Jer 50 | TyvTUV | STEP | Дээрги-Чаяакчының Иеремия медээчини дамчыштыр Вавилон болгаш халдей чер дугайында медеглээн сөзү бо-дур .

‏ Jeremiah 50

Вавилон дугайында медеглел

1 Дээрги-Чаяакчының Иеремия медээчини дамчыштыр Вавилон болгаш халдей чер дугайында медеглээн сөзү бо-дур ^a.

2 «Өске чоннар аразынга медеглеңер, чарлаңар,
медээ тугун көдүрүңер, чүнү-даа чажырбайн:
„Вавилон эжелеттирер-дир, Вил бурган бак атка кирер-дир ^b,
Меродах бурган бастырар-дыр –
Вавилоннуң көжээ-бурганнары бужартаар-дыр,
дүрзү-бурганнары чуура шаптырар-дыр ^c“– деп чугаалаңар.
3 Соңгу чүктен бир чон келгеш ^d,
Вавилонга удур халдааш, ооң черин хоозурадыр.
Аңаа кым-даа чурттап артпас ^e:
кижи-даа, дириг амытан-даа оон көжүп үнгеш, улчуп чоруй баар.

4 Ол хүннерде, ол үе кээрге,
Израильдиң чону база Иудеяның чону кады чедип кээр ^f – деп, Дээрги-Чаяакчы медеглээн. –
Олар ыы-сыылыг чорупкаш,
боттарының Бурганы Дээрги-Чаяакчыже чүткүп эгелээр ^g.
5 Олар Сион чедер орук дилээр, арыннарын олче шиглей көрүп:
„Барып, Дээрги-Чаяакчыга каттыжып,
уттуп-кагбас мөңге керээни ^h Ооң-биле чарып аалы“– дээрлер.

6 Мээң чонум – азып читкен хойлар ⁱ;
оларны кадарчылары оруундан астыра берген ^j,
даглар аразында улчуп чоруурлар.
Даглар, тейлер кезип, тарай бергеш,
дыштанып турган өдээн уттупканнар.
7 Уткужуп келген бүгү улус оларны чип турар,
кызып-кыйган дайзыннары: „Бисте буруу чок!
Чүге дээрге олар Дээрги-Чаяакчының мурнунга,
чөптүг-шынныг оран-саваның мурнунга,
ада-өгбезиниң идегели болур Дээрги-Чаяакчының мурнунга
бачыт үүлгеткен болгай“– деп чугаалап турар.

8 Вавилондан дезиңер, халдей черден чоруй барыңар ^k,
сүрүг хой баштаан хуналар дег болуңар.
9 Чүге дээрге Мен соңгу чүкте черге өндүр улуг чоннардан шериг чыггаш,
оларны Вавилонга удур ыдар мен –
олар олче халдаарга, ол эжелеттирер ^l.
Дайзын шеригниң согуннары – олча-тывыш тыппайн,
дедир чанмас шыырак дайынчының согуннары-дыр.
10 Халдей чон оларга үптеттирер,
үптекчилер тодуп ханар! – деп, Дээрги-Чаяакчы медеглээн. –

11 Өөрүп-хөглеп, байырлап, Мээң ээлээн черимни үптеп турдуңар!
Шыкта бугажык дег дешкилеп, аскырлар дег киштеп турдуңар!
12 Ол дээш силерниң ие-чуртуңарның ады баксыраар,
төрээн ие-чериңерниң арны кызар,
ол ам чоннарның адак-багы апаар,
ээн кургаг хову, суг чок ээн чер болур.
13 Дээрги-Чаяакчының килеңинден Вавилон чурттакчы чок чер апаар,
бүрүнү-биле ээнзирээр.
Вавилоннуң чаны-биле эрткен кижи бүрүзү
ооң бузундуларын көргеш, элдепсинер, кочулап сыгырар ^m.
14 Ча адыгжылары, Вавилон хоорайны бүзээлеп ⁿ,
чыскаалыңар, ону адыңар, согуннарыңар камнаваңар,
чүге дээрге ол Дээрги-Чаяакчыга удур бачыт үүлгеткен-дир!
15 Хоорайның бүгү талаларындан алгыржыңар!
Ол өршээл дилээр, ооң камгалал суургалары буступ кээп дүжер,
ханалары үрелип каар ^o – Дээрги-Чаяакчының кеземчези ол-дур!
Оон өжээнден негеңер. Ол канчаар аажылап туржук,
ону база ынчаар аажылаңар! ^p
16 Вавилонда чер болбаазырадып, дүжүт ажаар улусту чок кылыңар!
Кызагдакчының хылыжындан корткаш,
кижи бүрүзү бодунуң чонунче дедир чана берзин,
бодунуң черинче маңнап ыңай болзун ^q.

