Job 13 | TyvTUV | STEP | «Мен бодум база ол бүгүнү көрген болгай мен, ол бүгүнү дыңнаан, билип алган болгай мен.

jЫд. ыр. 82:14

‏ Job 13

Иовтуң эштериниң чугаа-сооду хоозун

1 «Мен бодум база ол бүгүнү көрген болгай мен, ол бүгүнү дыңнаан, билип алган болгай мен.
2 Силерниң билир чүвеңерни мен база билир мен,
силерден дорайтаар чүм-даа чок.
3 Ынчалза-даа Күчүлүг Бурган-биле чугаалажыксадым,
Ооң-биле мээң херээм дугайында маргыжыксадым ^a.
4 А силер мени меге-биле ораап-шарып тур силер,
шуптуңар ажык чок эмчилер-дир силер.
5 О, силер шупту ыыттавайн барган болзуңарза!
Силерниң мерген угаанныыңар ол боор ийик ^b.
6 Мээң барымдааларымны хандыр көрүңер,
чемелелдиг чугаамны дыңнаңар.
7 Бурганга силерниң мегеңер херек бе,
Ол дээш мегелээр силер бе?
8 Ооң талазында болуп,
чаргы-чаалызынга Ону камгалаксап тур силер бе?
9 Бурган силерни шенээр болза, та канчап баар силер.
Кижини дег, Ону дуурайлаар силер бе? ^c
10 Бир эвес чажыды-биле чөптүг эвес көөр болзуңарза,
Ол силерни албан чемелээр.
11 Ооң өндүр бедии силерни коргудуп,
Ооң ыдыпканы коргуушкун силерни бүргей аптар-дыр.
12 Силерниң чугаа-соодуңар – ыйба-хүл дег-дир,
камгалалыңарны дойдан кылган-дыр.

13 Ыыттаваңар, ам мен чугаалаайн,
а ооң соонда мээң-биле болур чүве болуп турзун!
14 Бодумну кончуг улуг айыылга таварыштырып тур мен –
амы-тынымны адыжымда салып алдым.
15 Бурган мени өлүрүп каар-дыр, идегел чок-тур ^{▼▼ Өске бурунгу сөзүглелде «Ол мени өлүрүп кагзын, а мен Аңаа идегээр мен» деп бижээн.},
чүгле оруумну Ооң мурнунга камгалап алыйн.
16 Мээң камгалалым ол-дур, чүге дээрге
Бургандан ойталаан кижи
Ооң мурнунче чоокшулап диттикпес.

17 Дыңнаңар, мээң сөстеримни дыңнаңар,
мээң чугаамче кичээнгейден салыңар.
18 Бодумнуң чаргымны эгелеп алдым,
агарып үнеримни билир мен.
19 Мени буруудадып шыдаар кым барыл? ^e
Буруум бар болза, ыыдым чидип, өлүп каар мен.

20 Бурганым, Сенден чүгле ийи дилээм бар,
ынчан Сенден оон ыңай чаштынмас мен:
21 Бодуңнуң холуңну менден ырадып көрем ^f;
Сээң ытканың коргуушкун мени сирилетпезин! ^g
22 Ынчан мени кый девит – харыылаар мен ^h;
азы чугаалаарын чөпшээрээш, Бодуң харыыдан берип көрем.
23 Мээң бачыттарым, бузут-багым кайы хире хөйүл?
Багай үүлгедиглерим, бачыттарымны көргүзүп көрем.
24 Чүге Сен менден арның чажырып,
мени Бодуңнуң дайзының деп санаар сен? ⁱ
25 Дүшкен бүрүнү коргудар сен бе,
кургаг тараа саваңын истеп-сүрер сен бе? ^j
26 Меңээ аар-берге салым-чолду бижип кагдың –
аныяк шаамның бачыттары дээш кезедип тур сен бе? ^k
27 Сен мээң буттарымны кинчилеп,
мээң оруумну базым санай харагалзаар дээш ^l,
таваңгайларымны демдектеп кагдың ^{▼▼ Азы: «Базымнарымны кызыгаарладың».}.

28 Кижи амытан ирик чүүл ышкаш,
үзүт-ховаган чигген хеп ышкаш үстүп-ойлу бээр ⁿ».