Jer 51:15-19 | TyvTUV | STEP | Дээрги-Чаяакчы Бодунуң күчү-күжү-биле черни чаяап каан, Бодунуң мерген угааны-биле өртемчейни тудуп тургускан, Бодунуң угааны-биле дээрни хере азып каан .

‏ Jeremiah 51:15-19

15 Дээрги-Чаяакчы Бодунуң күчү-күжү-биле черни чаяап каан,
Бодунуң мерген угааны-биле өртемчейни тудуп тургускан,
Бодунуң угааны-биле дээрни хере азып каан ^a.
16 Ол үнүн дыңзыдарга, дээрде суглар шимээргей бээр;
Ол булуттарны черниң ужу-кыдыындан бөлүп эккеп, чаъс чаап турда,
чаңныктарны чаяап, Бодунуң шыгжамырындан хатты үндүр хадыдып турар ^b.

17 Билиг чок кижи бүрүзү сээдең ^{▼▼ Азы: «Кижи бүрүзү сээдең, билиг чок».};
шевер-даа эзилдирикчиниң шуткуп алган дүрзү-бурганы
ооң адын баксырадыр ^d,
чүге дээрге ооң шуткаан чүүлдери – меге-дир, оларда тын чок ^e.
18 Олар хоозун куруг, кочуланчыг кылыглар-дыр,
кеземче үези кээрге, олар чиде бээр.
19 А Иаковтуң Үлүү болур Бурган ^f ындыг эвес:
бүгү чүвени Ол чаяаган,
Израиль – Ооң өнчү болур аймаа база ээлээн чери ^g,
Ооң ады – Аг-шериглиг Дээрги-Чаяакчы! ^h