17 Израиль – тоо быдараан сүрүг хой-дур ^r,
арзылаңнар ону тарай сывырыпкан.
Баштай ону Ассирияның хааны чип турган,
ооң соонда Вавилоннуң хааны Навуходоносор ооң сөөктерин хемдээн ^s».

18 Ынчангаш Аг-шериглиг Дээрги-Чаяакчы, Израильдиң Бурганы мынча дээн:
«Мен Вавилоннуң хаанын, ооң чуртун,
мооң мурнунда Ассирияның хаанын кезеткеним дег ^t, кезедир мен.
19 Мен Израильди биеэги одар-белчииринче дедир чандырар мен,
сүрүг хоюм Кармил биле Васанга оъттаар,
Эфрем биле Галаад дагларынга тодуп аар ^u.
20 Ол хүннерде, ол үе кээрге,
улус Израильдиң кем-буруузун дилээр-даа болза, үре-түңнелдиг болбас,
Иудеяның бачыдын дилээр-даа болза, тыппас – деп, Дээрги-Чаяакчы медеглээн, –
чүге дээрге Мен чонумнуң артынчызын өршээр мен ^v.

21 Мератаим деп чуртка удур,
Пекодтуң ^w чурттакчыларынга удур дайылдажып үнүвүт ^{▼▼ Мератаим, Пекод – Мурнуу Вавилонияда черлер аттары бооп чадавас. Азы «Мератаим чурт – Үймээн-самыын чери», «Пекодтуң чурттакчылары – Кеземче алыр чурттакчылар» деп сөстер оюну бооп чадавас.},
оларны өлүрүп, кижи арттырбайн кыргып-хыды – деп, Дээрги-Чаяакчы медеглээн. –
Мээң дужааган бүгү чүвемни күүсет!

22 Ол черде – чаа-дайын дааш-шимээни, коргунчуг үрегдээшкин! ^y
23 Бүгү чер-делегейни чуура шаап турган маска ^z боду буступ, чуурлуп каар!
Өске чоннар аразынга Вавилон коргунчуг үлегер-чижек апаар.
24 Мен сени тудар четки салып каан мен, Вавилон.
Сен ону билбес болгаш, олче кире халый бээр сен.
Дайзын сээң кырыңга кээрге, туттуруп аар сен,
чүге дээрге Дээрги-Чаяакчы-биле тулчуп турган-дыр сен.

25 Дээрги-Чаяакчы Бодунуң шыгжамырын ажыткаш,
килеңиниң чепсээн уштуп алган ^aa:
Аг-шериглиг Дээрги-Бурган-Чаяакчы халдей черге ажыл-херек чок артпас!
26 Бүгү чүктен Вавилонче халдаңар.
Ооң тараа шыгжаан черлерин ажыдыңар,
кошкул-хөреңгизин тараа дег оваалай чыңар,
аңаа чүү-даа артпас кылдыр бүрүнү-биле узуткап кааптыңар!
27 Ооң хамык бугаларын ^{▼▼ Бугалар – күштүг дайынчыларны ойзу адааны ол бооп чадавас (Ыд. ыр. 21:13 көр).} өлүрүп калыңар –
оларны дөгерер дээш аппарзын.
Халдейлер ат болур, оларның кеземче көөр үе-шагы келген-дир.

28 Вавилон черден дезип, тын менди үнерин бодаан улустуң
алгы-кышкызы дыңналып тур,
ам Сионда улус Дээрги-Чаяакчы Бурганывыстың өжээн негээнин,
Бодунуң өргээзи дээш өжээн негээнин билип алыр ^ac.
29 Вавилонга удур ча адыгжыларын кыйгырыңар! ^ad
Кым-даа амы-тынныг артпас кылдыр,
ону долгандыр туруп, бүзээлеңер-ле!
Үүлгедиглери дээш ону кезедиңер,
Вавилон өске чоннарны канчаар аажылап чорааныл,
ону база ынчаар аажылаңар ^ae,
чүге дээрге ол Израильдиң ыдыктыг Бурганы Дээрги-Чаяакчының мурнунга
өрү көрдүнүп турган-дыр.
30 Ооң кудумчуларынга аныяк оолдар кырлып каар,
ооң дайынчылары шупту ол хүн өлүп каар».
Дээрги-Чаяакчының медеглээн чүвези ол-дур ^af.

