Job 11
Софарның чугаазы: Иов Бурганче холун сунар ужурлуг
1Наама чурттуг Софар a мынча деп харыылаан: 2«Хөй сөзүң харыы чок артар бе,чечээргээң-биле агартынар сен бе?
3Сен чулчурууруңга, өске улус ыытташпас бе,
кочулал кылырыңга, ай дээр кижи чок бе?
4„Мээң бодап турарым шын,
Бурганның мурнунга арыг мен“– дээр-дир сен b.
5Таанда! Бурган сеңээ харыылап,
аксы-сөзүн ажыткан болза!
6Ол сеңээ чажыт мерген угаанны ажыдарга,
ооң аажок ханызын көрүп каар турган ийик сен ▼
▼ Бо шүлүктүң утказы эки билдинмес. Болгу дег өске утказы мындыг: «Ол сеңээ Бодунуң чажыт мерген угаанын ажыдып бээр ийик, чүге дээрге ёзулуг мерген угаан ийи янзы уткалыг болур».
.Билип ал: Бурган кем-бурууңнуң чамдыызын кеземче чок арттырган-дыр.
7Бурганның чажыттарын дилеп тып ап,
Күчүлүг Бурганны бүрүнү-биле билип ап шыдаар сен бе?
8Ооң мерген угааны дээрден бедик – аңаа чедер харыың бар бе?
Алдыы орандан-даа ханы – канчап билип аар сен? d
9Ооң хемчээли черден узун,
далайдан калбак.
10Бир эвес Ол келгеш, кижини кара-бажыңче октапса,
шүүгү чыылдырыпса, кым Ону доктаадырыл? e
11Ол хоозун улусту билир, бузут-бакты көрүп турар –
ону анаа эрттирбес-даа.
12Черлик элчиген кижи төлү төрүвээн шаанда,
хос баштыг кижи угаан кирбес.
13Сеткил-чүрээңге шын угланыышкын берип,
Бурганче холуң сунар болзуңза f;
14холуңда бачыдыңны ыңай октап,
бузут-бакты аалыңдан сывырыптар болзуңза g,
15бакка борашпаан арныңны көдүрүп,
быжыг турар сен, коргуп-сүртевес сен.
16Ынчан биеэги човулаңыңны,
шагда агып баткан суг дег, уттуптар сен.
17Сээң чуртталгаң дал дүъштен-даа чырык апаар,
караңгыны даң хаяазы солуптар h.
18Оожургай бээр сен, чүге дээрге идегел турар;
камгалалдыг бооп, тайбың удуп шыдаар сен.
19Дыштанып чыдар сен – кым-даа сеңээ кыжанмас i;
хөй-ле улус сээң ээ көрнүүшкүнүң дилээр.
20А бузуттугларның карактары имистелип өжер,
оларга хоргадаар чер турбас,
оларның идегели – эстип-хайлы бээр».
Copyright information for
TyvTUV