
TyvTUV