Jeremiah 26
Улус-чоннуң Иеремияны шииткени
1Иосияның оглу, Иудеяның хааны Иоакимниң чагыргазының эгезинде a Дээрги-Чаяакчы Бодунуң сөзүн ажыдып, 2Иеремияга мынча дээн: «Дээрги-Чаяакчының өргээзиниң шөлүнге туруп алгаш b, Иудеяның шупту хоорайларындан Дээрги-Чаяакчының өргээзинге мөгейип кээп турар бүгү чурттакчыларга сеңээ чугаалаарын дужааган бүгү сөстеримни дамчыт, чаңгыс-даа сөс уттуп кагба! c 3Олар тооп дыңнааш, кижи бүрүзү бодунуң бузуттуг оруундан ойталаар чадавас. Мен ынчан бодалым өскертип, оларга үүлгедиглери дээш таварыштырар дээним айыыл-халап олар-биле болбас кылып каар мен d. 4Оларга мону чугаала. Дээрги-Чаяакчы мынча дээн: „Бир эвес Мени тооп дыңнавас, Мээң силерге берген хоойлум ёзугаар чурттавас болзуңарза e, 5Мээң чалча-медээчилеримниң чугаазын тооп дыңнавас болзуңарза – а Мен силер Мээң медээчилеримни тооп дыңнавайн туруңарда-ла, оларны силерже катап-катап айбылап чорудуп-ла турар-дыр мен f – 6Силом-биле кылган чүвемни бо өргээ-биле кылыр мен ▼▼ Силом – Баштыңчылар үезинде Бурганның ыдыктыг майгыны турган, Эфремниң черинде хоорай. Ооң соондагы үеде Силом буурап дүшкен (Иис. 18:1; Башт. 18:30; Иер. 7:12 көр).
, а бо хоорайны чер-делегейниң бүгү чоннарынга каргаттырарынче чыгаар мен“». 7Иеремия ол бүгү сөстерни Дээрги-Чаяакчының өргээзинге чугаалаан, Бурганның бараалгакчылары, медээчилери база бүгү чон ону дыңнап турган. 8Дээрги-Чаяакчының бүгү чонга дамчыдарын айыткан шупту чүвезин Иеремия чугаалап доозарга, Бурганның бараалгакчылары, медээчилери база бүгү чон ону тудуп алгаш: «Сеңээ өлүм, өлүм! 9Дээрги-Чаяакчының адын тудуп өттүр билип медеглеп тура, Силом-биле болган чүве бо өргээ-биле база болурун, бо хоорайның ээнзирээрин, аңаа чурттаар кижи артпазын чүге чугааладың?» – деп алгыржы бергеннер. Бүгү чон Иеремияны шиидер дээш Дээрги-Чаяакчының өргээзинге чыглып келген. 10Иудеяның нояннары ол дугайында дыңнап кааш, хаанның ордузундан Дээрги-Чаяакчының өргээзинге чедип келгеш, Чаа хаалга чанынга h олуруп алганнар. 11Бурганның бараалгакчылары биле медээчилери нояннарга база бүгү чонга: «Бо кижини өлүрүп шиидер ужурлуг! Хоорайывыс дугайында ооң чүү деп өттүр билип медеглээнин боттарыңар дыңнадыңар» – дээн. 12Иеремия нояннарга база бүгү чонга мынча дээн: «Дээрги-Чаяакчы мени бо өргээ болгаш бо хоорай дугайында силерниң дыңнааныңар өттүр билген медеглелди чугаалазын дээш айбылап чорутту. 13Оруктарыңар биле ажыл-херээңерни экижидип ап көрүңер i, Дээрги-Чаяакчы Бурганыңарның сөзүн дыңнаңар. Дээрги-Чаяакчы ынчан бодалын өскертип, силерге аазааны айыыл-халапты болдурбас j. 14А мен – силерниң холуңарже кирдим, мээң-биле силерге шын болгаш чөптүг деп сагындырар чүведен кылыңар k. 15Чүгле ыяк билип алыңар – мени өлүрер болзуңарза, кем-буруу чок кижиниң ханы дээш бодуңарга, бо хоорайга, ооң бүгү чурттакчыларынга буруу чүктедир силер. Чүге дээрге Дээрги-Чаяакчы мени шынап-ла ол бүгү сөстерни силерге дыңналдыр чарлазын дээш айбылап чоруткан болгай». 16Нояннар база бүгү чон Бурганның бараалгакчылары биле медээчилеринге: «Бо кижини өлүрүп шиитпес ужурлуг-дур! Ол биске Дээрги-Чаяакчы Бурганывыстың өмүнээзинден чугаалап турган-дыр» – дээннер. 17Чурттуң элээн каш баштыңнары туруп келгеш l, чыылган бүгү чонга мынча дээннер: 18«Иудеяның хааны Эзекияның үезинде Морешет чурттуг Михей өттүр билип медеглеп турду. Ол Иудеяның бүгү чонунга: „Аг-шериглиг Дээрги-Чаяакчы: ‘Сионну шөл ышкаш аңдарып каар,Иерусалим бузундулар оваазы апаар,
а бо өргээни туткан даг арга-ыяш үнген чер апаар’ – дээн“ – деп чугаалаан болгай m.
19Ындыг-даа болза, Иудеяның хааны Эзекия биле Иудеяның бүгү чону ол медээчини өлүрерин дидинген бе? Хаан Дээрги-Чаяакчыдан корга бергеш, Оон хайыра дилээрин оралдашпаан бе? n Дээрги-Чаяакчы ынчан бодалын өскертип, Бодунуң оларга аазааны айыыл-халап болбас кылып каан болгай o. А бис боттарывыстың бажывысче хан кудуп тур бис!» 20(Өске бир кижи – Шемайяның оглу, Кириат-Иарим хоорай p чурттуг Урия дээрзи база Дээрги-Чаяакчының өмүнээзинден өттүр билип медеглеп турган чүве-дир. Ол кижи бо хоорай биле бо черге удур, Иеремия ышкаш, өттүр билип медеглеп турган. 21Иоаким хаан q, ооң шериглери болгаш нояннары медээчиниң сөстерин дыңнаан соонда, хаан ону өлүрер деп барган. Урия ол дугайында билип кааш, кортканындан Египетче дезе берген. 22Иоаким хаан Египетче бодунуң улузун – Ахборнуң оглу Элнафанны r өске кижилер-биле кады чорудупкан. 23Олар Урияны Египеттен үндүргеш, Иоаким хаанга эккелгеннер. Хаан Урияны хылыш-биле өлүрткеш, мөчү-сөөгүн карачал улус ажаар чевегже октаптарын дужааган чүве-дир.) 24Ынчангаш Шафанның оглу Ахикам s Иеремияга болчуп, Иеремияны өлүрүп каар кылдыр чонга бербейн барган.
Copyright information for
TyvTUV