Isaiah 64
1О, бир эвес Сен дээрни чара тырткаш, дүжүп келген болзуңза! a Ынчан даглар Сээң мурнуңга сирилеп, эстир ийик –2от чээргенни ынчаар кыпсып, сугну хайындырыптар.
Дайзыннарың Сээң адыңны билип алзын дээш, дүжүп кел!
Бүгү чоннар Сээң мурнуңга сирилезин!
3Бистиң идегевээнивис түрлүг херектерни кылып турдуң.
Сен дүжүп кээриңге, даглар Сээң мурнуңга сирилеп, эстип турду!
4Сенден өске кандыг-бир бурган аңаа идегеп турар улуска
ындыг чүве кылганын эрте шагдан бээр
кым-даа дыңнаваан, кым-даа көрбээн b.
5Чөптүг-шынныг чорукту өөрүшкүлүг кылып,
Сээң оруктарың истеп, Сени сактып турар кижини
Сен Бодуң уткуп үнүп кээп турар сен c.
Ынчалза-даа бис шагдан бээр бачыт үүлгедип туруп бээривиске,
Сен килеңней бердиң. Камгалал ап шыдаар бис бе?!
6Бис шупту арыг эвес чүүлдер дег апардывыс,
бистиң бүгү эки херектеривис хирленип, бужартаан хеп дег.
Бис шупту бүрүлер дег оңуп тур бис,
бачыттарывыс бисти хат ышкаш хадып алгаш баар-дыр d.
7Кым-даа Сээң адыңны адап, кыйгырбас-тыр e,
кым-даа Сени эдерерин кызытпас-тыр.
Сен бистен хая көрнүп,
бисти боттарывыстың бачыттарывыстың эргезинге хүлээдип бердиң.
8Ындыг турбуже, Дээрги-Чаяакчы, Сен – бистиң Адавыс сен f,
бис – дой бис, а Сен – дой сава кылыкчызы сен g.
Бис шупту – Сээң холуңнуң кылыглары бис.
9О, Дээрги-Чаяакчы, хөлүн эрттир килеңневейн көрем,
бистиң бачыттарывысты кезээ мөңгеде сагынмам!
Көрүп көр даан: бис шупту Сээң чонуң ышкажыл бис!
10Сээң ыдыктыг хоорайларың ээн кургаг хову апарган,
Сион – ээн кургаг хову, Иерусалим – чурттакчы чок чер апарган.
11Бистиң алдарлыг ыдыктыг өргээвис –
ада-өгбевистиң Сени алгап-мактап турган чери –
өрттенип калган h.
Үнелээривис бүгү чүве бузундулар бооп хуула берген.
12Таанда-ла Сен ооң соонда безин
биске кээргелиң көргүспес сен бе, Дээрги-Чаяакчы?
Таанда-ла ыыттавайн эрттирип, бисти хөлүн эрттир кезедир сен бе?
Copyright information for
TyvTUV