bЫд. ыр. 118:122; У. ч. 22:26
Job 17
Иовтуң идегели буурап калган
1«Мээң тыныжым үстүр четкен, назыным төнер деп барган,чевег мени манап чыдар.
2Долгандыр – чүгле кочуургактар,
оларның дорамчылалындан карактарым шимдинмес-тир a.
3Бурганым, меңээ Бодуң болчуп көрем –
мен дээш оон өске кым дагдынарыл? b
4Бо улустуң чүрээн чүве билип албас кылып каан-дыр сен,
ынчангаш оларга ажып тиилээр арга бербес сен.
5Бодунуң ажык-кончаазы дээш эжин садыптарынга белен кижиниң ▼
▼ Бо домактың утказы эки билдинмес. Болгу дег өске утказы мындыг: «Бодунуң эш-өөрүнге чашпаалаар кижиниң».
ажы-төлүнүң карактары имистелип өжер.
6Бурган мени өскелерге кочу-шоот d,
улуска арнынче дүкпүртүр кижи кылып кагды.
7Качыгдалдан карактарым шоозу өжүп калган,
мага-бодум хөлеге дег апарган.
8Чөптүг улус ол бүгүнү көргеш, аңгадаар,
буруу чоктар Бургандан ойталааннарга хорадаар.
9Чөптүг-шынныг кижи оруундан өскээр барбас,
холдары арыг кижи улам-на быжыгар.
10Силер шупту бээр келиңер,
араңардан мерген угаан тыппас-тыр мен!
11Мээң чуртталгам эрте берген,
идегелим буурап калган e,
чүрээмниң күзелдери өлүг.
12Бо улус дүннү „хүн-дүр“деп мегелеп:
„Чырык чоокта-дыр“– деп тур, а долгандыр – дүмбей f.
13Идегээр мен бе, мээң бажыңым өлүглер оранында-дыр g,
дөжээмни дүмбей караңгыда чадып аар мен;
14чевегге: „Ачам сен“,
курттарга: „Авам сен, угбам сен“– дээр мен.
15Идегелим черле бар бе?
Мээң идегээн чүүлүмнү кым көрүп шыдаарыл?
16Ол өлүглер оранының хаалгазынче бада бээр,
Мээң-биле кады черге чыдып аар».
Copyright information for
TyvTUV