Job 15 | TyvTUV | STEP | Теман чурттуг Элифаз мынча деп харыылаан:

r Иов 22:16; Ыд. ыр. 54:24

s Иов 20:26; Ыд. ыр. 20:10

‏ Job 15

Элифазтың чугаазы: бачыттыглар чогуур кеземче алыр

1 Теман чурттуг Элифаз ^a мынча деп харыылаан:

2 «Мерген угаанныг кижи хей-хоозун сөстер-биле харыылаар бе ^b,
бодунуң иштин изиг хат-биле долдурар бе? ^c
3 Ол утка чок сөстер-биле,
ажык чок чугаа-биле удурланыр бе?
4 Бургандан коргуушкунну ыңай октапкан-дыр сен,
Аңаа мөргүүрү чүү-даа эвес деп бодаар-дыр сен.
5 Кем-бурууң сени ол чугааларга өөредип каан-дыр,
авыяас-кажар сөстерни шилип алган-дыр сен.
6 Сени мен эвес, бодуңнуң аксы-сөзүң буруудатты,
бодуңнуң-на чугааларың сеңээ удур херечилеп тур ^d.

7 Азы баштайгы кижи бооп төрүттүнген сен бе,
тейлерни тургуспаан турда, чаяаттынган сен бе? ^e
8 Бурганның чөвүлелинге турган сен бе ^f,
Ооң мерген угаанын сиңирип алган сен бе?
9 Бистиң билбезивис чүнү билип алган сен ^g,
угаап шыдавазывыс чүнү угаап билген сен?
10 Бистиң аравыста буурул баштыг-даа, кырган-даа улус –
сээң ачаңдан улуг назылыглар бар-дыр.
11 Сеңээ Бургандан келген аргалал,
сеңээ чугаалаан чымчак сөстер эвээш болду бе?
12 Сеткил-чүрээң сени кайнаар тыртып тур,
чүге сээң карактарың килеңден кыптыгып тур? ^{▼▼ Азы: «Сээң көрүжүң чоп кончуг улуургагыл?»}
13 Бурганга хорадаар-дыр сен,
аксыңдан ындыг сөстер үнүп турар-дыр.
14 Кижи амытан деп кымыл, ол канчап арыг боорул,
херээженден төрүттүнген кижи канчап актыг боорул? ⁱ
15 Бир эвес Бурган ыдыктыг төлээлеринге безин бүзүревес,
Ооң караанга дээр безин арыг эвес көстүр болза ^j,
16 бузут-бакты суг ышкаш ижип турар ^k,
чүдек-бужар, шаарланчак кижи төрелгетенде чүү боор! ^l

17 Сеңээ тайылбырлап берейн, мени дыңна,
бодумнуң көргенимни чугаалап берейн;
18 мерген угаанныгларның медеглээни,
ада-өгбезинден дыңнааш, чажырбаан чүвезин чугаалаайн ^m.
19 (Чер-чуртувусту чүгле оларга берген,
оларга даштыкы кижи салдар халдатпаан.)
20 Бузуттуг кижи бүгү назынында хилинчек көөр,
кызагдакчы санныг чылдарда чурттаар;
21 ооң кулаанга коргуушкуннуң алгы-кышкызы дыңналыр,
амыр-тайбың чурттап орда, узуткакчы аңаа чедип кээр;
22 дүмбей черден үнүп кээринге ол бүзүревес,
хылыш ону манап турар.
23 Ол аъш-чем дилеп тояап, „Кайыын тып аарыл?“деп бодап чоруур ^{▼▼ Азы: «Ол тояап чорааш, сек чиир куштар чемижи апаар».},
дүмбей караңгы үе ам дораан кээрин ол билип каар.
24 Түрегдел биле кызагдал ону коргудуп,
дайынга белен хаан ышкаш, ону ажып турар –
25 чүге дээрге ол Бурганга удур холун аннып,
Күчүлүг Бурганга удурланып,
26 аар, быжыг дозуг-камгалал туткаш,
Аңаа удур турамыы-биле халдап үнген-дир.
27 Бузуттуг кижи бодунуң арнын, мага-бодун
чагландырып алган-даа болза ^o,
28 хоозураан хоорайларга,
буступ кээп дүжер четкен,
кагдынган бажыңнарга чурттай бээр.
29 Ооң эт-хөреңгизи, бай-байлаа бүдүн артпас,
кошкулу чер кырынга өзүп-көвүдевес.
30 Ол караңгыдан камгаланып шыдавас,
будуктарын чалбыыш чиген ыяш дег апаар,
Бурганның тыныжы ^p ону хадып аппаар ^{▼▼ Бо домактың утказы эки билдинмес. Өске бурунгу сөзүглелде «Ооң чечээ оңуп дүжер» деп бижээн.}.
31 Ынчаар будалган кижи хоозун чүүлге хей-ле идегээр,
ооң шаңналы чүгле хоозун чүүл боор болгай.
32 Ол хуусаа бетинде кадып каар ^r,
ооң будуктары бүрүленмес –
33 ол, виноград сывы дег, бышпаан каттарын дүжүр октаар,
олива ыяжы дег, ооң чечектери тоглап каар.
34 Бургандан ойталаан улустуң чыыжы үре-түңнел чок боор,
хээли алыр улустуң аалдарын от чиптер ^s.
35 Хай-бачыт-биле иштелген улус бузут-бакты төрүп алыр ^t,
оларның ишти кара сагышты быжыр бодап чоруур».