Job 18
Вилдадтың чугаазы: бузуттугларның чырыы өжүп каар
1Шуах чурттуг Вилдад a мынча деп харыылаан: 2«Чугааларыңар кажан төнерил?Боданып көрүңер – оон чугаалажыылы.
3Мал-маган дег болуп b,
силерниң карааңарга мелегейлер бооп көзүлген херээвис чүл?
4Сен килеңнээш, бодуңну хинчектеп тур сен.
Сен дээш чер ээнзирээр бе азы
хая-даш турган туружундан шимчээр бе?
5Бузуттуг-бак кижиниң чырыы өжүп каар c,
ооң одундан чаштанчы безин артпас;
6ооң аалында чырык дүмбей бооп хуулар,
ооң чырыткызы өже бээр.
7Ооң базымнары күжүн чидириптер,
бодунуң-на бодалдары ону ужур шааптар d.
8Ооң буттары какпаже киир базар,
четкиже хөме кылаштай бээр e;
9дузак ооң ээжээнден тудуп аар,
хендир ооң мага-бодун ораай шааптар;
10черде аңаа чажыт какпа салып каан,
кокпада ону ая манап турар.
11Ындыг кижини чер болгандан коргуушкун сүртедип f,
ыңай-бээр дезип маңнаарынче албадап турар.
12Аштан ооң күжү кошкай бээр,
айыыл-халап ооң чанында манап турар.
13Өлүмнүң дун төлү ооң мага-бодун хемирер,
кежин оюп-дежип, чиптер.
14Идегеп турган аалындан ону ушта тырткаш,
Коргуушкуннар хаанынче ▼
▼ Коргуушкуннар хааны – өлүмнүң оюскан ады.
аппаар.15Хары улус ооң аалынга чурттай бээр ▼
▼ Бо домактың утказы эки билдинмес. Болгу дег өске утказы мындыг: «Чалбыыш ооң аалынга туруп аар».
,ооң чурттаан черинче изиг күгүр кудуптар i.
16Бузуттуг-бак кижиниң адаанда дазылы кадып каар,
үстүнде будуктары кургап каар.
17Ооң дугайында сактыышкын чер кырындан чиде бээр j,
кудумчуларга улус ооң адын уттуптар.
18Амылыглар оранынга ол артпас кылдыр,
ону чырыктан дүмбейже сывырып чорудуптар.
19Чонунуң аразынга ооң ажы-төлү, үре-салгалы артпас,
ооң чурттап турган черинге чоок кижилери артпас k.
20Ооң салым-хуузун дыңнааш, барыын чүкте улус коргар,
чөөн чүкке база сүрээдеп сирилээр ▼
▼ Азы: «Келир салгалдар коргар, эрткен-даа салгалдар сүрээдеп сирилээр».
.21Бузуттуг-бак улустуң оран-савазы,
Бурганны билбес улустуң m чурттаар чери ындыг үүлеге таваржыр».
Copyright information for
TyvTUV