Jeremiah 47
Филистим чон дугайында медеглел
1Фараоннуң Газа хоорайны чылча шаварының бетинде, Дээрги-Чаяакчының Иеремияга филистим чон дугайында ажыдып чугаалаан сөзү бо-дур a. 2– 3Дээрги-Чаяакчы мынча дээн:«Соңгу чүктен суглар диргелип кел чыдыр,олар үерлээн хем дег агып келгеш,
черни база ында бар бүгү чүвени,
хоорайларны база чурттакчы чонну хөме алыр b.
Ынчан аът даваннарының токкулаарындан,
дайынчы тергелерниң кедергей шимээнинден,
оларның дугуйларының даажындан
улус ишкирнигип ыглаар, чурттуң чону ыглажыр.
Адалар ажы-төлүнче көрүнмес,
чүге дээрге оларның холунуң күжү чидер –
4бүгү филистимнерниң узуткаттырар хүнүнде,
Сидон биле Тирниң сөөлгү эвилелчилериниң өлүп каар хүнүнде
ындыг болур c.
Дээрги-Чаяакчы Кафтор ортулуктан келген филистим чоннуң d
артынчызын узуткап каар!
5Муңгаралдан Газа хоорайның чону бажын дөңгүрертир чүлүүр,
Аскалон хоорайның чону үн чок апаар.
Шынааның дириг арткан чурттакчылары,
кажанга чедир боттарыңарны, качыгдалыңар демдээ кылдыр,
балыглаар силер?»
6Аа халак! Дээрги-Чаяакчының хылыжы,
кыргып-хыдыырын кажан соксаар сен?
Хынныңче эглип көр, оожургап, доктаа! e
7Ынчалза-даа хылыш канчап оожургаарыл?
Ол Дээрги-Чаяакчыдан дужаал алган болгай.
Дээрги-Чаяакчы Аскалон хоорайга удур,
далай эриинде чурттаан чонга удур
Бодунуң хылыжын ыткан-дыр f.
Copyright information for
TyvTUV