31 «Адыыргак хей, Мен сеңээ удур мен – деп, Аг-шериглиг Дээрги-Бурган-Чаяакчы медеглээн,
– чүге дээрге сээң кеземче көөр үе-шагың келген-дир.
32 Адыыргак хей тептигип кээп дүжер, ону кым-даа көдүрбес.
Ооң хоорайларын от-биле бүргээр мен, ол от долгандыр бүгү чүвени чиптер! ^ag»

33 Аг-шериглиг Дээрги-Чаяакчы мынча дээн:
«Израиль биле Иудеяның чону дарлаттырып турар-дыр!
Оларны дайзын тудуп аппаргаш, салбайн тудуп турар,
хостаар хөңнү чок-тур ^ah.
34 Ынчалза-даа оларның Камгалакчызы күштүг,
Ооң ады – Аг-шериглиг Дээрги-Чаяакчы!
Ол оларга болчур, оларның черинге оожургалды эккээр,
а Вавилоннуң чурттакчыларын дүвүрелге алзыр.

35 Хылыш халдейлерже көдүрлүр – деп, Дээрги-Чаяакчы медеглээн. –
Вавилоннуң чурттакчыларынче, ооң нояннарынче болгаш
мерген угаанныгларынче көдүрлүр.
36 Хылыш ооң төлгечилеринче көдүрлүр,
ынчангаш олар угаан чок апаар,
хылыш ооң дайынчыларынче көдүрлүр,
ынчангаш олар сирилээр;
37 хылыш ооң аъттарынче, дайынчы тергелеринче
база ооң аг-шериинче кирген аймак-чоннарже көдүрлүр,
ынчангаш олар херээженнер дег кортук апаар ^ai.
Хылыш Вавилоннуң эртине-байлаанче көдүрлүр,
ынчангаш ону үптеп кааптар.
38 Ооң сугларынче каңдаашкын халдаарга, суглар соглуп каар ^aj.
Чүге дээрге бо чер – көжээ-бурганнарлыг чер-дир.
Ооң чурттакчылары дүрзү-бурганнар дээш угаанын ышкыныпкан-дыр.

39 Ынчангаш Вавилонга чүгле шөө-бөрүлер,
аң-мең болгаш страус куштар чурттаар ^ak.
Ол чер кезээ мөңгеде чурттакчы чок апаар,
салгалдан салгал дамчып ээнзиреп каар.
40 Бурганның үреп бузуп кааны Содом биле Гоморрага дег,
олар-биле кожаланчак хоорайларга дег ^al,
Вавилонга база чаңгыс-даа кижи чурттавас,
кижи амытан ол черге турумчувас ^am».

41 Көрүңер! Соңгу чүкте чурттаан чон ^an, күчүлүг аймак,
өндүр улуг хааннар кел чыдыр,
олар чер-делегейниң кыдыындан көдүрлүп олур! ^ao
42 Олар холунда ча-согун, хылыш туткан;
олар – каржы-дошкун, кам-хайыра чок улус-тур,
оларның алгы-кышкызы далайның дааш-шимээни дег.
Аъттыг шаап кел чыдар, тулчурунга белен дайынчылар-дыр,
олар сенче халдаары ол-дур, Вавилон-кыс!
43 Вавилоннуң хааны оларның дугайында дыңнап кааш, салдыныптар,
ону аарышкы, хилинчек, божаан херээженни дег, ат кылыр ^ap.

44 «Иордан хемниң эриинден ^aq чечектелген одар-белчиирже ^{▼▼ Азы: «Быжыг аал-оранче».} үнүп келген арзылаң дег, Мен база вавилончуларны далаштырып сывыртап, оларны чагырар кижини шилип, томуйлаар мен. Меңээ дөмей кым барыл, Менден кым харыы негээрил? ^as Меңээ удурланып шыдаар кадарчы бар бе? ^at

45 Ынчангаш Дээрги-Чаяакчының Вавилон дугайында шиитпирин, Ооң халдейлер чуртунга удур бодап алган чүвезин дыңнаңар! ^au Дайзын сүрүг малдың хураганнарын алгаш баар, ооң кадында Бурган одар-белчиирлерни хоозурадып каар. 46 Вавилон эжелеттирер, дааш-шимээнден чер шимчээр, бүгү чоннар алгы-кышкы дыңнаар».