Jer 5 | TyvTUV | STEP | «Иерусалимниң кудумчуларын эргий кылаштаңар. Көрүп чоруңар, сураглап билип алыңар, төп шөлдерден дилеңер: алыс шынче чүткээн, оода чаңгыс чөптүг кижи бар-дыр бе, ындыг кижи тып шыдаар силер бе? Тып алзыңарза, Мен найысылалды өршээр мен!

‏ Jeremiah 5

Бүгү чон бачытка борашкан

1 «Иерусалимниң кудумчуларын эргий кылаштаңар. Көрүп чоруңар, сураглап билип алыңар, төп шөлдерден дилеңер:
алыс шынче чүткээн, оода чаңгыс чөптүг кижи бар-дыр бе,
ындыг кижи тып шыдаар силер бе? ^a
Тып алзыңарза, Мен найысылалды өршээр мен! ^b
2 Иерусалимниң чурттакчылары дириг Дээрги-Чаяакчының ады-биле даңгыраглап турар,
ынчалза-даа ол даңгырактары меге боор-дур ^c».

3 Дээрги-Чаяакчы, Сээң карааң алыс шынны көрүп кагбас деп бе?
Чонуңну буурадып турдуң – а ол аарышкыны медереп билбес-тир,
ону узуткап турдуң – а ол угаан киреринден ойталаар-дыр ^d.
Оларның сеткил-чүрээ даштан кадыг апарып,
Бурганче эглиринден ойталады ^e.
4 Мен ынчан: «Бо-даа карачал улус-тур,
олар бүдүүлүк болгаш, Дээрги-Чаяакчының оруун,
боттарының Бурганының дүрүмнерин билбес болгай ^f.
5 Ынчаарга ызыгууртан кижилерге барып, чугаалажып көрейн.
Олар Дээрги-Чаяакчының оруун,
Бурганының дүрүмүн билир болгай» – дээн мен.
Ынчалза-даа олар база шупту
Бурганның кедирген хомудун чуура шаап,
моожазын үзе тыртып каапкан болду ^g.

6 «Ынчангаш оларже шыргай арыгдан арзылаң халдаар,
оларны ховунуң бөрүзү үзерлеп кааптар,
ирбиш хоорайлар чанынга кеденир:
хоорайдан үнген кижи бүрүзүн ол үсперлеп кааптар! ^h
Чүге дээрге оларның бачыттары көвүдээн-дир,
Меңээ өскерлири дам барган-дыр.

7 Мен сени канчап өршээр мен?
Сээң улузуң Менден ойталаан-дыр,
Бурган болбас дүрзүлер ⁱ ады-биле даңгыраглаар-дыр ^j.
Мен тоттуруп турумда-ла, олар самыыралга алзып,
самыын херээженнер бажыңнарында тырлып турар-дыр.
8 Семис киргин аскыр дег, кижи бүрүзү өске кижиниң кадайынче туралап,
киштеп кыйгырар-дыр ^k.
9 Таанда-ла ол бүгү дээш оларны кезетпес мен бе? – деп, Дээрги-Чаяакчы медеглээн. –
Таанда-ла ындыг чондан өжээн негевес мен бе? ^l

10 Дайзын чоннуң виноград шөлдеринче ^{▼▼ Азы: «Хоорай ханаларынга чедир».} барып, үрегдезин,
ынчалза-даа бүрүнү-биле узуткавазын ⁿ.
Виноград сыптарын үрегдезин,
чүге дээрге олар Дээрги-Чаяакчыга хамаарышпас-тыр.
11 Чүге дээрге Израильдиң-даа, Иудеяның-даа чону
Меңээ шынчы эвес болган-дыр – деп, Дээрги-Чаяакчы медеглээн. –

12 Олар Дээрги-Чаяакчы дугайында мегелеп чугаалажып:
„Бурган бисти канчаптар деп. Бисти айыыл-халап-даа таварбас,
дайын-чаа-даа, аш-чут-даа көрбес бис! ^o
13 Ооң медээчилери хат ышкаш хоозун кижилер-дир;
Дээрги-Чаяакчының сөзү оларга ажыттынмаан.
Оларның оштаан бүгү бак чүвези боттары-биле боттанзын!“– деп турганнар ^p».

