mЫд. ыр. 1:4; 82:14
Jeremiah 13
Лён кур болгаш арага кудар сава
1Дээрги-Чаяакчы меңээ: «Барып, лён курдан a садып алгаш, куржанып ал, чүгле ону сугга өттүрбе» – дээн. 2Мен Ооң дужааганын ёзугаар лён кур садып алгаш, куржанып алдым. 3– 4Дээрги-Чаяакчы меңээ Бодунуң сөзүн база катап ажыдып: «Садып алгаш, куржанып чоруур куруңну ап ал, бо дораан Евфрат хемче ▼▼ Евфрат хем – болгу дег өске утказы мындыг: «Иерусалимден ырак эвесте Фара хемчигеш».
баргаш, курну аңаа хая чарыынга чажырып каг» – деп чугаалады. 5Мен Евфратче баргаш, Дээрги-Чаяакчының меңээ дужааганын ёзугаар курну чажырып кагдым. 6Элээн хөй хүн эрткенде, Дээрги-Чаяакчы меңээ: «Евфратче баргаш, Мээң аңаа чажыртып каан курумну ап ал» – деп чугаалады. 7Мен Евфратче катап база баргаш, курну чажырып каан черимден ушта казып алдым. Көөрүмге, кур ирип калган, канчаар-даа ажыглаттынмас апарган болду. 8Дээрги-Чаяакчы меңээ Бодунуң сөзүн ажыдып, 9мындыг чугаа дамчытты: «Иудеяның чоргаараар чүвезин, Иерусалимниң кончуг чоргааралын шак мынчаар ирииринче албадаар мен! 10Бо бузуттуг чон Мээң сөстеримни тооп дыңнаарындан ойталап, чөрүү чүрээниң аайынга кирип, өске бурганнарга мөгейип, оларга бараан болуп, сөгүрүп турар-дыр! Ол чон канчаар-даа ажыглаттынмас бо кур ышкаш апаар. 11Кижиниң белин дескиндир чыыра тырткан кур дег, Мен Израиль биле Иудеяның бүгү чонун Бодумче чыыра тыртып алдым – деп, Дээрги-Чаяакчы медеглээн. – Олар Мээң чонум, Мээң алдар-адым, мактал-хүндүм, каасталгам апарзын дээш ынчаар кылган мен, ынчалза-даа олар Мени тооп дыңнавады. 12Улус-чонга мону чугаала. Дээрги-Чаяакчы, Израильдиң Бурганы: „Арага кудар сава бүрүзүн арага-биле долдурар“– дээн. Олар сеңээ: „Таанда-ла бис сава бүрүзүн арага-биле долдурар ужурлуун билбезивис ол бе?“– деп харыылаар. 13Ынчан оларга мону чугаала. Дээрги-Чаяакчы мынча дээн: „Бо черниң бүгү чурттакчыларын – Давид хаанның дүжүлгезинде саадаан хааннарны, Бурганның бараалгакчылары биле медээчилерин, Иерусалимде чурттаан бүгү улусту – оларның шуптузун ужур эзиртир арага-биле долдурар мен! c 14Оон оларны савалар дег чуура шавар мен, бирээзин – өскезинге, адаларын – оолдарынга чуура үстүрер мен – деп, Дээрги-Чаяакчы медеглээн. – Өршээвес, кээргевес, ээ-хайыра көргүспес мен, кыргып-хыдыыр мен! d“» Өскерлиичел, туразы улуг чонну үндүр сывырганы
15Тооп дыңнаңар, кичээнгейге алыңар, улуургаваңар,чүге дээрге Дээрги-Чаяакчы чүве чугаалаан-дыр.
16Дээрги-Чаяакчы Бурганыңарны дүмбей караңгы дүшпээнде e, алдаржыдыңар,
караңгыга бүргеткен дагларга илдигип кээп ушпааныңарда, алдаржыдыңар!
Ынчан чырып кээрин манаар силер,
а Ол идегеп манааныңар чырыкты
чүү-даа көзүлбес караңгы кылдыр хуулдуруптар.
17Бир эвес бо сөстерни тооп дыңнавас болзуңарза,
мээң сеткилим дуюкаа ыглап-сыктаар,
силерниң улуургааңар дээш ажыг-шүжүглүг ыглаар.
Караам суу эриин ажа бээр f,
чүге дээрге Дээрги-Чаяакчының сүрүүн g туттуруушкунче сүрүп аппаар-дыр!
18«Хаанга болгаш ооң иезинге h: „Дүжүлгеңерден дүжүңер!
Ат-алдарыңарның оваадайы бажыңардан кээп дүжер-дир i.
19 Негевте хоорайлар бүзээлеттирер-дир,
оларны камгалаар кым-даа чок боор.
Иудеяның чонун бүрүнү-биле тудуп алгаш баар-дыр“– деп чугаала.
20Карааң хере көр, Сион-кыс,
соңгу чүктен дайзын кел чыдыр! j
Сеңээ хүлээдип берген сүрүг мал кайыл,
сээң кайгамчык чараш хойларың кайыл?
21Сени башкарар кылдыр бодуңнуң чаңчыктырып алган улузуңну
Дээрги-Чаяакчы сээң бажыңга салып каарга, чүү дээр сен?
Божаан херээжен дег, аарышкыга алзыр сен! k
22Сеткил-чүрээңге: „Ол бүгү чүге мени таварды?“– деп айтыртынар сен l.
Эңдерик бачыттарың дээш сээң эдээңни өрү аңдарып, чазарлаан-дыр.
23Эфиоп кижи кара-хүрең кежин,
ирбиш – ала-шокар кежин солуп шыдаар бе?
Чүгле бузут үүлгедип өөренген болгаш,
буян кылып шыдаар силер бе?
24Мен сээң чонуңну,
ээн кургаг ховунуң хадынга доюлган тараа саваңы дег,
тарадыр шааптар мен! m
25Ол дээрге сээң хуу-салымың,
Мээң хемчээп бергеним үлүүң-дүр n – деп, Дээрги-Чаяакчы медеглээн, –
чүге дээрге Мени уттупкаш, меге чүүлге ынанган-дыр сен.
26Ол дээш эдээңни арныңче өрү көдүрер мен,
бужарыңны улус көрзүн o.
27Сээң самыыраашкыннарыңны, туралаан киштээшкиниңни p,
шөлдер, тейлерге бужары-биле будулуп турганыңны көрген мен.
Ат болур сен, Иерусалим!
Кажанга чедир арыг эвес болур сен? q»
Copyright information for
TyvTUV