Jeremiah 2
Иудеяның Бурганны каапканы
1Дээрги-Чаяакчы меңээ Бодунуң сөзүн ажыдыпкан: 2«Баргаш, Иерусалимниң чонунга Дээрги-Чаяакчының бо сөстерин чарлап чугаала:„Сактып тур мен, аныяаңда меңээ бердинген чордуң,душтук кыстың ынакшылы-биле меңээ ынак турдуң a,
ээн кургаг ховуга, үнүш-дүжүт чок черлерге
Мени эдерип чордуң b.
3Израиль – Дээрги-Чаяакчының ыдыктыг чону c,
Ооң дүжүдүнүң баштайгызы-дыр d.
Ону чип турган улус шупту буруудаар,
айыыл-халап оларны хөме таварыыр“».
Дээрги-Чаяакчының медеглээн чүвези ол-дур.
4Иаковтуң салгалы, Израильдиң бүгү аймактары,
Дээрги-Чаяакчының сөзүн дыңнаңар!
5Дээрги-Чаяакчы мынча дээн:
«Таанда-ла ада-өгбеңер Мени кем-буруулуг деп көрген бе? e
Чүге олар Менден ырай берди?
Олар хоозун чүүл сүргеш,
боттары хоозун куруг апардылар f.
6Олар: „Дээрги-Чаяакчы бисти Египеттен үндүре берген,
Ол бисти ээн кургаг ховуга,
кооргалдарлыг, суг чок черге, дүмбей караңгы,
кым-даа чорбайн турар, кижи ээлеп чурттавайн турар черге
эдертип чораан болгай g. Олче чүткүүлү“– диведилер.
7Мен силерни дүжүткүр черже,
ооң ачы-буянныг беримчези-биле чемнензин дээш, эккелдим h.
А силер чедип келгеш, канчалдыңар?
Мээң чуртумну бужартадып,
Мээң ээлээн черимни чүдек-бужар чүүл кылып кагдыңар! i
8 Бурганның бараалгакчылары: „Дээрги-Чаяакчыже чүткүүлү!“– деп кыйгырбады,
ыдыктыг хоойлу башкылары Мени билбес-тир,
силерниң чагырыкчыларыңар Менден ойталаан-дыр,
медээчилер Ваал бурганның өмүнээзинден медеглеп j,
ажык-дуза чок дүрзү-бурганнарга мөгейип турар-дыр!
9Ол дээш Мен силер-биле чаргылдажыр мен – деп, Дээрги-Чаяакчы медеглээн. –
Силерниң салгалыңар-биле база чаргылдажыр мен k.
10Китт чоннуң ▼
▼ Китт чон – израильчилер ол үеде Чер ортузу далайның ортулуктары биле чартык ортулуктарының чурттакчыларын ынчаар адап турган (Э. д. 10:4; Сан. 24:24 көр).
ортулуктарынче баргаш, көрүңер,кедар аймакче m элчиннерден чоруткаш, хайгыылдап көрүңер.
Орта шак мындыг чүве болган бе деп билип алыңар:
11бодунуң ёзулуг Бурган безин эвес бурганнарын n солуп турар чон бар бе?
А Мээң чонум бодунуң алдарлыг Бурганын
ажык-дуза чок дүрзү-бурганнарга орнапкан-дыр o.
12О дээрлер, ону кайгап-хараңар,
коргуп-сүрээдеп, сирилеңер! – деп, Дээрги-Чаяакчы медеглээн. –
13Мээң чонум бузуттуг ийи херек үүлгеткен:
ол Мени, амыдырал хайырлаар суг бажын, каапкаш p,
суг ызырынмас, үрелип бузулган доскаарлардан суг узуксап турар.
14Израиль чон – кул бе?
Кулданыышкынга төрүттүнген чалча бе?
Ол чүге олча апарды,
15чүге арзылаңнар олче сүртенчиг ырланып q,
ооң черин хоозурадып кагды?
Ооң хоорайлары өрттеттирген, чурттакчы чок арткан-дыр r.
16Мемфис биле Тафнис хоорайларның чурттакчылары
сээң бажыңны чара шаап кагды ▼
▼ Мемфис биле Тафнис – Египеттиң ийи улуг хоорайы (Иер. 46:14; Иез. 30:13 көр).
.17Ол бүгү дээш, бодуң шоруң!
Сеңээ орук баштап чораан Дээрги-Чаяакчы Бурганыңдан ойталаан болгай сен!
18А ам Египетче чүге баарың ол,
Нил хемниң суун ижер дээш бе? t
Ассирияже чүге баарың ол, Евфраттың суун ижер дээш бе? u
19Кем-бурууң дээш кеземче алыр сен,
өскерлиишкиниң дээш сени кезедир;
ынчангаш Дээрги-Чаяакчы Бурганыңдан ойталааның,
Менден кортпас апарганың кайы хире айыыл-халап,
ажыг-шүжүгге чедиргенин билип, көрүп ал».