14 Аг-шериглиг Дээрги-Бурган-Чаяакчы мынча дээн:
«Иеремия, улустуң ындыг чугаа-сөзү дээш,
сээң аксыңдан үнер Мээң сөзүмнү от дег кылып каар мен ^q,
бо чон ыяш апаар – ону ол от чиптер ^r.
15 Көөр силер, израильчилер,
Мен силерже ыракта чонну ыдыптар мен ^s – деп, Дээрги-Чаяакчы медеглээн, –
күчүлүг, эрте-бурунгу чонну!
Силер ооң дылын билбес боор силер,
чугаа-сөзүн билип шыдавас силер ^t.
16 Ооң согун саадаа – ажык чевег дег ^u,
ооң дайынчылары шупту күш-шыдалдыг.
17 Ол чон силерниң дүжүдүңерни, аъш-чемиңерни сыырыптар,
оглу-кызыңарны база сыырыптар, мал-маганыңарны чиптер,
виноградыңарны, фига чимизиңерни база чиптер ^v.
Ол силерниң идегеп турар быжыглалдыг хоорайларыңарны хылыш-биле чылча шаап каар.

18 Ынчалза-даа ынчан безин силерни төнчүзүнге чедир узуткавас мен – деп, Дээрги-Чаяакчы медеглээн. – 19 Улус: „Дээрги-Чаяакчы Бурганывыс бо бүгүнү бис-биле чүү дээш кылганы ол?“– деп айтырарга ^w, „Силер Оон ойталааш, бодуңарның чериңерге өске бурганнарга бараан болуп турдуңар, ынчангаш өске черге хары улуска бараан болур силер“– деп харыылаар сен, Иеремия.

20 Иаковтуң салгалынга медээлеп, Иудеяга дыңнадып:
21 „Мону дыңнап ал, мелегей, угаан чок чон! ^x
Карактыг хиреңерде, көрбес-тир силер,
кулактыг хиреңерде, дыңнавас-тыр силер! ^y“– деп чугаалаңар.
22 Менден коргар база сүрээдээр ужурлуг эвес ийик силер бе? ^z – деп, Дээрги-Чаяакчы медеглээн. –
Мен дээрге далайны кызыгаарлай элезин салып каан Бурган-дыр мен.
Суг ажып шыдавас мөңге кызыгаарны кылып каан Бурган мен.
Далайның чалгыглары хөлзеп, часказа-даа, ону үреп күш четпес,
шимээргеп, диргелзе-даа, ону ажа шурап шыдавас ^aa.
23 А бо чон чөрүү, чагырга билбес-тир:
Менден хая көрүнгеш, чоруй барган-дыр ^ab.
24 Олар сеткил-чүрээнде: „Дээрги-Чаяакчы Бурганывыстан коргуп чоруулу,
Ол биске чогуур хуусаада, күзүн-даа, чазын-даа чаъзын чагдырып ^ac,
дүжүт ажаар үелерни тодарадып бээр болгай“– дивээн-дир.
25 Оларның кем-буруузу ол бүгүнү оларга бербейн барды,
бачыттары ачы-буянны олардан хунаап аппарды.

26 Мээң чонумнуң аразында бузуттуг улус бар-дыр:
олар кедегде олурар куш тудукчузу ышкаш,
какпа-дузаан салып алгаш, кижилер тудар-дыр! ^ad
27 Куштар долган хааржак ышкаш,
кара сагыш-биле тыпкан олча оларның бажыңнарын долган.
Ынчангаш олар байып, депшээн-дир,
28 чооннап, чагландыр семирип калган-дыр.
Кылбас-ла бузуттуг үүлгедии чок, өскүстер эки-чаагай чурттаар кылдыр,
оларның херээн чөптүү-биле шиитпес,
ядыыларның чаргызын шынныы-биле шиитпес улус-тур ^ae.
29 Таанда-ла ол бүгү дээш оларны кезетпес мен бе? – деп, Дээрги-Чаяакчы медеглээн. –
Таанда-ла ындыг чондан өжээн негевес мен бе? ^af

30 Бо черде коргунчуг чүдек-бужар чүүлдер бооп турар-дыр:
31 бүдүү билирлер мегелеп медеглээр-дир ^ag,
Бурганның бараалгакчылары боттарының туразы-биле
улусту чагырар-дыр,
Мээң чонумга ол чорук таарымчалыг-дыр.
Ол бүгүнүң хараазында силер-биле чүү боор деп?