aИер. 18:2
bИис. 15:8; 4 Хаан. 23:10; Иер. 7:31-32
c1 Хаан. 3:11; 4 Хаан. 21:12
d4 Хаан. 21:16; 24:4; Иер. 2:34
eЛев. 18:21; Ы. х. к. 12:31
fЫ. х. к. 28:26; Иер. 7:33
gСоф. 2:15
hЛев. 26:29; Ы. х. к. 28:53; Ыы. 2:20; 4:10; Иез. 5:10
iЫд. ыр. 2:9; Иса. 30:14
jИер. 7:32
lЫ. х. к. 4:19; Иер. 32:29; Соф. 1:5
mИер. 7:2; 26:2

‏ Jeremiah 19

Бузулган дой доңга

1Дээрги-Чаяакчы меңээ мынча дээн: «Барып, дой сава кылыкчызындан a доңгадан садып ал. Чоннуң каш баштыңын база Бурганның каш улуг бараалгакчызын эдертип алгаш, 2Бузулган савалар хаалгазын дамчыштыр Бен-Энном шынаазынче үне бергеш b, Мээң сеңээ чугаалаар сөстеримни аңаа чарла. 3Мынча дээр сен:

„Иудеяның хааннары, Иерусалимниң чурттакчылары, Аг-шериглиг Дээрги-Чаяакчы – Израильдиң Бурганының чугаа-сөзүн дыңнаңар! Мен бо черже айыыл-халап ыдарымга, ооң дугайында дыңнаан кижи бүрүзүнүң кулаа түүгейни бээр c. 4Чүге дээрге Иерусалимниң чурттакчылары Мени каапкаш, бо черни бужартаткан-дыр, маңаа боттарының-даа, ада-өгбезиниң-даа, Иудеяның хааннарының-даа билбес чорааны өске бурганнарга айдызаашкын кылып турар-дыр, олар бо черни буруу чок улустуң ханы-биле суггарган-дыр d. 5Олар тейлерге Ваал бурганга өргүл салыр черлер тудуп, аңаа боттарының ажы-төлүн Ваалга бүрүн өрттедир өргүл кылдыр өрттедип турар-дыр. Мен ындыг айтыышкын бербээн мен, ындыг чүве чугаалаваан мен, сагыжымга-даа турбаан чүүл-дүр ол! e

6Ынчангаш үе кээрге, ол чер оон соңгаар Тофет азы Бен-Энном шынаазы эвес, а Кыргып хыдыышкын шынаазы деп адаттырар – деп, Дээрги-Чаяакчы медеглээн. – 7Шак ол черге Иудея биле Иерусалимниң бодап алган чүүлүн буурадыр мен, оларны дайзынның хылыжынга шаштыртып каар мен – оларның амы-тынын үзүксээн улустуң холундан кырлып каарлар. Оларның мөчү-сөөктерин Мен дээрниң куштарынга, черниң аң-араатанынга чемиш кылдыр бээр мен f. 8Мен бо хоорайны хоозураашкын биле кочулалга чыгаар мен. Ооң чаны-биле эрткен кижи бүрүзү ооң бузундуларын көргеш, элдепсинер база кочулап сыгырар g. 9Мен бо хоорайның чурттакчыларын боттарының оглу-кызының эъдин чиир кылдыр албадаар мен h. Оларның амы-тынын үзүксээн дайзыннар оларны бүзээлеп, кызып-кыярга, олар бот-боттарының эъдин чиир“.

10Иеремия, сээң-биле кады келген кижилер көрүп турда, доңганы буза шапкаш, 11оларга мону чугаала: „Аг-шериглиг Дээрги-Чаяакчының чугаалаан чүвези бо-дур. Мен бо чон биле бо хоорайны чуура шавар мен! i Дой сава кылыкчылары доңганы ынчаар буза шавар, ол ооң соонда катап чыып эптеттинмес. Кижи ажаар чер чедишпес боорга, улусту Тофетке ажаап эгелээр j. 12Бо чер-биле ынчаар кылыр мен – деп, Дээрги-Чаяакчы медеглээн, – ооң чурттакчыларын ынчаар бак аажылаар мен, бо хоорайны Тофетке дөмей кылып каар мен. 13Иерусалимниң бажыңнары, Иудеяның хааннарының бажыңнары – улус оларның кырынга ▼
▼ Бажың кыры – Палестинага бажыңнар крышалары ийленчек эвес, а калбак болур турган, а чурттакчы чон оларны дыштаныр чер база үстүкү каът кылдыр ажыглап турган.
 сылдыстарның аг-шериинге айдызаашкын кылып l, өске бурганнарга арага чажып турган бүгү бажыңнар Тофет ышкаш арыг эвес апаар“».

Иеремия Бурганның өргээзинде

14Иеремия Дээрги-Чаяакчының ону ынаар өттүр билип медеглезин дээш чорудупканы Тофеттен эглип келгеш, Дээрги-Чаяакчының өргээзиниң шөлүнге туруп алгаш m, бүгү чонга: 15«Аг-шериглиг Дээрги-Чаяакчы, Израильдиң Бурганы: „Бо хоорайже, ооң чоок-кавызында хоорайжыгаштарже аңаа чугаалаан бүгү айыыл-халаптарымны ыдар мен, чүге дээрге оларның чурттакчылары чөрүү болгаш, Мээң сөстеримни тооп дыңнавас-тыр“– деп тур» – дээн.
Copyright information for TyvTUV