Аг-шериглиг Дээрги-Бурган-Чаяакчының медеглээн чүвези ол-дур.
20«Бурунгу шагда-ла Мен хомудуңну буза шаап,
моожаңны үзе тыртып берген мен v,
а сен: „Бараан болбас мен!“– дидиң,
бүгү бедик тейлер бажынга,
таварышкан-на хөлегелиг саглагар ыяш адаанга
самыырап турдуң! w
21Мен сени тарып каарымга,
эң эки виноград үнген шөл, шилиттинген чаш будуктар турдуң x.
Оон Меңээ хамаарыштыр канчап хары, черлик сып болу бердиң?!
22Ынчангаш кандыг-даа саваң-биле арыдыр чунуп шыдавас сен y –
кем-бурууң Мээң мурнумда көскү! – деп, Дээрги-Бурган-Чаяакчы медеглээн. –
23Сен канчап: „Бужартаваан мен,
Ваалдың дүрзүлеринге мөгейбээн мен“– дээр сен?
Шынаага кылып турган херектериңче көрүп көр,
чүнү үүлгеткениңни медереп билип ал!
Эңгин теве дег, оруктарга дөскелчок караңнадыр маңнап турдуң.
24Ээн кургаг ховуга чаңчыккан черлик кыс элчиген дег,
киргиннээш, агаарга харлыгып турдуң!
Ол элчигенни кым доктаадып шыдаарыл?
Эдержилге үезинде кым-даа, күзезе, ону чайлыг тып аар z.
25Ынчаар маңнап тургаш,
идииң эледир кедип аарындан кичээн,
суксааш, боостааң кургап калбазын халак!
Ынчалза-даа: „Хей чүве! Өске бурганнарга ынак мен,
оларның изин истээр мен“– дээш турар болдуң aa.
26Туттуруп алгаш, ады баксыраан оор кижи дег,
Израильдиң – чонунуң, хааннар, нояннар,
бараалгакчылар болгаш медээчилериниң ab – ады баксырады.
27Олар ыяшты „Ачам сен“деп,
дашты „Мени төрүп кагдың“деп турар.
Менче арнын эвес, ооргазын эргилдирип кээр-дир.
Ол хирезинде-ле айыыл-халапка таварышканда,
„Бисти камгалап көрем!“дижир-дир ac.
28Иудея, сээң кандыг-даа хоорайың боду бурганныг болгай.
Кылып алган бурганнарыңар кайыл? ad
Айыыл-халап хөме таварып кээрге, шыдаар болза,
олар силерни камгалап чедип келзин ae.
29Мээң-биле канчап чаргылдажыр силер?
Мээң мурнумга шупту кем-буруулуг силер – деп, Дээрги-Чаяакчы медеглээн. –
30Чонуңарны кезедиримге-даа, хей болду,
чагыг-суртаалымны хүлээп албадыңар af.
Медээчилериңерни силерниң хылыжыңар,
хайыра чок арзылаң ышкаш, чип төттү ag.
31О, амгы салгал, Дээрги-Чаяакчының сөзүн тооп билип ап көрүңер!
Мен израиль чонга хамаарыштыр ээн кургаг хову,
дүмбей караңгы бооп турдум бе?
Ынчаарга чүге-ле Мээң чонум:
„Бодувустуң барыксаан оруувус-биле чоруй баар бис,
Сенче дедир ээп келбес бис!“– дээрил?
32Кыс кижи каас хептерин,
душтук кыс – думаалайын уттуп шыдаар бе? ah
А Мээң чонум Мени сагынмас-тыр,
шагда-ла уттупкан-дыр ai.
33Хандыкшааннарыңче aj чүткүүр дээнде, мергежээниң аажок-тур,
орууңну бузутче шиглеп чаңчыккан-дыр сен ▼
▼ Азы: «Ол херекке үен-даян херээженни-даа өөредип каап шыдаар-дыр сен».
.34Сээң хевиң эдээ актыг ядыыларның ханынга борашкан-дыр.
Олар кемниг херек үүлгетпээн, буруу чок улус-тур al.
Ол хиреңде-ле:
35„Мен актыг мен,
Бурганның килеңи менден чайлаар боор“– дээр-дир сен.
Мен сени „Бачыт үүлгетпедим“дээн сөстериң дээш
харыы тударынче кыйгырар мен!
36Чүге алызын бодавайн, оруктарың солудуң?
Ассириядан чөгелиң төнгени дег,
Египеттен база чөгелиң төнер am.
37Египеттен база бажың халайтып алгаш үнер сен,
чүге дээрге Дээрги-Чаяакчы сээң идегеп турган чоннарыңны хүлээп көрбээн-дир:
олар-биле кады чорааш, чедимчелиг болбас сен!»
Copyright information for
TyvTUV